الى المدعو غبور وكل من يعمل فى هذة الوكالة حاسبوا انفسكم قبل ان تحاسبوا

**ahmed_anas** · 30-05-2008 02:37 AM

سم الله الرحمن الرحيم
انا اتضامن بكل قلبى مع لاهونداى بعد اليوم بسبب المدعو غبور ومع انى كنت على وشك شراء الاكسنت ولكن لأسف انا بعد ما قريت فانا شايف ان ابسط حاجة اننا نقاطع هذا الرجل وهذة البضاعة وللعلم انا كنت مع احد الخبراء فى مجال السيارات اليوم وقال لى ان شركة غبور فى النازل وان سمعتها بقت مش كويسة جدا كمان ان منصور فى الوقت الحالى مكتسح بشكل كبير بالسيارة افيو الكورى الجديد وايضا بخدمة ما بعد البيع والصيانة لدرجة انة قال ان الناس انا معرفش ساكتين لية على غبور ولازم يقفوا وقفة ضد هذا الرجل الذى عمل ثروات من سيارات قيمتها الحقيقة اقل بكتير جدا مما تباع بة فى مصر والدليل على ذلك ان النيو اكسنت الخليجى ب 24000 الف ريال وبها كماليات اعلى من الى نازلة مصر وان غبور
يكفى انة يسخر بعملائة ويقدم لهم خدمات سيئة وايضا سيارات اقل بكتير فى الاوبشن عن برة

انا فعلا افكر جديا انى اتوجة الى افيو ويحيى منصور الراجل المحترم الذى يحترم عملائة
والكل بالصراحة بيشكر فية بجد كما ان الافيو سعرها سيزيد وكما علمت ب 3000 ج بعد اشهر قليلة

ما لايعلمة الجميع ان على كل انسان ان يحاسب نفسة قبل ان يحاسب امام اللة والامانات ليست اموال وفقط اوحفظ عرض او الخ الخ الخ انما ايضا فى اموال الناس الى بتتعب فيها وتذهب الى توكيل يجرب فيهم وعندة صنايعية تعبانين وصاحب الشركة لايبالى
استغرب لية اى مشروع فى مصر بيبتدى كويس وبعد سنة او اتنين بالكتير وبعد ما تجمع الثروات يهبط الاداء ويكون همهم جمع الفلوس وبس
بالمناسبة نفس المشكلة كانت مع ابو الفتوح وسيارتة الاسبرانزا الى لسة بايعها من شهرين

**Nile_Storm** · 30-05-2008 12:24 PM

المشاركة الأصلية كتبت بواسطة ahmed_anas

كمان ان منصور فى الوقت الحالى مكتسح بشكل كبير بالسيارة افيو الكورى الجديد
انا فعلا افكر جديا انى اتوجة الى افيو ويحيى منصور الراجل المحترم الذى يحترم عملائة

اولا اهلا بيك معانا

ثانيا ياراجل افيو ايه اللي مكتسحه
و منصور ايه اللي بيعامل باحترام كفايه انه لما لاقي اقبال علي العربيه رفع سعرها مابين يوم و ليله من 68 الي 72
لأ و ايه و تقفيل مصري بعد ماكان بيجيب الكوري
روح بص علي منتدي شيفروليه و هتلاقي الناس بتشتكي من التقفيل
انا بس حبيت ارد علي النقطه دي

**hazem_khidr** · 30-05-2008 02:01 PM

من رايي لا منصور و لا غبور
احنا نشوف حد محترم زي محمد نصير صاحب توكيل كيا و رينو و الفاروميو
عنده تشكيله حلوه و كلهها تقفيل كوري و محترمه.
و ما ننساش ان كيا اقدم شركه سيارات في كوريا .

**Hassan Khalil** · 30-05-2008 02:43 PM

كلام حضرتك مظبوط من ناحية ان غبور توكيل ( مؤرف ) و لازم يراجع نفسه في جودة الخدمات اللي بيقدمها لعملائه .. و هم كثيرون .
اما من ناحية انه بيقدم منتج بقيمة اعلي من قيمته الحقيقية .. واستشهاد حضرتك بالاسعار في الخليج ..فده مش غبور لوحده .. ده غبور و منصور و كل التوكيلات العاملة في بلدنا المحروسة ..
من ناحية .. ان الجمارك علي العربية في فئة الاكسنت وما يشابهها تصل الي 61% و ذلك بدون هامش الربح الخاص به ..
و من ناحية تانية ان التوكيلات تقوم بتجريد العربيات من كمالياتها لتخفيض سعرها و لتعلية هامش الربح الخاص بها ..
و اتفرج علي الفولكسات الخليجي و بتاعة التوكيل ( الجيتا والباسات و البورا القديمة )
*************
عموما .. الان مش الاسعار هي اللي تخللي الواحد محتار ما بين ماركة و ماركة .. لانهم كلهم سفاحين .. و لكن خدمات الوكيل هي اللي حيكون لها عامل الحسم في اتخاذ قرار الشراء ..
************
ملحوظة اخيرة .. بالنسبة للنيو اكسنت .. انا ( شخصيا ) شايف انها من افضل السيارات في فئتها و سعرها في السوق المصري الان .
تحياتي

**ahmed_anas** · 30-05-2008 03:32 PM

بالنسبة يا جماعة للأفيو نزلت 2009 وكورى كورى وسامع ان الناس بتشكر فيها
المهم ان احنا بجد لازم نعرف حاجة لية الناس فى مصر بعد لما بيعملوا فلوس بهملوا .؟..كل حاجة

**ramysultan** · 30-05-2008 05:35 PM

ازاي الناس بتشكر وهي لسه مامشيتش في مصر
علي عكس غبور تماما جميع فئلت عربياته منتشره بشكل غير طبيعي وماشيه والناس بتشكر فيها ياسيدي الفاضل الناس مالكي الهونداي هنا في المنتدي عددهم واحد علي مليون من عدد ملاك هيونداي في مصر .................ده فيه ناس عندهم اكتر من عربيه هيونداي وانا اعرف علي المستوي الشخصي كتير جدا...................ازاي وحشه ياسيدي التوكيل وحش ماتروحش التوكيل يكفي في مراكز صيانه كتير اوي دلوقي في مصر نضيفه وممكن تعتمد عليها

ولذلك انا باختلف معاك في الموضوع ده

**som3aa** · 30-05-2008 11:05 PM

يا سيدى اللى طرح فكرة لا هيونداى بعد اليوم واحد معندوش عربية هيونداى و لا جاب عربية هيونداى!!! و نقريبا كل اللى وافقوا معندهمش عربية هيونداى من الاساس !!!!!!!

ملاك هيونداى مردوش على الموضوع من الاساس !!

حضرتك اقرا ردودى فى الموضوع نفسه بتاع لا هيونداى بعد اليوم

ازاي الناس بتشكر وهي لسه مامشيتش في مصر
علي عكس غبور تماما جميع فئلت عربياته منتشره بشكل غير طبيعي وماشيه والناس بتشكر فيها ياسيدي الفاضل الناس مالكي الهونداي هنا في المنتدي عددهم واحد علي مليون من عدد ملاك هيونداي في مصر .................ده فيه ناس عندهم اكتر من عربيه هيونداي وانا اعرف علي المستوي الشخصي كتير جدا...................ازاي وحشه ياسيدي التوكيل وحش ماتروحش التوكيل يكفي في مراكز صيانه كتير اوي دلوقي في مصر نضيفه وممكن تعتمد عليها
ولذلك انا باختلف معاك في الموضوع ده

جبت الخلاصة باهنئك

**mohbasyouni** · 30-05-2008 11:14 PM

سعر النيو اكسنت موديل 2008 فى السعودية 34 الف ريال مش 24 و ذلك لاقل فئة المانيوال 1400 سى سى

**SEATLOVER** · 30-05-2008 11:28 PM

المشاركة الأصلية كتبت بواسطة som3aa

يا سيدى اللى طرح فكرة لا هيونداى بعد اليوم واحد معندوش عربية هيونداى و لا جاب عربية هيونداى!!! و نقريبا كل اللى وافقوا معندهمش عربية هيونداى من الاساس !!!!!!!

يا حاج سومعة ...
هو انت فاكر سيات لافر قاعد فى موضوعة و مش عارف كل كلمة بتتقال فى المنتدى ولا اية ؟ !!!
هو انا لازم يكون عندى عربية هيونداى عشان اقوم بدور ايجابى نحو زمايلى اعضاء المنتدى ولا اقف اتفرج عليهم و ادخل فى كل مشاركة اقول دة توكيل سيىء

وبتقول ماحدش عندة عربية هيونداى اشترك فى الموضوع
حضرتك الموضوع عدد مشاهدتة وصل عدد 3582 مشاهدة بأجمالى مشاراكات 145 مشاركة ... لو تحب اذكرلك اللى معاة عربية هيونداى و شارك اقولهوملك بالترتيب كمان

ولعلمك عشان انا عارف انك ماعندكش وقت تتابع القسم عندك
الاخ السائل و صاحب الموضوع (احمد باشا) كان فاتح موضوع قبل دة على طول بيسأل على النيو اكسنت
فى الموضوع دة ارجو المساعدة لانى محتار فى شراء اكسنت 2008

وهتلاقى ان انا اول واحد رديت علية
ولو مش قادر تروح الموضوع دة نص اللى قولتهولة هناك

المشاركة الأصلية كتبت بواسطة SEATLOVER

اهلاً بيك يا استاذ احمد
حضرتك تقصد النيو اكسنت طبعاً
العربية دى ممتازة و من افضل انتاجات هيونداى من حيث الاداء وقوة الاحتمال
ودة بشهادة معظم مٌلاكها ,قطع غيارها مرتفعة و لكن جودتها عالية و بالتالى عمرها الافتراضى اكبر

وممكن تقرا الموضوع دة هايفيدك جداً
تقييم شامل للنيو اكسنت

لكن لو حضرتك مش مستعجل فى الشراء ممكن تصبر شوية لان الايام دى فى
لا هيونداى بعد اليوم ..............(قد تكون فترة محدودة)
والذى قد يكون احد سلبيات العربية فى الوقت الراهن

يعنى قولتلة ما يرضى الله فى العربية ..
وهو اللى اعتبر نقطة التوكيل نقطة غاية فى الاهمية و تفرق معاة ... ودة حقة

ياريت منتكلمش على حد و هو مش موجود .... (وخصوصاً انا )

**Mzeid** · 30-05-2008 11:30 PM

ممكن أوضح حاجة مهمة ..
سبب أن خدمات غبور سيئة للغاية .. عارفين لإيه السبب .. ؟!
اللي ماسك قطاع التسويق و المبيعات و خدمات ما بعد البيع ( أي نعم الثلاثة مع بعض ) شخص اسمه أستاذ عمرو الإسكندراني ..
طبعاَ كلامي دة مش بيقلل من شخصية أو قدرة الراجل على العمل و لكن لك أن تتخيل أن أكبر توكيل سيارات في مصر - بالنسبة لحجم السوق - اللي واخد ثلث السوق لوحده ممسك الثلاثة قطاعات دي لفرد واحد فبالتالي الضغوط عليه هتبقى هائلة و دة هيأثر على أداءه في القطاعات الثلاثة ..
في حين أن التوكيلات الأخرى يتولى شخص منفصل قطاع منفصل من القطاعات الثلاثة دي ..
و في الآخر دة رأيي و يحتمل الصواب و الخطأ ..
:):)