السطو على استقبال اطفال الدمرداش وضرب طبيب وخطف طبيبه

السطو على مستشفى الدمرداش واختطاف طبيبة تحت تهديد السلاح (صور)

السطو على استقبال أطفال الدمرداش وضرب الطبيب محمد حسين وخطف الطبيبة دينا محمد تحت تهديد السلاح - صحيفة المشهد

ياجماعه هو في ايه بالظبط


الله المستعان


ربنا يسترها على كل زمايلنا وكل الناس من الهم ده

انا بالنسبالي يوم الجمعه اللي فات كنت نبطشي في استقبال ابو الريش وعيان كان هيضرب دكتورتين والحمد لله وقفتله واخدت اللي فيه النصيب واديته اللي فيه النصيب ومسكناه وكان الرائد اللي في قسم الشرطه اللي داخل المستشفى كان بيتحايل عليا اني اعمل المحضر عشان يحبسه وانا رفضت وقدرت انه انفعل عشان اخوه المريض مع ان مكنش في داعي للانفعال وفعلا مقصرناش معاه لكن اهاللينا علمتنا كده والحمد لله


عايز اسمع تعليقاتكو عالموضوع ده ويارب يرجع الدكتوره المخطوفه لاهلها ويارب يسترها عالبلد دي...

تحياتي

مصر في تطور مستمر

لاحول ولاقوة إلا بالله
الفوضى .. والناس إلي ماتت علشان البلد .. والبلد نفسها
راحت في داهية

مستشفى .. في وسط العاصمة .. يتخطف منها طبيبة .. وينضرب فيها أطباء
؟

كده جابت أخر

الخبر بيقول حاولو
والطبيب منعهم

يعني البنت ماخطفوهاش .. الحمد لله

انا شفت نفي لخبر خطف الطبيبة ده , بس مش عارف مدى صحته

ما احنا قولنا من ساعة ما البنك اتسرق و هما رفعو حاجة معينة "مش كيميا" للدرجة الرابعة
يعني ننطمن خالص الداخلية حلوة جدا

لا يافارما ده هوا بيقولك هو منعهم فضربوه

اول الخبر انه تم الخطف بالفعل تحت تهديد السلاح!!!


الله المستعان

مش عارف ذنب الاطباء دول ايه طيب

الجمعه اللي فاتت صدقا لما اتضربت
اتضربت عشان بقولك كان داخل يضرب الدكتورتين النواب وخد نصيبه لاني اطول منه واضخم حجما فاحتويته بقبضة فولاذيه ولله الحمد خد اللي فيه النصيب من اللكمات بس فعلا تخيلت سيناريو تاني خالص
لو هوا داخل يضرب الدكتورتين ووانا بحوشه طلع مطوه وغزني كان ايه الموقف ساعتها؟؟؟؟

الله المستعان

ربنا يسترها عالبلد انا بجد خلاص النفسية ضايعه بسبب اللي بيحصل

اقتباس:

---

المشاركة الأصلية كتبت بواسطة تامر.محمد

انا شفت نفي لخبر خطف الطبيبة ده , بس مش عارف مدى صحته

---

ياريت يتنفي بجد عشان الواحد يطمئن على اخت زميلة في المهنة وعشان احس ان فعلا لسا فيه امل
لان اللي احنا فيه غير محتمل للاسف

حاجه بقت زباله وشويه وهتلاقى كام نطع بيقول وهى ايه اللى وداها المستشفى هو ابن ال$#%#$%#$% اللى داس على الزرار تانى من اسبوع

ياريت فعلا يطلع الخبر كاذب.أو لم يتم خطفها

ووسط ده كله
الداخلية إلي بيقولوا نزلت الشوارع.. ونزلت حملات كبيرة ولمت ناس كتير

طيب فين النتيجة بقا؟؟
ماتعرفش
اخبار وخلاص

يا جماعة من مصادر موثوقة من داخل المستشفى من موقع الاحداث
ده اهالي طفل مولود مات والناس افتكرت انه مات تقصير من الاطباء

فعملوا هياج جامد وكسروا شوية واعلنوا عن غضبهم بشدة

لكن ما خطفوش حد ولا حاولوا

اقتباس:

---

المشاركة الأصلية كتبت بواسطة أبو صلاح

يا جماعة من مصادر موثوقة من داخل المستشفى من موقع الاحداث
ده اهالي طفل مولود مات والناس افتكرت انه مات تقصير من الاطباء

فعملوا هياج جامد وكسروا شوية واعلنوا عن غضبهم بشدة

لكن ما خطفوش حد ولا حاولوا

---

جزاك الله خيرا يا دكتور

ريحت قلبي

اقتباس:

---

المشاركة الأصلية كتبت بواسطة hm414

جزاك الله خيرا يا دكتور

ريحت قلبي

---

انا مش دكتور
انا محاسب
بس زوجتي هي اللي دكتورة

اقتباس:

---

المشاركة الأصلية كتبت بواسطة أبو صلاح

يا جماعة من مصادر موثوقة من داخل المستشفى من موقع الاحداث
ده اهالي طفل مولود مات والناس افتكرت انه مات تقصير من الاطباء

فعملوا هياج جامد وكسروا شوية واعلنوا عن غضبهم بشدة

لكن ما خطفوش حد ولا حاولوا

---

الكلام دا صح انا في طب عين شمس و جروب الدفعة كتبوا الكلام الي حضرتك بتقول و معنا زملاء اتصلوا بالنواب دول شخصيا و الحمد لله هما كويسين و القصة فعلا زي ما حضرتك قلت

اقتباس:

---

المشاركة الأصلية كتبت بواسطة أبو صلاح

انا مش دكتور
انا محاسب
بس زوجتي هي اللي دكتورة

---

طب الحمد لله، احنا كلنا محتاجين مجوعات ادارة الغضب، للاسف احنا مكبوتين بقالنا كتير قوي و الناس بتهيج على اي حاجة

بس و الله واحشني يا ابو صلاح و مشوفتكش من كتير، وانا عارف اني ندل و مبسألش

فكرتوني بطوارئ القصر العيني السنة اليي فاتت..اتفتح ف وشنا مطوة عشان نخيط قريبه قبل التاني

وواحد بسيف عشان مكنش فيه مكان ف الرعاية الظابط الله يـ... جه بعدها بساعتين قالنا طيب

لوحصل حاجة تاني رنولي..ومن ساعتها موبايله مقفول

ودلوقتي بشوفه ف اشارة ش المنيل قدام اسنان.. مش عارفة اتنقل المرور ولا مستني حد يرنله

سطو مسلح ايه على مستشفى عام؟؟ هو فيه حاجه تتسرق هناك؟؟

لما الاشاعة بتتطلع (حتى من مواقع الأخبار) بقت بتنتشر أسرع من الأخبار الحقيقية و دلوقتي الواحد ملوش غير معارفه و اللي شاف بعينه بس علشان يصدقهم و طبعا أعضاء منتدانا الكريم :hlopaet_prv:

الحمد لله ان الدكتورة بخير

المطلوب الان و حالا من وزارة الداخلية انها تفعل قانون الطوارئ على البلطجية زي المشير ما قال و يتلموا
و اللي معاه سلاح يتعرف منه اللي جابله السلاح

و يتحطوا في السجون و نخلص منهم