خبرة مبتدئ فى البايكس (شكر خاص للعضو alfath8)

انا عضو جديد فى المنتدى اسمى عمرو التركى من السويس ...... طبعا بحب اشكر العضو alfath8 وكل الناس الجميلة الموجودة فى المنتدى اللى اتعلمت منهم الكتير قبل ماشترى البايك بتاعى .....انا لسة شارى البايك من شهر وهو (HONDA 250 FIREBLADE )واشتريتة من عند (تامركو جسر السويس ) ..... غلط غلطة كبيرة انى ماخدتش ميكانيكى معايا ... البايك الحمدللة يعتبر كانة جديد بس كان مركون فترة كبيرة ودة طبعا اثر على حاجات كتير فاضطرت انى اغير حنفية البنزين و تقريبا لفيت مصر كلها بس احسن واحد فى قطع الغيار للمكن الصغير محل فى بولاء ابو العلا اسمة (زجمــــار ) ..... وعندى مشكلة ياريت لو حد يعرف لها حل .... البطارية سليمة والمارش سليم والكربارتير نظيف و الابر الاصلية بتاعتة و الحمدللة مفيش جوان بيسرب لكن بمجرد مبركن البايك اكتر من 10 ساعات مش بيرضى يدور ولازم يتزء زقة جااامدة علشان يدور
وابقى متشكر جدا لاى حد عارف حل المشكلة دى

اقتباس:

---

المشاركة الأصلية كتبت بواسطة elturkey

انا عضو جديد فى المنتدى اسمى عمرو التركى من السويس ...... طبعا بحب اشكر العضو alfath8 وكل الناس الجميلة الموجودة فى المنتدى اللى اتعلمت منهم الكتير قبل ماشترى البايك بتاعى .....انا لسة شارى البايك من شهر وهو (honda 250 fireblade )واشتريتة من عند (تامركو جسر السويس ) ..... غلط غلطة كبيرة انى ماخدتش ميكانيكى معايا ... البايك الحمدلله يعتبر كانة جديد بس كان مركون فترة كبيرة ودة طبعا اثر على حاجات كتير فاضطرت انى اغير حنفية البنزين و تقريبا لفيت مصر كلها بس احسن واحد فى قطع الغيار للمكن الصغير محل فى بولاء ابو العلا اسمة (زجمــــار ) ..... وعندى مشكلة ياريت لو حد يعرف لها حل .... البطارية سليمة والمارش سليم والكربارتير نظيف و الابر الاصلية بتاعتة و الحمدلله مفيش جوان بيسرب لكن بمجرد مبركن البايك اكتر من 10 ساعات مش بيرضى يدور ولازم يتزء زقة جااامدة علشان يدور
وابقى متشكر جدا لاى حد عارف حل المشكلة دى

---

نفس المشكلة دى كانت بتحصل معايا وغيرت كل حاجة ومتحلتش المشكلة برضو و ف الاخر طلعت المشكلة ف الاكتوفاير حاول تغيرة وان شاء الله المشكلة تتحل

الف شكر يا استاذ torky وهو فعلا الاتراك مبيظهروش غير فى الغربة:verygood: بس ياريت توضح لى هو اية دة علشان انا معرفوش ؟؟؟

وممكن يكون من السقعي ودي بتحصل كتير اوي مع ناس اعرفهم وكشفه علي كل حاجة مافيش كلو سليم

معتقدش.يا.كريم.دى.حاجة.اكيد. فى.البايك.لان.دى.مبتدورش.ول� �.دارت.كانها.شرقانة.فاكيد.عي ب.فى.البايك.

الف شكر ليك يا عمرو دا انتا البركة كلها وانا معملتش حاجة غير الواجب بس انا مع انك تشيك على الموضوع ده وانا نقلته علشان تتعرف على الموضوع كله

الموتوسيكل مش بيدور ؟ يبقى العيب من البطاريه لو نايمه زقها وامشي لو مشيت بيها ولقيت البطاريه مش بتشحن يبقى العيب من 3 حجات

اولها البطاريه ممكن تكون محتاجه صيانة وحتى لو جافه بيتحطلها ميه على فكره لان اغلب الناس فاكره جافه يبقى خلاص مش محتاجه ميه ده حتى وانت بتشتريها لاول مره بيبقى معاها ميه تحطها فيها

فا تجرب تشحنها ولو ناقصه ميه تزودها وتركبها وامشي ببيها لو لقيت شحنها فضي ومتحنتش يبقى العيب هنا يا منها يا من الدينامو يا من الريكتيفير (اوكتيفير بلغت الميكانيكيه)

ازاي طيب نتاكد انهم مش بايظين اولا تروح لحد بتاع بطاريات يقيس الشحن بتاع الموتوسيكل طيب ازاي؟

حيجيب الجهاز الي بيقيس بيه سواء الانلوج او الديجيتال (فولتميتر) ويشوف الشحن لو بيدي 13 او 13 ونص او 14 يبقى تمام الشحن والعيب بطاريه لو اقل يبقى العيب من الباقيين

بعض انواع الريكتيفير لو محروق تلاقيه بارد لان لو سليم بيبقى سخن وفيه طريقه بلدي تقيس بيها الدينامو

عشان تشوف شغال ولا لا الا وهيا التشريز حتشيل فيشة الدينامو من مكانها وتحط سلكتين وتلمسهم في بعض بس م تسبهم فتره لا هيا تلميسه لو شرز زي ما بيقولوا يبقى سليم وطبعا لو عند ميكانيكي الكلام ده حياخد منه ثواني ويعملهولك بدل ما تتعب نفسك بس بقول عشان لو حابب تجرب بنفسك او يبقى عندك فكره هو بيعمل ايه وميشتغلكش

وطبعا لو عيب ريكتيفير ده مش بيتصلح بتجيب بداله

الدينامو لو في حجات فيه محروقه ممكن تجيب بداله بس منصحش يوزد او ممكن تلفه وفي واحد السمه العفريت في دير الملاك تقريبا كهربائي موتوسيكلات ده انصح بيه ولو حد عنده استفسار في ال 3 حجات ديه يقول

------------------------------------------------

جزء 2 لو البايك مش بيدور

ممكن من المارش يكون محروق او معتل وعايز يتصلح

تصليحه سهل خلي الميكانيكي يفكه وهو بيقبى موجود اسفل البايك وخده وروح بيه لكهربائي

الي بيتصلح جزئين ممكن يكون الشربون اتحرق او اتاكل وعايز يتغير وبتغيره ب 15 ل 20 جنيه على حسب

او البوبينه بتاعته محروقه وديه بردوا بتتلف او تجيب وحده جديده مفيش مشكله

------------------------------------------------

جزء 3 لو البايك مش بيدور

مره الموتوسيكل مرضاش يدور وكان العيب تافه جدا

كان سلك الارض مش متوصل في مكان

حتلاقيه قريب من البطاريه سلك واصل بمسمار في جسم الموتوسييكل

يا رب يعجبك

مش عارف يا محمد ... بس بيتهيالى مش حاجة من الحاجات دى لان دى حاجات بسيطة بيتهيالى الميكانيكى كان هيعرفها وهو واقف ... بس فى ميكانيكى فى الجيزة اسمة تامر لوت كلمتة قالى دى حاجة فى التكهيات قالى شغل فى ال overhead قالى حاجة بسيطة لو الحجرات صغيرة بتتغير ولو كبيرة بتتصنفر تقريبا و دى بتبقى ناتجة عن الجو من ساقع لسخن .... وانى افهم حاجة بقى من الكلام اللى قالة دة ياخى ولا اية حاجة فقلت يمكن حد يبسطها لى :Copy of rfds:

يا عمرو مش شرط الميكانيكى يعرف المهم انتا شايف ايه بيحصل وانتا اللى ممكن تقيم العيب من غير الميكانيكى والتاكيهات دى ممحدش بيلعب فيها ابدا لأنها بتعتبر حل للموتور وحالل وش السلندر وحوارات صدقنى هيا مش هاتخرج عن اللى قلتلك عليه ابدا

اهلا بيك يا عمرو ومنور المنتدى ..طبعا زى ما الاعضاء الكرام قالولك ممكن يكون فعلا المشكلة من البطارية او المرش فية مشكلة لكن انا عايزك تجرب حاجة مش هتكلفك حاجة ..بعد ما تبطل البايك على طول اقفل حنفية البنزين ولم تيجى تدور بعد ال 10 ساعات افتحها لو دار على طول يبقى عندك مشكلة فى ابر الكربرتير ممكن تكون مش قفلة البنزين كويس والحكاية دى تخلى الماكنة تغيب فى التدوير او لازم تتزء

بص يا استاذ عمرو انا نفس المشكله دى كنت عندى وروحت للمكانيكى قالى تكيهات برده بس انت لما رحت لتامر كشف على الكهربا و دينمو الاول قبل ما يقول كده ولا قالك كده قبل ما يكشف ؟ شوف كده وقولى وانا ساكن جنب تامر على فكره واتعملت معه قبل كده .

لا صراحة انا مرحوتلوش انا من السويس فكنت بكلمة فى التليفون هو راجل كويس بس يا ترى صنايعى كويس اديلو البايك و خلاص و موضوع التاكيهات دة لما عملتة البايك ظبط ؟؟؟؟؟؟؟

اقتباس:

---

المشاركة الأصلية كتبت بواسطة elturkey

لا صراحة انا مرحوتلوش انا من السويس فكنت بكلمة فى التليفون هو راجل كويس بس يا ترى صنايعى كويس اديلو البايك و خلاص و موضوع التاكيهات دة لما عملتة البايك ظبط ؟؟؟؟؟؟؟

---

هو بصراحه من ناحيه صنايعى كويس فا هو كويس
لا مهو البايك ما كنش بتاعى فا معرفش صحبه عمل فيه ايه

اقتباس:

---

المشاركة الأصلية كتبت بواسطة hondaaaa

اهلا بيك يا عمرو ومنور المنتدى ..طبعا زى ما الاعضاء الكرام قالولك ممكن يكون فعلا المشكلة من البطارية او المرش فية مشكلة لكن انا عايزك تجرب حاجة مش هتكلفك حاجة ..بعد ما تبطل البايك على طول اقفل حنفية البنزين ولم تيجى تدور بعد ال 10 ساعات افتحها لو دار على طول يبقى عندك مشكلة فى ابر الكربرتير ممكن تكون مش قفلة البنزين كويس والحكاية دى تخلى الماكنة تغيب فى التدوير او لازم تتزء

---

bnork ya 2ostaz honda bs ana kont mendaf el carporater awel magbtha w all needles are original and works fine ........ very thanks for helping :)