الموضوع: ممكن تجيب ميكروباص و يكون هو سيارة العائلة؟

صوتي هو لا
لا وجود للأمان للركاب الأماميين
لا وجود للبرستيج ( متنساش أنت في مصر )
محدش عنده عائلة كبيرة قوي كدا علشان يستاهل يشتري ميكروباص
استهلاكه هايكون عالي علشان الموتور كبير بالإضافة إلى إن أسعار الوقود في ازدياد مستمر
مصاريف تسجيله عالية
سيارة كبيرة الحجم و صعبة في الركن
و البديل هو السيارات الكارفان أو الفان

زي كيا كارفان و ستروين بس مش فاكر اسم الموديل
و ده طبعا للعائلات الكبيرة اللي فوق 4 أفراد
و برضه أستخدامه غيره عملي لأن العربية مش بتتحمل بالعائلة كل يوم

يبقى العربية اللي 1600 أفضل خيار للعائلات الكبيرة و التي تكون بحجم السيدان أو الاستاشين
و العربية التي أقل من ذلك للعائلات العادية و التنقلات داخل المدن

هيونداي H1 تعتبر أفضل اختيار للي عاوز عربيه كبيره زي الميكروباص وشكلها لزيز جدا والدي بيفكر يشتريها .

المشاركة الأصلية كتبت بواسطة Xpert

انا فكرت ... بس فكرت اجيب سوزوكي سوبر كاري (لو تعتبره ميكروباص) ... 1000 سيسي و بيجري .. هوه محتاج بس شويه ثبات و يبقي تمام (قليل في الاستهلاك و 1000 سيسي في الضريبه مفيش و حجمه لذيذ كده ...و عامل زي درج الكبريت اللي واقف علي جنبه هههههههعهعهع (و بيجري علي كده!)

سبقتىن، انا كنت لسة داخل اكتب على البتاعة دى لقيتك انت كتبتها

انا معجب جدا بالبتاع الميكروباص ده، صحيح انه بنزين لكن بيشم البنزين، وعلى كدة سبعة راكب وسعرها 62 ألف وقطع غيارها مظروطة فى كل حتة، هو عيبها الوحيد هو الأمان

وعلى رأى سواق قديم: سواق الأطش* مايغلطش...وان غلط مايتعوضش

_______________________

الأطش: او القطش ، هو السيارات التى ليس لها مقدمة، زى الميكروباص وبعض انواع النقل الكبير

المشاركة الأصلية كتبت بواسطة sab3aawy

سبقتىن، انا كنت لسة داخل اكتب على البتاعة دى لقيتك انت كتبتها

انا معجب جدا بالبتاع الميكروباص ده، صحيح انه بنزين لكن بيشم البنزين، وعلى كدة سبعة راكب وسعرها 62 ألف وقطع غيارها مظروطة فى كل حتة، هو عيبها الوحيد هو الأمان

وعلى رأى سواق قديم: سواق الأطش* مايغلطش...وان غلط مايتعوضش

_______________________

الأطش: او القطش ، هو السيارات التى ليس لها مقدمة، زى الميكروباص وبعض انواع النقل الكبير

سبحان الله

أنا كنت داخل أكتب المثل ده لقيتك سبقتني :)