عربيه قليله الاصل !!!!!!!!!!!!!

**egyptiandiver** · 03-02-2012 09:01 AM

قدر الله و ما شاء فعل

**Elawany13** · 03-02-2012 09:20 AM

المشاركة الأصلية كتبت بواسطة mrghost

السلام عليكم ورحمة الله وبركاته
شوشو عملت معايا حركه عمرى ماهنساها ليها طول حياتى
النهارده كان فرح اختى عقبال اللى لسه ماتجوزش
المهم رحت الكوافير فى اول ش فيصل والفرح فى مسجد الشرطه بصلاح سالم وهوب اول مالفيت الملف ولسه هطلع الكوبرى اللى فى اول فيصل قامت مبطله ودورت كذا مره مدارتش نزلت ببص لقيت سير الكاتينه تقريبا البليه قفشت لانه موجود بس مش بيلف او ممكن يكون اتقطع وكنا اصلا متأخرين على القاعه
المهم ركب تاكسى والحمد لله لحقت ووصلت قبل الميعاد ورجعت تانى بعد ماقضيت اليوم ووصيت سايس عليها وسيبتها فى ش فيصل وهاروح بكره ان شاء الله انا والميكانيكى نشوفها مع انى لسه مغير البليه والسير من 6 شهور وكان برضه السير وقع بسبب البليه كانت قافشه
عربيه فعلا قليله الاصل

قدر الله وماشاء فعل
الحمد لله على كل شيئ
ألف مبروك لأختك .... عقبالك

عملت ايه فى شنطة العربية بعد الخبطة ؟
أنا فاكر فعلا ان سير الكتينة اتقطع أو وقع منك مرتين قبل كده ورا بعض
من كام شهر
ياترى المسافة اللى انت مشيتها بعد تغيير سير الكاتينة كام كيلومتر تقريبا ؟
أنت شوفت سير الكاتينة ازاى وهوه مش باين فى حوض السيارة فيه فبرة مغطياه ؟

**HRH_Sameh** · 03-02-2012 01:26 PM

خير ان شاء الله

* ايه نوع السير وجبنه منين وبكام؟
* ليه غيّرت البليه؟

وابقى طمّننا

المشاركة الأصلية كتبت بواسطة elawany13

أنت شوفت سير الكاتينة ازاى وهوه مش باين فى حوض السيارة فيه فبرة مغطياه ؟

في فتحة صغيره جرار كده تشدّه بضفرك

**start_wow** · 03-02-2012 02:14 PM

ماتعرفش الخير فين وقدر الله وماشاء فعل
والف مبروك لاختك وحاول تشوف ميكانيكي تاني يكون كويس علشان ما تكررش تاني و دور علي قطع غيار تكون تتحمل شوية لانك بتقول انها اتكررت تاني ولسه مبقالهاش 6 شهور و برضه شوف طريقة استخدامك للعربية من حيث الضغط عليها او طريقة سواقتك ليها وان شاء الله خير...

**titos_81** · 03-02-2012 03:03 PM

يا باشا ليه بتقول عربيه قليله الاصل طب متقول مافيا قطع الغيار المضروبه انا بتقول انك مغير بليه الشداد من 6 شهور و كانت بايظه و باظت تانى يبقى العربيه مظلومه و قطع الغيار المضروبه السبب

**mrghost** · 03-02-2012 04:48 PM

الحمد لله ياجماعه لسه مصلح العربيه وجاى بيها
شوشو مطلعتش قليلة الاصل
العيب طلع ان السير مغشوش تصوروا ان السنون بتاعه السير كانت طايره والبليه سليمه الحمد لله
وركبت سير جديد نوعه (good year) وده اتحاد اوروبى ب 45 جنيه (دى ماركه كاوتش على فكره)
والحمد لله الصبابات سليمه والميكانيكى خد 50 جنيه مصنعيه لانه جه معايا من حدائق القبه لحد اول فيصل بعربيته وعملها هناك والحمد لله
وشكرا ياجماعه على الردود وخلوا بالكوا من قطع الغيار المضروبه

**mrghost** · 03-02-2012 04:56 PM

المشاركة الأصلية كتبت بواسطة elawany13

قدر الله وماشاء فعل
الحمد لله على كل شيئ
ألف مبروك لأختك .... عقبالك

عملت ايه فى شنطة العربية بعد الخبطة ؟
أنا فاكر فعلا ان سير الكتينة اتقطع أو وقع منك مرتين قبل كده ورا بعض
من كام شهر
ياترى المسافة اللى انت مشيتها بعد تغيير سير الكاتينة كام كيلومتر تقريبا ؟
أنت شوفت سير الكاتينة ازاى وهوه مش باين فى حوض السيارة فيه فبرة مغطياه ؟

الله يبارك فيك
والاشنطه عدلتها بايدى ودقيت بالشاكوش شويه وبقت تقفل الحمد لله
والسير فعلا كنت مغيره من 6 شهور لان البليه قفشت وساعتها قولت اغير السير بالمره مع البليه بس مش فاكر بقالها كام كيلو الصراحه
والسير فيه فتحه فوق الفبره البلاسيتيك تشوف منها السير عادى
وانا فعلا سواقتى عنيفه وبجرى وبقرص على الموتور بس طول عمرى كده هو السير شكله كده مضروب
انا بفكر اجيب سير من تركيا بيتهيألى بعد الشحن والجمارك مش هيعدى ال 100 جنيه بس يبقى مضمون

**mrghost** · 03-02-2012 04:59 PM

المشاركة الأصلية كتبت بواسطة HRH_Sameh

خير ان شاء الله

* ايه نوع السير وجبنه منين وبكام؟
* ليه غيّرت البليه؟

وابقى طمّننا

في فتحة صغيره جرار كده تشدّه بضفرك

السير اسمه good year
من حداتئق القبه ب 45 جنيه
البليه قفشت مره واحده وانا ماشى من 6 شهور والسير ساعتها وقع فغيرتها طبعا

**sakr_skoda** · 03-02-2012 05:04 PM

ياعم كل اللى يجى فى الحديد خير المهم ربنا يبعد عنك شر اللى بيجى فى اللحم........

-

الموضوع: عربيه قليله الاصل !!!!!!!!!!!!!

LinkBack

أدوات الموضوع

عرض

-

-

-

المواضيع المتشابهه

فى محلات وخده من التوكيل زى الاصل

العربية النهاردة عملت حركة - فعلا قمة الاصل !!!!!!!!!!!

اللي بني مصر كان في الاصل صبي حلواني ..

الصيني صني و علي الاصل دور

متع نواظرك الاصل عندي

الكلمات الدلالية لهذا الموضوع

المفضلات

المفضلات

ضوابط المشاركة