رجالتنا
حد يعرف واحد بتاع اكسيسوارات فى الحرفيين اجيب منه بوجيهات NGK Iridium؟
انا كنت هنزل شارع دمشق بكره بس القلق اللى هيحصل بكره فى البلد مش هعرف انزل و لازم يكونو معايا يوم السبت لما اروح الحرفيين.
عرض للطباعة
رجالتنا
حد يعرف واحد بتاع اكسيسوارات فى الحرفيين اجيب منه بوجيهات NGK Iridium؟
انا كنت هنزل شارع دمشق بكره بس القلق اللى هيحصل بكره فى البلد مش هعرف انزل و لازم يكونو معايا يوم السبت لما اروح الحرفيين.
بص يا باشا
توكيل ngk هو شركه التوفيق
الفرع الكبير بتاعهم فى المعادى خلف مكتبه سوزان مبارك(الله يكحمها )
اسم العماره عماره التوفيق مشهوره اوى هناك وهما ناس محترمين جدا
ممكن تتصل بالدليل وتجيب رقمهم لانى مش متذكر الرقم بتاعهم
ياريت تعرفنا جبتهم بكام وينفعوا ل 93 موتور كاربيراتير ولا لا لاني جبت طقم فرنساوي 2 شمعه وطلع مضروب
البوجيهات ngk تجيبهم من التوكيل نفسة فى شارع قدرى امام مستشفى الحوض المرصود فى السيدة زينب
وسعرهم 350 جنية
وتجيبهم من التوكيل عشان الضمان بتاعهم
انا جبت طقم من توشكى مكتوب علية ngk honda والراجل قالى دوال اورجينال وكانو بى 100 جنية بس لسة مركبتهمش
ربنا يستر وميطلعوش مضروبين
انا جبت البوجيهات من شركه التوفيق اللي في المعادي ب 250 جنيه لما اركبهم هحكيلكوا ايه الاخبار
ان شاء الله حتلاقى الاداء فائق جدا
ولا فائق ولا حاجه همه عمرة طويل بس انا مركبهم ومجرب قبل وبعد السحب هوة هوة الفرق الماتور هدى حاجه بسيطه جدا
مش عارف بس هو مكتوب على الموقع بتاعهم انها:
Improves acceleration
When you switch to Iridium Plugs acceleration is improved. There is a fast response to throttle operation and you can feel the difference compared to plugs in original plug.
More engine power!
Iridium Plugs improve the engine performance in terms of power. The extra power becomes apparent in situations like climbing hills, giving you a comfortable driving and touring experience.
Improved ignition and starting characteristics
The ultra-fine center electrode of an Iridium Plug ensures fast ignition and improves the engine's starting characteristics. Since there is little dispersion in the position of the spark, idling is stable too.
Better fuel economy!
Since Iridium Plugs ensure excellent ignition, the gasoline is burned efficiently. These plugs provide both economic and environmental benefits.
هو ممكن تحس بنعومة في الماتور بسبب ان البوجيهات اللى زى دى ( شكل الالكترود السالب للبوجيه مختلف عن العادى ) فا بتخلى الاشعال أسرع وكفاءته أحسن .. زى بوجيهات الاسبليت فاير مثلاً
بس الميزة الملحوظة والايجابية في البوجيهات دى بيكون العمر بتاعها طويل بيوصل لى 100 ألف كم انما ان البوجيهات تزود القدرة الحصانية للماتور لأ أو تحديداً غير محسوس وبتأكيد عشان تحس أكثر بالقصة بتاعه الأداء والاستجابه دى يفضل تركب معها سلوك البوجيهات الرياضية زى السبليت فاير 8 ملم أو ماجنيكور 8.5 ملم
عموماً أنت جرب وشوف النتيجة هتكون اية وابقى اعمل لنا تقرير مختصر عنها
ليها علاقة بالاداء بس بطريقة غير مباشرة
لان كل مالبوجيهات بتكون معتمدة على تكنولوجيا وخامات احدث وافضل بتتحمل حرارة اكثر بتلاقى الشرارة فيها قوية عن البوجيهات العادية وكمان بيبقى عمرها اطول + انها بتساعد على احتراق كمية اكبر من البنزين وبالتالى تحسين الاداء
اكيد فية فرق مابين شرارة عادية وشرارة قوية ( والا ماكانوش نزلوا العادى - البلاتينيوم - الايرديوم )
هيه بتخلى تناغم الماتور افضل وصوته بيهدى شويه فقط عن تجربه
الكلام هنا على رفع أداء المحرك وليس رفع أداء عملية الاحتراق داخل المحرك بمعنى مافيش أحصنة ولا عزم دوران هيزيد .. وأغلب الخامات والتكنولوجيا في البوجيهات بتكون في المقام الأول لطول عمرها
يعنى الايريديوم ده مادة قوية و مقاوم للتأكل عشان كدة بيعيش لألاف الكيلومترات على عكس النحاس مثلاً لذلك في العربيات اللى بيكون فيها مكان البوجيهات صعب ومتعب يبقى الأفضل تركيب بوجيهات ذات عمر افتراضى طويل زى البلاتنيوم والايريديوم
البوجيهات العادية والبلاتينيوم والايريديوم الاختلاف ما بينهم مش في شرارة عادية و شرارة قوية!! عشان هيا مش وظيفتها توليد الشرارة ورفع الفولت لان ده عمل البوبينا - ملف الأشعال انما هيا وظيفتها اشعال الوقود المخلوط في غرفة الأحتراق
في النهاية طلما البوجيهات جديدة سواء عادية أو غيرة مش هتلحظ فرق يذكر في الأداء المهم تكون البوجيهات الموصى بها من المصنع للماتور ودى تتأكد منها من كود و رقم البوجيه اللى في الكتالوج
طبعاً بعض السيارات المتعدلة وسيارات السباق بيعدلوا نظام الأشعال بالكامل وده اللى بيفرق
الله ينور يا شباب على المعلومات
بس مش عارف ليه لما بركب البوجيهات دى بحس بفرق فى الاداء
شكل احساسى ده نفسى فقط
هههههههههههههههه
هو مش احساس نفسى بس لما بتركب بوجيهات نظيفة اشعالها اقوى من العادية دية معناة ان كفاءة دورة الكهرباء عندك قليلة شوية عن المعتاد كمثلا فى سلك بوجيهات مش قوى , الاسبراتير عايز يتظبط كويس فلما بتركب بوجيهات شرارتها اقوى بتظبط الدنيا عندك بعكس البوجيهات العادية
انا ركبتهم كل اللي حاسس بيه الان ان التسارع بتاع العربيه بقي تفضل، استهلاك البنزين لسه محست بيه عشان انا بجري بالعربيه و ده كده كده بيخليها تسحب بنزين اكتر يمكن لما اشبع من الموتور الجديد و اهدي يبقي في فرق :)
ngkبلاش هات دينسو ايرديوم افضل