انا رجعت من أسكندرية النهاردة الصبح ومكانش في حاجة هناك
دلوقتي واحد بيقولي الشرطة انسحبت وفي سرقات كتير في الأبراهيمية ؟!
الكلام ده بجد ؟
عرض للطباعة
انا رجعت من أسكندرية النهاردة الصبح ومكانش في حاجة هناك
دلوقتي واحد بيقولي الشرطة انسحبت وفي سرقات كتير في الأبراهيمية ؟!
الكلام ده بجد ؟
انا قريت الخبر ده على cbc
شبه تأكيد من قرايبي اللي في أسكندرية
في ضرب نار ناحية سيدي بشر و سيدي جابر وسرقات كتيرة في الأبراهيمية والمنطقة الشمالية
ربنا يستر
انا نازل من بكرة محمد محمود
النهارده فى التليفيزيون مجلس الشعب طلب اعادة هيكلة الشرطه بالكامل وكمان طلب استبعاد العسكر واستقالة النائب العام وكثير من المناقشات الحاده والساخنه جدا بجد والله اول مره اشوف واسمع اعضاء مجلس شعب حقيقى فممكن ده يكون له تأثير على الشرطه سلبا وبالتالى انسحبت واكيد وزير الداخليه هيمشى وعلى فكره كل ده بسبب المباراه وربنا يستر من اللى جاى يارب يكون احسن
اه يعني الشرطة اتقمصت فرجعت عند بيت أمها تاني
طب وفبورسعيد إيه اللي كان قامصها فسابت المباراة بدون تامين ?
الشغل ده ما ينفعش
الناس دا تقعد فى بيوتها ونعمل جهاز امني جديد ونظيف
ده كان لازم سنعمل من بعد الثورة فورا
الناس دي خدت فرصتها تالت ومتلت وثبت بالدليل القاطع انهم ما فيهمش امل
على فكرة النهار ده علي التوتر حد كتب من العصر ان فيه ضابط جيش قال لمراته تروح بردى من شغلها عشان احتمال يكون فيه انفلات امني
الكلام ده فى القاهرة
واهو الانفلات بدا فى الاسكندرية والبقية تأتى
يسقط يسقط حكم العسكر
بمناسبة ذكرى موقعة الجمل السيناريو بيعيد نفسه
[url=http://www.alwasatnews.com/3435/news/read/626175/1.html]
طب والله انا امبارح سمعت من واحد قريبى ان فى 3 اتعدموا من ظباط الجيش علشان كانو ناوين يعملوا حاجة(طبعا فى مصلحة البلد) و قبل الماتش و بردو اتقالى ان الماتش مش هايعدى على خير بس عمر ما يجى فى خيال الواحد ان حاجة زى دى تحصل
كل حاجة مترتبة خطف و سرقة و قتل
طب وبعدين
[url=http://www.alarabalyawm.net/pages.php?news_id=354207]::
دي كلام واحد صاحبي من اسكندريةاقتباس:
لإبراهيميه فيها مشاكل و كذا منطقه تانيه - الجيش والشرطه إنسحااب تام
اقتباس:
ابراهيميه - شارع لاجيتيه - محمد نجيب بيقولوا فيهم بلطجيه و رشاشات و بلاوى. و مفيش شرطه خالص. الاقسام قافله
[url=http://www.youm7.com/News.asp?NewsID=593426]
المرادي هيبقي الأنفلات الأمني اخطر 100 مرة من الي فات
وخصوصا بعد دخول كمية سلاح لا طاقة للجان الشعبية بها
الأنفلات الأمني الي فات كان اكبر سلاح ساعتها المسدس
لكن النهاردة انتوا بتقولوا رشاشات و rpj
ربنا يستر
والله المستعان
،
،
يارجالة بلاش كلمة بيقولوا دي نهايتها وحشة اللي يسمع ويشوف بعينوا هو بس اللي ليه الحق يتكلم ويقول شهادته غير كدة لو سمحت يسكت الموضوع لحد دلوقتي فيه 3 " بيقولوا " وأتنين "سمعت " وواحد " حد قال " .... في ميامي مفيش مشاكل الحمد لله ومفيش أي صوت لأي أعمال شغب أو تخريب وأن شاء الله ميكونش في حاجة .... رجاء ناخد بالنا من كلامنا ومنكررش أخطائنا .
THEY SAY -- Tropfest Arabia 2011 3rd Place - YouTube
مديرية الامن من الصبح و هى قافلة و الابواب الرئيسية مقفولة و العربيات الى جوة كلها متشالة و شكلهم مستعدين
منطقة السيوف كذلك هادية ومفهاش اي مشاكل , ياريت فعلا بلاش كلمه بيقولوا دي ,بلاش نردد اشاعات ونقلق بعض لو سمحتم
ربنا يسترها بس بجد لو حصل انفلات امني بجد تاني ومقصود يبقى كده بجد شكراااااااا للشرطه وللمجلس العسكري ويتعمل جهاز جديد بقه بأي طريقه
هي مشكلة الابراهمية إن أصحاب المحلات إتعركو مع الفارشين على الارض أنا صاحبي ساكن هناك و كلمتو ....
حضرتك بتقول ميامى مفيهاش حاجة
هو حد جاب سيرة ميامى؟؟
وبعدين الاخبار و بالصور بتقول ان قسم الايبراهيمية فعلا مغلق و قافل ابوابو
انا معاك ان فى ناس بتعمل زى الفيديو اللى انت جايبوا تستدل بيه و تقولنا نسكت و ننقولش اخبار احنا مش متأكدين منها و انا محترم رأيك لأنوا رأى مواطن بيحب مصر بس كنت اتمنى بدل ما تقول نسكت تقول تحرا الحقيقة فى الاخبار او تطلب دليل على الخبر او تنفى الخبر بدليل و افنكر دا كان هيكون افضل فى مستوى الوار و ان كنت بردو مقدر خوفك على البلد من الاشاعات
اما بالنسبة لكلامى بتاع قريبى لو حضرتك متابع هتلاقى ان الموضوع بدا يظهر و تبان اسماء اعضاء من الحزب الوطنى المنحل و اللى كانو اعضاء فى مجلس الشعب السابق ودا معناه ان الوضوع مخطط و على مستوى عالى وبقيت كلامى عرضه للاثبات او للنفى بس احب اوضح لحضرتك ان بقى فى عسكريين كتير رافضين سياسة المجلس العسكرى نتيجة الكره و عدم الاحتارم اللى حاسينوا من الناس لأن من سنه واحدة بس كنا لما بنشوف ظابط او حتى عسكرى جيش بنبتسم فى وشوا ونرحب بيه و نعظملوا ولو راكب عربية بنوسعلوا
دلوقتى الناس حاقدة على الجيش و اظن هما ناس عندها دم علشان تحس بده وليها عنين بتشوف اللى بيحصل و اذان بتسمع الللى بيجرى حواليها وعقل تميز بيه ايه اللى القادة بتاعتهم بيعملوا
فى النهايه انا نفسى زيك بالظبط مصر تكون احسن بلد فى الدنيا
hmatchy أنا قولت اللي مش متأكد من كلامة تماماً " لو سمحتم " يسكت مفيش أهانة ليك ولا لأي شخص وأتمنى أنك متاخدهاش بحساسية الوضع اللي أحنا فيه صعب ولا يحتمل المزيد وكلامي مش لحضرتك كلامي للجميع مع كامل الأحترام والتقدير .
لما قولت ميامي أنا عارف أنك مجيبتش سيرة ميامي ولكن المقصود هنا أن كل واحد يقول ويدي تقرير عن منطقته علشان يبقى في صورة واضحة و "صحيحة " عن الوضع في كل منطقة .
النهاردة كان في تواجد قوي للشرطة والجيش في منطقة شارع اللاجيتيه يتكون من مدرعة وست بوكسات شرطة وعدد كبير من الظباط وأفراد الأمن .