استشارة من اهل الخبره انا معايا 35000 اجيب سيينا ولا لا
يا ترى فيها كل الكماليات هل هي عربية مريحه وناعمه وبها رفاهية وايه الكماليات اللي فيها
اخبار قطع غيارها وصيانتها ايه
يا ريت لو تدوني رايكم المفصل وشكرا
وايه اخبار اعادة البيع
عرض للطباعة
استشارة من اهل الخبره انا معايا 35000 اجيب سيينا ولا لا
يا ترى فيها كل الكماليات هل هي عربية مريحه وناعمه وبها رفاهية وايه الكماليات اللي فيها
اخبار قطع غيارها وصيانتها ايه
يا ريت لو تدوني رايكم المفصل وشكرا
وايه اخبار اعادة البيع
بص دى معلومات عنها حتفيدك كنت كتبتها فى موضوع سابق
وعموما العربيه ناعمه جدا فى السواقه وكماليتها بتفرق لانها فيه منها كذا فئه بس الباور والتكيف اساسى فيها
واعاده البيع عادى زيها زى اى فيات
هى من تصميم شركه فيات الاوروبيه الغنيه عن التعريف طبعا بس هما حبو يصممو عربيه تغزو الاسواق الدول الناميه وفى نفس الوقت سعرها يبقى معقول فحبو يصنعوها فى الدول الناميه واتجمعت فى تركيا والبرازيل ومصر وتقريبا الهند
على فكره هى اسمها اصلا 178 نسبه الى السياره 128 اللى عملت طفره كبيره فى عالم السيارات
السيينا نجحت فى اغلب الدول وخصوصا البرازيل ولكن فى مصر حققت نجاح ولكن مش زى بره وده راجع لسوء توزيع وتسويق للسياره
العربيه نزل منها اكتر من فئه ال 1400 العاده والبلاس وال 1600 البلاس
العربيتين تقريبا واحد ما عدا الاختلاف فى فرش الابواب وسعه الموتور والمفتاح المشفر والجنوط ال 14 فى ال 1600 لزياده الثبات والاسبويلر الشنطه
العربيتين كاملين تكيف باور ازاز كهربا امامى ولكن البلاس و ال 1600 فيها سنتر والعاديه لا والبلاس وال 1600 عزل الصوت والكبوت فيها اكتر من العاديه يعنى تقعد جوه وتقفل الشبابيك وتبقى منعزل تماما عن العالم بره
السيينا مميزاتها انها قويه وعاليه عن الارض انسى انها تحك معاك فى مطب من مطبات مصر شنطتها واسعه جدا يعنى ممكن تحط فيها خروفين او عجل صغير ههههههه وكمان الكنبه مممكن تتنيها وتفتحها على الشنطه ويبقى معاك نص نقل
العربيه سواء ال 1400 او ال 1600 سريعه وممكن تجيب بيها 160 او 170 وممكن اكتر فى ال 1600 ده طبعا فى حاله ان العربيه تمام
العربيه زى اى عربيه اوروبيه موصفات الامان فيها عاليه جدا جداااا اهم شيء حمايه الركاب فى حاله حدوث حوادث لاقدر الله وفيها مفتاح لفصل البنزين اتوماتيك فى حاله حدوث حادثه تلاشيا لحدوث حرائق
كذلك فيه منها عربيات مواصفات اضافيه فيها abs وايرباج (على فكره هى بتنزل بره اساسى فيها الكلام ده لكن الوكيل هنا فى مصر شاله وخلاه بالطلب عشان يوفر تمنهم )
قطع غيارها زى اى قطع غيار فيات يعنى تعتبر زى الشاهين وتشترك معاها فى بعض قطع الغيار ولكن الفوانيس مثلا تعتبر اغلى شويه والباقى عادى زيه زى اسعار قطع غيار الكورى
طبعا السيينا ال 1400 مونو انجكشن يعنى رشاش واحد بموتور قوه 67 حصان تقريبا وال 1600 انجكشن كامل 4 رشاشات بقوه 105 حصان يعنى تعتبر سياره رياضيه عائليه
عيوب السيينا انها حساسه ومش اى حد يلعب فيها زيها زى الالمانى والاوروبى وطبعا عربيه انجكشن يعنى كمبيوتر وحساسات وضفيره وطرمبه كهربا وكده فلذلك يفضل ان اللى يشتغل فيها يكون فاهم هو بيعمل ايه ويكون شغال فى الفيات الحديث
الصالون فخم جدا فى السينا بلس او فى ال 1600 ولكن يعيبه ان الكنبه الخلفيه ضيقه بعض الشيئ
العربيه ثباتها معقول جدا جدا وصاجها تقيل ووزنها اكتر من طن و 40 كيلو وده ميزه وعيب فى نفس الوقت ميزه لانه عامل ثبات للسيياره وعيب لانه بيقلل من التسارع
العربيه زى مقولت عاليه جدا عن الارض وده برضه ميزه وعيب ميزه زى مقولت انها فى المطبات وشوارع مصر حتريحك ولكن عيب انها فى السرعات العاليه بعد ال 120 او 130 الثبات حيقل شويه ولكن يمكن التغلب على العيب ده لو حضرتك غاوى سرعات عاليه
الف شكر يا باشا على التقرير المفصل وشكلي كده ان شاء الله هتكل على الله في 1600 بس في حد قالي انها بتسخن مع التكييف في الصيف يا ترى ده حقيقي
تقرير اكثر من رائع ياميسو انت جبت كل المعلومات ده منين ياراجل ده انت تعرف اكتر من التوكيل عنها ربنا يباركلكاقتباس:
المشاركة الأصلية كتبت بواسطة misoalex
الزيادة اللى انا هازودها على ميسو هى انت لو حبيت تشترى سيينا اهم حاجة
تروح للتوكيل "اوماترا - جسر السويس "او مركز صيانة محترم زى "الصفا - جسر السويس" "الاقصى - زهراء المعادى" "البرقان - شارع العريش" "شركة النيل - ك28 مصر اسكندرية الصحراوى"
وهو هيرفعلك العربية ويعرفك كل حاجة فيها مش مهم اللى هادفعه فى الكشف بس هايريحك فيما بعد كنت سالت قبل كده فى الاقصى وكان عامل حوالى 600 جنيه
600 جنيه كشف كتير قوي مفيش حته حنينه عن كده اكشف فيها
ارفعها فى بنزينة زى شل وهما يعرفوك كل حاجة وشوف تكلفتهم كام على ما اعتقد اقل من مراكز الخدمة والتوكيلاقتباس:
المشاركة الأصلية كتبت بواسطة tejani
وكمان اعمل كشف كمبيوتر وده لازم اساسى على الكونترول يونت والحساسات بتاعة العربية
اقتباس:
المشاركة الأصلية كتبت بواسطة bobbozo4b
هههههههههههههههه ده انا عارف كمان سموها سيينا ليه هههههههههههه
والله البركه فى المنتدى هنا والكتالوج وبعض الاجتهادات الشخصيه عشان افهم العربيه قبل ما اشتريها لانى كنت بدور على معلومات عنها قبل ما اشتريها
اقتباس:
المشاركة الأصلية كتبت بواسطة tejani
بص انا مجربتهاش فى الصيف مع التكييف لكن لو العربيه مظبوطه ودايره التبريد مفيهاش هوا وبتستخدم سائل تبريد مش ميه حنفيه يبقى انسى انها تسخن معاك ان شاء الله
العربيه دى تهتم بيها تريحك تهملها تتعبك
واهم حاجه وانت بتشترى دور على الحاله النضيفه انا وانا بدور مكنتش حاطط السيينا فى دماغى كنت عاوز تيمبرا بس لما لقيت واحده حالتها معقوله اخدتها بدل التمبرا لان العربيه حاله ممكن تبقى راكب 128 بس احسن من اوكتافيا والله العظيم
يوجد سينا 1400 لون ازرق 4زجاج كهرباء تكيف بور كاسيت سنتر عداد 110الف ك للتواصل م/اسلام 01091067167
مجهود رائع