لا مش للدرجادى .. مش بيتقل ولا أى حاجة
هم اتقل من الفايبر اه لكن مش بالكيلو يعنى هتفرقلها حركة 300-350 جرام عن الفايبر
لأنك مش بتعمل صاج 2 سم :))
ده خفيف خالص وبيتباع بالفرخ .. والفرخ الكامل كان ب80 جنيه وانت مستحيل تستعمل اكتر من فرخ اساسا
هو بس تكلفته اكبر لأنه محتاج صنعة وجهاز تناية وكده
أنا عملت العتبتين بحوالى 180 جنيه بدون الرش بس الميزة ان تمنهم فيهم غير الفايبر تجيبه ب100 مثلاً وكل شهر عاوزله 50 تصليح لغاية مايتفركش خالص :))
الفكرة بس فى اليد الحلوة للصنايعى ولو معاك شكل معين خليه يعمله
وكمان انت ممكن كل ماتزهق من شكلهم تفكهم وتغير الشكل وتحطهم تانى ومش هتصرف غير مصنعية بس .. وأنا ناوى اعدلهم بإذن الله لأنى كنت عامل شكل قديم وخلاص بطل
وللأسف انا مش بصور العربية لكن لو لقيت صورة عندى هحطهالك
بس هى رفيعة قدام وبتعرض ورا .. وفى الآخر فيه مثلث بارز كده او شكل مخروط
تشبه دى كده
http://t3.gstatic.com/images?q=tbn:A...P9nczyHfFnSL64
طبعاً ساعتها ماكنش فيه حوار السلك ولا الأفكار دى
فأنت ممكن تفتح فيها مثلاً فى الآخر وتحط سلك وتديه لون غير لون العربية وهيبقى شكله حلو
وممكن مثلاً شكل زى ده
http://www.oneshift.com/showroom/upl...3115101735.jpg
كله بيتوقف على ايد الصنايعى طبعاً