إلحقني يا درش.. عاوز ألحم الشاسيه

**wagbr** · 29-05-2008 06:55 PM

سؤال يادرش الله يكرمك ؟ قبل ماعرف ان انت من المطريه عملت حادثه جامده وحبايبي في المطريه وقفوا جانبي ولمناها الحمد لله ومنهم سيد عفشه اكيد عارفه المهم واحد ابن حلال بدون ذكر اسماء قالي الشاسيه عايز يتفتح 3سم شمال وطبعا الكلام ده قبل ما اعرفك وغلطه حياتي اني قلتله موافق وبعدها وربنا مايوريك هوبا الشاسيه اتشرخ مش عارف اعمل ايه مافيش صرفه انت عارف ان كده العربيه ماتت ولا اوديها التوكيل انا عايز حد يلحم الشاسيه اكنه فابريقه

**Xpert** · 29-05-2008 08:04 PM

يعني ساعات ممكن نوع العربيه و بيانات اكتر يفيد شويه :d .. درش مابينجمش و هوه قاعد

**wagbr** · 30-05-2008 06:19 PM

العربيه كيا برايد سيدان مو1998 والشرخ في الجنب الشمال ومش عارف اعمل ايه ولا تتكلف كام ياجماعه بليز ساعدوني انا معرفش حد بيفهم في الحكايه دي ومش عارف اعمل ايه

**HeMa_LanCeR** · 30-05-2008 07:57 PM

المشاركة الأصلية كتبت بواسطة wagbr

العربيه كيا برايد سيدان مو1998 والشرخ في الجنب الشمال ومش عارف اعمل ايه ولا تتكلف كام ياجماعه بليز ساعدوني انا معرفش حد بيفهم في الحكايه دي ومش عارف اعمل ايه

علي فكره البرايد كلها كده لا تقلق انا واحد صاحبي كانت معاه من الفابريكا والكارتيرا وفرد الشاسيه فتحو بالرغم انها مكانش فيها خربوش يعني فتحت لوحدها بس متهيألي والده عملها في الحرفيين وأكيد اي حد فني هيقدر يفيدك اكتر مني

**shoudy2005** · 30-05-2008 10:23 PM

انصحك بورشة سمير على فى الحرفيينو هما هيلحمولك الشاسيه و هيشدهولك باجهزة

**mohamed ibiza** · 30-05-2008 10:37 PM

عليك و علي الحرفيين هما حراقين شوية بس هيرجعهوالك كويسة

**wagbr** · 02-06-2008 03:34 PM

اولا شكرا لكل الغاليين اللي ردوا عليا وشكرا للي مردوش كمان بس تفتكروا ان اللحام هيبان ولا لا انا خايف اوي من الموضوع ده كل لما اقل لحد يقولي شيست العربيه يافالح اكني اول واحد في الكون يتعرض للموقف ده ؟