الموضوع: ds5

المشاركة الأصلية كتبت بواسطة densfog

موافق بشده ... بس لو قارنا الفرق بين ds3 , ds4 فى السعر بيتهيألى ds5 ممكن تبقى بحوالى 330000

عربيه جميله جدا وكمان ds4 اللى بفكر فيها جديا بس خايف من عز فى قطع الغيار اللى مبتبقاش موجوده خالص .... ده أنا عربيتى منتشره شويه عن السيتروين وقطع غيارها مبالاقيهاش ألا لما تكون لسه شحنه قطع غيار واصله ... فمش عارف لو ربنا رزقنى وجبت السيتروين هأعمل أيه فى قطع الغيار وخاصه أنه نفس التوكيل

بص يا باشا حضرتك لو فكرت فى عربية من العربيات اللى فى الفئة ديه متفكرش فى اسعار قطع الغيار كتير لأن الموضوع هيبقى متعب بالذات مع عز العرب .. هى العربية تحفة برضه و رغم احترامى الشديد للماركة ديه و حبى ليها بس بقولك فكر الف مرة قبل ما تشترى العربية لأن لو لأى سبب فكرت تبيعها هتزعل اوى من سعر اعادة البيع لأن العربية تقريبا معملتش مبيعات خالص و دا طبعا هيأثر على سوق المستعمل جامد .. مش عارف اقولك فكر فى ايه بس ممكن استرا تربو فى نفس الحدود ديه بس منصور برضه يعنى و الله مش عارف اقولك ايه يعنى حتى فى مصر الواحد يبقى بعد ما يتعب و يبقى معاه الفلوس بتاعت الحاجة ميقدرش يجيبها عشان شوية توكيلات تعبانة

المشاركة الأصلية كتبت بواسطة densfog

قبل كل حاجه أسمحلى أسجلك كامل أحترامى لردودك فى كل المواضيع وموضوعيتك وحبك لمساعده الأخرين وفعلا خليتنى أحب الماركه دى
ثانيا أنا مشكلتى مبتتركزش أوى فى سعر قطع الغيار قد ما بخاف من ندرتها بسبب خبرتى مع علابيتى اللى هى تبع عز العرب برضه
ثالثا أنا نظامى أن العربيه لازم تكون نادره ومميزه ومليانه أوبشنز وده تفكيرى ... فيه ناس تانيه ميهماش غير أحتمال العربيه وتوافر قطع الغيار وده وجهه نظر تحترم ... فعلشان كده أنا مبهور بفئه الـ ds كلها .... بس ربنا يهدى علينا عز العرب ويكون التعامل بتاعه فى السيتروين محترم شويه عن البروتون

الله يخليك يا باشا و الله الواحد بيحاول يعمل اللى يقدر عليه و الواحد استفاد كتير من الموقع ده و بيحاول يرد الجميل باللى يقدر عليه و الحمد لله انى كنت سبب فى حب حد للماركة المظلومة دائما

بص يا باشا هو اكيد هيبقى فيه تعامل تانى مع مالكى الـ DS مع احترامى لكل مالكى بروتون طبعا بس انا كان معايا قبل كده جين 2 و رحت عز العرب فى استراحة بروتون و رحتوا برضوا فى استراحة ستروين بصراحة فيه فرق ملحوظ بين مستوى الاستراحتين و متهيألى التعامل هيختلف برضه مع ان مهندسين بروتون ناس محترمين جدا برضه .. فأكيد هيبقى فيه اهتمام بالملاك بتوع الـ DS خصوصا انهم هيبقوا معروفين بالاسم لأن زى ما قولتلك العربية مش بتبيع اساسا للاسف .. بس طبعا الكلام ده هيواجهه ارتفاع عالى فى اسعار قطع الغيار و ان كان دا توقعى الشخصى مش مبنى على اسعار انا عرفتها .. بصراحة الفئة ديه بتحققلك كل اللى فى دماغك و لو مش فارقة معاك موضوع ارتفاع سعر قطع الغيار هتبقى اختيار مناسب لانها عربيات ماشاء الله مفيش كلام عليها .. الكلام كله على التوكيل

موحوده واقفه قدام عز الصحرواى ....شبه الفولستر بس احلى واشد منها
سبحانك اللهم وبحمدك ، أشهد أن لا إله إلا أنت أستغفرك وأتوب إليك