الحقنى يا باشمهندس طارق.....الحقونى يا لانسروية....الحقونى يا خبرا

**kemo_nagy** · 30-05-2008 02:59 AM

انا معايا لانسر 1999 مانيوال وفى صوت تكتكة كدة خفيف بيطلع و انا بلف الدريكسيون وانا ممور المهم رحت لميكانيكى قالى ان التكتكة دى جاية من صوت علبة الدريكسيون قالى اكيد (مبوشة)قلت الحمدو لله ماطلعشى كوبلن و قلتلو حلها اية قالى لازم تتغير وماتنفعشى تتصلح عشان بور...قلتلو خلاص هاسأل عليها و ارد عليك..روحت وكلمت التوكيل مصرية اللى فى جسر السويس قالى انها مش موجودة طب و بعدين قالى كلم الفرع الرئيسى اللى فى قليوب المهم اتصلت قالى لازم رقم الشاسية مش عارف لية؟المهم عقبال مانزلت جبتة و رجعت كانو قفلو كلمت فرع الكيت كات قالى تعملها حوالى 3000 الاف جنية قلت ياريتها كانت كوبلن المهم الحمدو لله على كل حاجة ..
السؤال يا باشمهندس هى فعلا العلبة ممكن تعمل التكتكة دى ولو هى فعلا. أكيد دة مش طبيعى؟صح؟وهل فعلا لازم اغيرها؟ماتنفعشى اعملها صيانة؟ولو ينفع يتعملها صيانة هل هترجع تانى زى الجديدة؟وياترى ممكن اجيب واحدة استيراد وتبقى كويسة؟ولا التيوانى جديدة احسن؟ولا أمرى لله و اصبر شوية واجيب اللى فى التوكيل؟ولو مشيت عليها كدة اية اللى ممكن يحصل ياعنى ممكن تأثر على حاجة؟
انا اسف لو طولت عليكو و الف الف الف الف شكر

**Ahmed Samy** · 30-05-2008 03:06 AM

اولا انت خضتنى من العنوان ........انا قلت مصيبة بقى

بس الحمد لله خفيفة

استيراد يا باشا و دي هاتلاقيها زي الرز و مش هاتوصل الف ونص حتى دا ان وصلت الف

و بلاش تصلح و تعمل لأنها مصاريف على الفاضي و هاترجع

غير و بلاش تايواني لأن الشوارع هنا مش بتاعة كده

بسيطة يا باشا (هو في مواطن مصري ماغيرش او مش هايغير علبة دريكسيون) :)

**NaderNabil** · 30-05-2008 03:10 AM

يا راجل دا انا مغير علبتين في عربيتي القديمة:)

بس انا حاسس ان الموضوع اشتغاله....العلبة ممكن يتعملها صيانة و هاترجع جديدة بس هاتعد بالكتير 15000-20000كيلو و هاتحتاج صيانة أو تغيير

أفضل حاجة تروح لعفشجي تاني محترم تخليه يجرب العربية و متقلوش علي أي حاجة....لحد ما هو يقللك علي العيب جاي منين بالظبط....عشان ماتصرفش فلوس علي الفاضي

**kemo_nagy** · 30-05-2008 03:14 AM

المشاركة الأصلية كتبت بواسطة Ahmed Samy

اولا انت خضتنى من العنوان ........انا قلت مصيبة بقى

بس الحمد لله خفيفة

استيراد يا باشا و دي هاتلاقيها زي الرز و مش هاتوصل الف ونص حتى دا ان وصلت الف

و بلاش تصلح و تعمل لأنها مصاريف على الفاضي و هاترجع

غير و بلاش تايواني لأن الشوارع هنا مش بتاعة كده

بسيطة يا باشا (هو في مواطن مصري ماغيرش او مش هايغير علبة دريكسيون) :)

الف الف الف شكر يا أحمدعلى سرعة الرد؟وياريت لو عندك مكان او محل او ورشة معينة كدة تقولى عليها؟ياترى ينفع امشى عليها كدة لحد ماربنا يفرجها ولا أقضيها مواصلات لحد ماتتصلح؟:) الف الف الف شكر مرة تانية

**kemo_nagy** · 30-05-2008 03:17 AM

المشاركة الأصلية كتبت بواسطة NaderNabil

يا راجل دا انا مغير علبتين في عربيتي القديمة:)

بس انا حاسس ان الموضوع اشتغاله....العلبة ممكن يتعملها صيانة و هاترجع جديدة بس هاتعد بالكتير 15000-20000كيلو و هاتحتاج صيانة أو تغيير

أفضل حاجة تروح لعفشجي تاني محترم تخليه يجرب العربية و متقلوش علي أي حاجة....لحد ما هو يقللك علي العيب جاي منين بالظبط....عشان ماتصرفش فلوس علي الفاضي

الف الف شكر يا نادر و ربنا يجازيك كل خيرويسمع من بؤك وتطلع اشتغالة بصراحة مش ناقصة بنزين و قطع غيار كمان طب ياعنى لو لقدر الله وطلع فيها حاجة بلاش توكيل وبلاش تيوانى ولا اية واشوفلى حاجة استيراد؟

**hazem_khidr** · 31-05-2008 01:50 PM

تكتكه و انت بتلف يبقي كوبلن علي طول
بصراحه رغم اني ما سمعتش الصوت لكن حاسس انه كوبلن لان دي اعراضه.
اما لو اسكترا فعندك حل من اتنين
تروح لعفشجي نضيف و يفكها و يشحمها ولو فيها حاجه بايظه يغيره و في الغالب بتبقي كاتوشه جوه بتعمل صورت درده كده بس في المطبات.
يا اما تشتري واحده جديده ياباني من محلات قطع الغيار و اكيد ارخص من التوكيل.
ابعد عن المستعمل في شغل العفشه نهائي (سكترا و مقصات و بيض و مساعدين و يايات)
هات الجديد حتي لو تايواني

**ramyso4** · 31-05-2008 02:46 PM

لازم الصوت يتسمع بس أنا حاسس انها فعلن علبة الدركسيون ونت كمان بتقول الصوت بيطلع حتى ونت ممور وممكن عادي تطلع الصوت الإنت بتقول عليه ده وشوف إذا كنت العربية على سرعة بتحس انها بتغربلك كدة ومش مظبوطة ولا ايه الموقف ونصيحتي بلاش تصليح أبداً أبداً أبداً وكمان رأي بلاش إستيراد حتى عشان هي جديدة فال حرفيين ب-1400 بس الحاجة الأنا ملاحظه إن فيه ناس كتير أعرفهم معاهم لانسر كريستالة وبيغيرو إسكترة فياترى ده عيب فيها ولا عشان العربية ادمت ؟

**MaaG** · 02-06-2008 04:27 AM

أنا معايا لانسر 2003 ، و كنت بسمع صوت برضوا لما كنت أحرك الدركسيون يمين و شمال و هيا واقفة و نادرا مع المشي ، و رحت لواجد عفشجي كويس بصراحة ، قالي إن العيب من البطاحة أو النطاحة حاجة كدا و دي الحتة إلي في الكبوت فوق المساعد ، و دي كانت الجلدة بتاعتها فيها بوش فبتعمل الصوت ده ، و قالي مش هتأثر على حاجه و أمشي بيها عادي ، و فعلا بقالي سنة و نص على كدة ، لحد لما مابقتش أسمع الصوت كتير ، إظاهر إنوا بيطلع لما آخد الملفات أو المطبات بطريقة ناشفة شوية .

**dooody_2007** · 02-06-2008 03:22 PM

انا برضو فى الكورولا لازم وانا بركن وبكسر الدركسيون وانا واقف اسمع صوت تكتكه جامد فى التوكيل قالولى عادى متاخدش فى بالك

**ابراهيم** · 02-06-2008 03:42 PM

من كلامكم كده انا عندى حاجة غريبة انا عبيتى كريستاله كربارنير اوتوماتيك لما باكون ماشى بسرعة مثلا كنت على 80 ورفعت رجلى من على البنزين علشان اهدى باحس العربية كده مايعة مش متحكم فيها غير لما باكون دايس بنزين بتبقى مديانى احساس انى متحكم فيها ولما باضغط فرامل شوية يتبقى كويسة برضه والحكاية دى بتحصل برضه لما باكون نازل من على كوبرى فهل دى مشكلة والا حاجة عادية