تنبيه هام... برجاء الاهتمام
قبيل صلاة الجمعة ... كنت نازل اصلى الجمعة . المهم كنت ماشى فى شارع المريوطية الجديد و طالع على شارع الهرم عند سوبر ماركت نور كدا ... لاقيت ناس بتزعق وواحد بتصوت و راجل بيجرى على كل عربية بيحاول يوقفها.... طلع ان الراجل اتسرقت عربيته حالا.. وعايز يطلع باى عربية وراها .. المهم وقفتله مع ان عربيتين قبلى مرضيوش.. وقالى اللى حصل .. المهم ركب... ولقيت 2 ركبوا ورا... وحكالى قالى انه نزل يشترى حاجات و ساب بنته فى العربية..جه واحد و نازلها و اخد العربية و طار... انا بصراحة قاعد مقلق من ال2 اللى ورا شكلهم مش تبع الراجل صاحب العربية ... طلعت ورا العربية... المهم لاقتهم بيقولوا دا دخل شمال و سئلنا الناس على عربية حمراء لسه معدية وفعلا دخل شمال فى الحوارى... لحد هنا قولتلهم احنا نطلع على القسم... مرضيوش ... المهم قولتلهم هحنا مش عارفين دخل انه حارة و بعدين دا بيطلع على كفر الجبل... راحوا نازلين ولقيت عربية بريليانس راحت واقفة وركبوا فيها وكملت ورا العربية المسروقة...
بصراحة كان نفسى اخش ورا العربية لكن كنت قلقان من ال2 اللى فى الكنبة ورايا اكتر من اللى سارق العربية... ولكن يمكن انهم كويسين و انا فرضت الفرض الاسوء ( ان بعض الظن اثم )
نيجى للمهم فعلا
1- عربيتك تتقفل لما تنزل تشترى حاجة سواء فيها حد او لا
2- مفتاح العربية فى جيبك و ما تعتمدتش على ان فيها حد حتى لو كانت مراتك
3- متحطش اعتمادك كليا على مساعدة الناس ... لانى واحد اهه من الناس ... لكن معرفش الناس دى صاقة ولا كاذبة ... للاسف انعدمت الثقة
وربنايحفظكوا من كل مكروه وسوء