ركبت امبارح dvd من غير gps..ينفع ازود الgps عليه ؟؟

**mahmoud_afifi** · 03-02-2012 11:50 AM

السلام عليكم

امبارح ركبت DVD النترا بس كان من غير GPS. قلت مش محتاجه و اوفر الفرق خاصة انه فرق كبير.
المهم وانا بشتغل على الجهاز لقيت اختيار NAVI !! هل معنى كده اني ممكن اجيب الAntenna بتاعة الGPS ويشتغل ؟

**mahmoud_afifi** · 03-02-2012 01:13 PM

المشاركة الأصلية كتبت بواسطة m_elkhishin

أعتقد الجهاز حيكون بدون موديول استقبال ال gps ، وعشان تشغله لازم تركب الموديول بالاضافة للأنتينا
بس بصراحة معرفش هل القطع دي متوفرة في السوق أم لا

جزاك الله خير, طب ايه هو الموديول ده بعد اذنك ؟
وبالنسبه للانتينا انا ممكن اشوف اجيبها من على النت بس لما اتأكد هينفع ولا لأ :)

**mahmoud_afifi** · 03-02-2012 02:26 PM

المشاركة الأصلية كتبت بواسطة bakkarahmed

كلفك كام الجهاز ومنين؟

2100 من سيد علي في شارع دمشق.

**mahmoud_afifi** · 03-02-2012 02:47 PM

المشاركة الأصلية كتبت بواسطة m_elkhishin

الموديول بيكون حاجة زي كده، وبيكون له مكان يركب فيه داخل الجهاز

car dvd gps module products, buy car dvd gps module products from alibaba.com

اممم, لأ مش عارف بصراحه وماخدتش بالي اثناء التركيب في مكان عشان يتوصل بيه سلك الانتينا ولا لأ!
خايف اشتري الانتينا وفي الاخر ماينفعش. انا لقيت سعرها على النت ابتداءا من 60 دولار الى 120 دولار.
خلاص بقى مش لازم GPS

متشكر جدا لحضرتك :)

**Kareem Fawzy** · 05-02-2012 04:13 PM

مبروك الجهاز
طيب ممكن صور وتقرير عنه لانى نفسى اركبه قوى..،،

**mahmoud_afifi** · 05-02-2012 08:16 PM

المشاركة الأصلية كتبت بواسطة Kareem Fawzy

مبروك الجهاز
طيب ممكن صور وتقرير عنه لانى نفسى اركبه قوى..،،

تحت امرك يا باشا. بكره ان شاء الله هيكون التقرير جاهز بالصور ان شاء الله.
بس قبل ما تركب خد خلاصة المعلومات الي عرفتها :d

في كذا شكل اولا وكلهم صيني. بس في انواع معروفه رغم انها صيني.
في نوع اسمه Motevo بالفريم عشان الالنترا وده فيه كل حاجه حتى الGPS بس ب3300 في توكيل كلاريون. انا كنت هجيبه في الاول بعدين قلت انا اولى بفرق السعر.
ادخل على النت شوف الاشكال واختار الي يعجبك.
بالمناسبه انا مش ندمان اني جايب من غير GPS :)

**mahmoud_afifi** · 06-02-2012 06:28 PM

المشاركة الأصلية كتبت بواسطة Kareem Fawzy

مبروك الجهاز
طيب ممكن صور وتقرير عنه لانى نفسى اركبه قوى..،،

التقرير المفصل اهو بس مافيش غير صوره واحده عشان نسيت اصور اكتر من كده معلش

طبعا السعر ب2100
المكان: شارع دمشق
الصناعه: صيني
الشركه: مجهولة الهويه

الامكانيات:
1-تشغيل DVD
2- AUX
3- Ipod
4- بلوتوث (عاجبني جدا

)
5- كاميرا (بس لسه ماجبتهاش)
6- تلفزيون (لسه ماجبتش الاريال)
7- في اختيار GPS بس مش مفعل. تقريبا لازم اوصل Antenna بتاعة GPS عشان تظهر لأن معظم الاختيارات زي الكاميرا والتلفزيون مش مفعلين عشان مش متوصلين بالتالي اعتقادي ان ينفع يركب GPS عليه بس لسه محتاج اغامر.

المميزات:
1- صوت عالي احسن من الكاسيت الاصلي واحسن من كاسيت سوني كنت مركبه.
2- التاتش بتاعه حلو.
3- امكانية اخفاء الشاشه (كأنها مطفيه) لو انت سايق والضوء مضايقك. بلمسه تطفيه ولمسه تشغله بمنتهى السهوله.
4- سهولة اختيار الtrack المفضل بالرقم في الفولدر. وشاشة الPlaylist واضحه.
5- لغاية دلوقتي انا مشيت على طرق مكسره وهز كتير والحمدلله ماتأثرش باهتزاز الطريق. (ربنا يستر

)
مش عارف المميزات كلها بس دي الي عجباني.

العيوب:
1- صعوبة التركيب عشان يظبط الفتحات والفراغات حتى وهو جاي بالفريم. انا مستغرب ازاي بس ده الي حصل :d ... ده حتى اضطر انه يخرم في شاسيه الكاسيت الي الكاسيت بيركب فيه.
2- لما الفلاشه تتهز بيعمل restart للجهاز كله.
3- الفلاشه محتاجه وصله عشان تركب على الجهاز مش بتركب مباشرة بالتالي موحشه الشكل. عشان كده عاوز ابقى استخدم ميموري كارد.
4- الtracks لما بتشتغل تقريبا بيقطع منها اول كام جزء من الثانيه. مابتأثر على الأغاني بس انا متضايق نفسياً :d .. عاوز اشوف يمكن في اختيار يظبط الموضوع ده
5- الريموت حاسه ضعيف ولازم يتوجه مباشرة رغم ان البطاريه جديده.
6- اضاءة زراير الجهاز لونها مش ازرق قوي زي الداشبورد بالتالي بضطر اخفف اضاءة الداشبورد عشان يليقوا على بعض. (بس ده بالنسبه للجهاز الي انا جايبه, في انواع تانيه لونها ازرق قوي وتحفه).

اجمالا انا راضي عن الجهاز رغم اني شايف ان سعره يعتبر كتير مقارنة بأجهزة تانيه فيها خصائص اكتر وسعر أقل.
لو عاوز نصيحتي, اشتري Motevo GTV-X1 وده الي انا اساسا كنت رايح اركبه بس مالقتهوش وانا كنت مستعجل قبل الفلوس ما تطير :d .. الجهاز الي بقولك عليه ده فيه كل حاجه حتى الGPS.

يارب يكون التقرير النص نص ده افادك