ان شاء الله قريب قوى اكون فى دمياط
عرض للطباعة
ان شاء الله قريب قوى اكون فى دمياط
السلام عليكم ورحمة الله وبركاته
خالد باشا
ربنا يعينك ويديك الصحه يا باشا
انا حصل معايا حاجة شبه اللى انت بتتكلم عنه، بس فى الفيكترا بى
و فى الاخر طلع العيب ان فيه حتة بلاستيك سلوفان صغيرة بطريقة ما سكنت ايجار جديد فى تنك بنزين عرية العبد لله، وده طبعا نتيجة لنقاء وصفاء وجودة البنزين ال92 بتاعنا
المهم من غيى ما اطول الطرمبة القديمة اتسدت وقعدت تعلق معايا ييجى شهر لحد ما باظت، والجديدة كا حيحصل فيها نفس اشىء لولا ستر ربنا ودعاء الحاجه ربنا يديها الصحة
لو حصل وفتحت التانك لى سبب نظفو كويس قوى و الله المستعان
متشكر جدا يا معالي الباشا ...
انا عندي شويه قذاره بقالها شهرين في للتانك و داخل معاهم في قضيه..ههههه
خالد باشا
كان الله فى عونك وان شاء الله يجعلها اخر الاحزان قصدى اخر الاعطال
اولا دلوقتى فية اعراض بالنسبة لطلمبة البنزين وهية انها ( تخنق العربية وانت ماشى - تسارع العربية يقل - رعشة فى العربية واول لما تيجى تدوس بنزين جامد شوية وهية حتى السلانسية تروح نازلة - صوت عالى يصدر منها وتكون سامعة ودة بيكون صوت الترس بتاعها
دلوقتى لو انت عايز تتطمن على الطلمبة عموما فية طريقتين ( انك بتفك الخرطوم اللى واصل لفلتر البنزين وبتفتح بس كونتاكت سنة بسيطة بس دية مشكلتها انها بتغرق حوض المحرك - انك تشيل الكنبة الخلفية وتحط ايدك على الطلمبة من فوق وتخلى حد يفتحلك كونتاكت بس وتشوف هل هتحس بيها ولا لأ ( دة بالنسبة لطلمبة ) وانا استبعدها تماما لان لو فرضنا ان العيب منها معنى كدة ان الاتوماتيك بتاع الطلمبة بيعلق شوية يشتغل وشوية لأ ودة بيحصل فى حالة ان الطلمبة سخنت نتيجة لقلة البنزين داخل التانك ولو هية بتعمل كدة يبقى تأكد تمام ان مجرد مالبنزين يوصل مثلا لاقل من 10 لتر هتلاقى الطلمبة مش عايزة تشتغل
وموضوع ان العربية تبطل وتدور لوحدها دة مالوش غير تفسير واحد ان فية فيشة او سلك بيقطع الكهرباء عن المحرك ثم مع هزة العربية يرجع يشتغل تانى
شوف انت مثلا الاعراض الظروف المحيطة اللى المحرك بيبطل فيها يعنى مثلا بتنزل فى مطب جامد , بتشد بالعربية مرة واحدة
دة تفسيرى للى حصل وكل شىء جايز
وفية حاجة ممكن فعلا يكون فية شوائب فى البنزين بتخلى العربية ,تبطل بس دية بتحصل فى حالة انك تكون بتهدى لما تكون داخل على مطب مثلا ولازم تدورها بأيدك لانها بتفصل العربية , ولو العربية على السلانسية بتلاقى الاربى بينزل برعشة لحد مايفصل خالص + نتشة فى العربية الاول ( دية كلها اعراض البنزين السىء )
شيك على الكهرباء والفيش بتاعتها
سمسم باشا منور ...
فعلا انا مستبعد الطرمبه لان مفيش اي حاجه من اعراضها ...
ثانيا هي غالبا وساخه بنزين لاني بعاني من كركره قالي فتره و الحمد لله تقريبا اختفت لاني فولت مرهمن محطه نص كم ...
بالنسبه لانعا بتدور تاني
اعتقد و الله اعلم انها بسبب الفتيس لانه ايزي ترونيك (زي المانيوال بالظبط) ...و برده كلامك صح لانها مش هترمي لنفسها الا اذا الكهرباء رجعت تاني ....
بس هي مره بطلت و مدارتش لوحدها ...
و للاسف مفيش ظروف معينه ..كل مره في موقف مختلف ..مره و هي ع الاولاني ..مره و هي بتنقل !! و مفيش مطبات خالص ...
هي حاليا مظبوطه ..بس فيها برجله جامده في الدواره مصحوبه باصوات تخبيط الي هي غالبا قواعد ...
انا زهققققققققققت
ما قلنالك بيع يا لطفى
انت مش مصدق ان فيها عفريت
اعملك ايه
اجيبلك شيخ المانى يصرفهولك
و اخد خمسين الف عموله و انت منك ليه