الموضوع: حادث مروع على كورنيش الاسكندريه

المشاركة الأصلية كتبت بواسطة misoalex

alextv:حادث مروع على كورنيش الاسكندرية - youtube!

العربيه وهى واقفه مش باين اوى اللى فيها بس شوفو اخر دقيقه فى الفيديو الونش حيشيلها حتلاقوها معصوره زى علبه الكانز عشان دخلت فى العامود تقريبا عشان كده طلعو السواق من الباب التانى

حادثه غريبه ومش عارف ازاى حصلت وازاى بتاع الاوكتافيا عدى الجنب التانى

على فكره المكان ده هو هو اللى حصل فيه حادثه البى ام من كام اسبوع اللى كانت حاضنه العامود بس كانت على الطرف التانى من الرصيف

هو دة أمان دايو!
أنا برضو عملت حادثة زمان فى نفس المكان دة بالظبط, كنت ماشى 120 و اللى جنبى حدف على خبطنى فالعربية عومت و لبست الرصيف

الكورنيش مينفعش يبقي عليه اي مطبات لان دي هيشله تماما لكن يجب ان يكون هناك اشارات ورادارات لان الطريق معمول غلط - تلاقيه واسع في الأماكن المستقيمه وضيق في الأماكن المنحنيه ده غير رسمة الحارات لو مشيت عليها هتطلع علي الرصيف بعد 100 متر

الحل من وحهة نظري في الدائري
الطريق ده بجد لو يتظبط هيفك ازمه كبيره
انا دايما بروح من عليه وبيبقي اسرع بكتيير من الكورنيش ونادرا لما يبقي زحمه بس اخر مره من اسبوع رحت عليه كان زي الزفت - محفور من كل حته مكان الغاز ومفيش غير حاره واحده تقربيا اللي شغاله

الطريق ده لو يتظبط هيبقي ملوش حل وخصوصا انه واسع يعني لو انت رايح علي سيدي بشر 3 حارات وانت راجع 4 حارات تقريبا

حلو فعلا الإقتراح دة
هيزبطوه بعد 10 سنين بقى لو جه رئيس محترم

المشاركة الأصلية كتبت بواسطة رزق

اللي إنت بتقوله ده جميل لكن ينفع مع قلة من الشعب المصري
أما الباقي مبيفهمش غير لغة المطبات
عشان كده لازم يرشقوا الطرق مطبات كل 100 متر تطلع من واحد قبل ماتجيب 20 تكون وصلت للتاني

معظم الناس دلوقتي مش بتخاف الا بالعين الحمرا
يعني انت بتقول لازم مطب عشان ده الحاجه الوحيده اللي هتوقفه عشان ميبهدلش عربيته

لو في ردار عند كل اشاره ولو موقفش يتلطش مخالفه ب 500 جنيه ساعتها هيقف غصب عنه ومع الوقت هيحترم نفسه وتبقي عاده فيه

الرادارات تكلفة كبيرة عالدولة وبعد فترة حيتركنوا زيهم زي معظم اللي في الطرق السريعة

هو ممكن أحسن كمان يحط 20 رادار مثلا 19 علب و 1 شغال تمويه و مليون علامة من بتوع احذر رادار بعد 1 كيلو