أخوكم دايخ على علبة شكمان خلفية Free flow كبيرة علشان الدوشة
مدخلها 2.5" لغاية الاخر و فتحة الخروج مش اقل من 4 "و تكون ستانليس
بس مش صينى أو بلدى
لو حد يعرف مكان بيبيع العلب دى فى اسكندرية ينجدنى و يقول :hitwall3:
و شكرا
عرض للطباعة
أخوكم دايخ على علبة شكمان خلفية Free flow كبيرة علشان الدوشة
مدخلها 2.5" لغاية الاخر و فتحة الخروج مش اقل من 4 "و تكون ستانليس
بس مش صينى أو بلدى
لو حد يعرف مكان بيبيع العلب دى فى اسكندرية ينجدنى و يقول :hitwall3:
و شكرا
كنت جايب واحده من ماينز من سنه تقريبا ممكن تشوف عندوا
رحتلو قبل كده علشان اظبط حاجات فى العربية بس للاسف كنت موصيه على كذا حاجة و فضل يقول الحاجة جاية الحاجة جاية و فى الاخر ما جبش حاجة
فقد مصدايقته بالنسبالى الصراحة
بص يا كبير حتلاقى ف الحرفيين لما تدخل يمين عند يافطة المنطقة الصناعية الثانية امشى للاخر وبعدين خد يمين واول يمين تانى حتلاقية ع شماللك مش عارف اسمة بالظبط عندة كل حاجة
تقبل مرورى
تحت امرك يا كبير
رحتله النهارده بعد الشغل
عنده نوعين من الشغل
شغل مصنع منطقة حرة تصدير من بورسعيد بس كله اقل من 2.50 " و السعر 600
حاجات صينى و برضه مقاسات صغيرة ب 300
الجديد بقى حاجات مصنوعة فى الامارات فى جبل مش عارف ايه ب 500 و الماركة مجهولة
الاسعار عالية و الشغل عادى جدا
روح لماينز تاني ايهاب الي ماسك المحل راجل محترم و كل حاجه نضيفه اوييييييي اسمع مني جرب تاني و روحله و لو عايز اجي معاك هو عارفني كويس مفيش مشكله
ممنوع كتابه اللغه العربيه باحرف اجنبيه
مشرف عام 1
شوف ماينز انا كنت عنده من شهر عنده علب كويسة اللى شفتها كانت jasma وبصراحة محل محترم جدا
بص يا باشا
انا حقوللك من النهاية
روح لمحمد دبه - محل tuning zoneطريق مصطفى كامل بعد ارض سيتي لايت
بيجيب علب استعمال و كلها ماركات حتلاقي عندة علب جاسما و بليتز و كلة استيراد و انا عن نفسي جايب علبة من عنده علبة اسمها scorbio racing spotrts
بس الحاجه دي بتجيلة و بتتخطف اوااااااااام
روحلة و بلغني
هوا فين دبة في الموضوع ؟؟؟ أنا على الشارع ده كل يوم علشان شقتي الجديدة هناك // قولي بقا ، هوا على صف فتح الله ؟؟؟
والا الصف الي قدامه ؟؟
================================================== =======
بالنسبة لصاحب الموضوع ،، جربت عزبة سعد ؟؟ هما حرامية ولاد تيت أي نعم !! بس ممكن تلاقي عندهم على فكرة !!
+ أن في واحد في تقاطع شارع "لطفي السيد" مع شارع بورسعيد و انت رايح من جنب كلية هندسة و طالع البحر !!
حاجته كويسة ،،و عنده فرع تاني في ميامي ،، فأسأله و ربنا معاك
بس أعذرني الأول ،، هو عربيتك أيه يا باشا علشان تحطلها علبة دخلها 2.5" !!! معنى كده ،، أن البايبس نفسها ماشية 2.5" !!!ولا أنت حتطه الأول على كوع ؟؟
أن شاء الله :) مبروك
بارك الله فيك يا باشا
صاحب المحل اسمة محمد دبة و المحل اسمة tuning zone على نفس صف فتح الله بعد ما تعدي الشارع الي يدخللك على دوران السيوف حتلاقي ارض سيتي لايت و بعدها المعرض بتاع العربيات و بعدين المحل الي بقوللك علية حتى اليافطه بتاعتة لونها احمر و على طلعاية حتى اني اخر مرة كنت عندة لقيت عندة علبة nismo و طبعا غنية عن التعريف
صدقني محل من الاخر