قدر الله و ما شاء فعل
عرض للطباعة
قدر الله و ما شاء فعل
قدر الله وماشاء فعل
الحمد لله على كل شيئ
ألف مبروك لأختك .... عقبالك :hlopaet_prv:
عملت ايه فى شنطة العربية بعد الخبطة ؟
أنا فاكر فعلا ان سير الكتينة اتقطع أو وقع منك مرتين قبل كده ورا بعض
من كام شهر
ياترى المسافة اللى انت مشيتها بعد تغيير سير الكاتينة كام كيلومتر تقريبا ؟
أنت شوفت سير الكاتينة ازاى وهوه مش باين فى حوض السيارة فيه فبرة مغطياه ؟
قدر الله وماشاء فعل الحمد لله على كل حال
ماتعرفش الخير فين وقدر الله وماشاء فعل
والف مبروك لاختك وحاول تشوف ميكانيكي تاني يكون كويس علشان ما تكررش تاني و دور علي قطع غيار تكون تتحمل شوية لانك بتقول انها اتكررت تاني ولسه مبقالهاش 6 شهور و برضه شوف طريقة استخدامك للعربية من حيث الضغط عليها او طريقة سواقتك ليها وان شاء الله خير...
يا باشا ليه بتقول عربيه قليله الاصل طب متقول مافيا قطع الغيار المضروبه انا بتقول انك مغير بليه الشداد من 6 شهور و كانت بايظه و باظت تانى يبقى العربيه مظلومه و قطع الغيار المضروبه السبب
الحمد لله ياجماعه لسه مصلح العربيه وجاى بيها
شوشو مطلعتش قليلة الاصل :praying::praying::praying::praying::praying:
العيب طلع ان السير مغشوش تصوروا ان السنون بتاعه السير كانت طايره والبليه سليمه الحمد لله
وركبت سير جديد نوعه (good year) وده اتحاد اوروبى ب 45 جنيه (دى ماركه كاوتش على فكره)
والحمد لله الصبابات سليمه والميكانيكى خد 50 جنيه مصنعيه لانه جه معايا من حدائق القبه لحد اول فيصل بعربيته وعملها هناك والحمد لله
وشكرا ياجماعه على الردود وخلوا بالكوا من قطع الغيار المضروبه
الله يبارك فيك
والاشنطه عدلتها بايدى ودقيت بالشاكوش شويه وبقت تقفل الحمد لله
والسير فعلا كنت مغيره من 6 شهور لان البليه قفشت وساعتها قولت اغير السير بالمره مع البليه بس مش فاكر بقالها كام كيلو الصراحه
والسير فيه فتحه فوق الفبره البلاسيتيك تشوف منها السير عادى
وانا فعلا سواقتى عنيفه وبجرى وبقرص على الموتور بس طول عمرى كده هو السير شكله كده مضروب
انا بفكر اجيب سير من تركيا بيتهيألى بعد الشحن والجمارك مش هيعدى ال 100 جنيه بس يبقى مضمون
ياعم كل اللى يجى فى الحديد خير المهم ربنا يبعد عنك شر اللى بيجى فى اللحم........