تعمل ايه لما عربيتك تتخبط؟

**thatha** · 03-02-2012 05:05 PM

انا قرفت ياجماعة . ايه الي المقروض تعملوا لما واحد يخبط عربيتك و يكسرلك حاجة. انا عن نفسي اتعودت اني اقول ربنا يعوض عليا. النهارده مكروباص خبط عربيه قدامي . و صاحبها 6*9 . نزل مسكوا ضربوا و برده . فالاخر سابوا. بس سالت نفسي سؤال . ايه التصرف الصح لما عربيتك تتخبط تعملوا؟

**KHALED AYMAN** · 03-02-2012 05:10 PM

بنزل من غير ما اشوف العربيه
اقوم شاتم و مزعق و مهبد و مرزع
واقوم باصص على عربيتى
وكل ما التانى يتكلم ازعقله و اهب فيه و اشتمه
و اقوله هتصلح العربيه فى التوكيل واضرب الرقم فى 500 يعنى الى تتصلح ب الف جنيه اقوله 20 الف ولا حاجه
الناس تتلم
و خلاص معلش
خير
ماشيين على هوا
هتاخد عوض
اقول خلاص
وامشى
طبعا اسلوب منحط وقليل الادب
بس لما جربت امشى بالادب ...مكنتش غلطان و دفعت 500 جنيه للى غلطان !!!!!
ولما مره شتمت وعملت الى قولته ده
خدت بطاقه و رخصه سواق "نص نقل" 4 ايام لحد ما جمع مبلغ تصليح عربيتى 1000 جنيه ..اديته الرخصه و مخدتش الفلوس ..بس اهو اتعلم الادب

**thatha** · 03-02-2012 05:22 PM

يعني بالبلدي كده. مابتخودش حاجة فالاخر؟ و دور البوليس فالموضوع ايه؟

**KHALED AYMAN** · 03-02-2012 05:25 PM

البوليس كومبارس ههههههه مش واخد بطوله
يؤسفنى اقولك ان كل ما كنت قليل الادب اكتر ..هتاخد قدر كبير من حقك
وكلما قلت قله ادبك قل هذا القدر
انا مثلا دفعت 500 جنيه للغلطان فى حضور البوليس :)
والا
العربيتين يروحو القسم
وندخل احنا الاتنين القسم
و تحقيق
وفيلم هندى
و مثلا عربيتى هتتصلح ب 1000 جنيه
هيتحكم ليا ب 150 جنيه :)
فتجاهل موضوع البوليس
لو انت واثق من موقفك ..هدد بانك هتعمل محضر ..لكن متحاولش تعمل محضر فعلا

**فادى محمد** · 03-02-2012 05:34 PM

انا واحد خبطني مره من زمان دخل في بابي (كورولا 96) بفولفو قديمه !!!
عربيته عطلت ووقفت مكانها ,رحت جاري علي الكونتاكت واخدت مفاتيحه علشان اثبته
الناس اتلمت ,قولتله بلاغ للشرطه ومعاينه وبهدله وفي الاخر هاخد حقي
ولا تصلحهالي ؟؟ طبعا اختار انه يصلحها , دفعلي 300 دولار كانوا معاه واخدت تليفونه ومشيت
عربيتي غيرت قشره باب ومكنه ازاز غير الدوكو..
فاض معايا فلوس بعد ماغيرتهم مصري اتصلت بيه وقابلته واديتهومله ,كانوا 73ج ...وربنا مايعيدها .

**shaddadfalcon1** · 03-02-2012 05:40 PM

علي حسب المموقف
يعني لو فعلا غصب عنه يبقي قدر الله وما شاء فعل

لكن لو حمار وغبي وعملها بغباء يبقي يدفع ودي المره الوحيده اللي فعلا اخدت من سواق نص نقل تمن المرايا والطريق كان واقف وقام داخل عكسي في طريق رايح جاي وزنقني وكسرلي المرايا ومسبتوش الا لما دفع 100 جنيه

**thatha** · 03-02-2012 05:50 PM

ربنا يبعد عنا الحوادث .و يسطرها علينا في الايام دي

**فادى محمد** · 03-02-2012 05:51 PM

المشاركة الأصلية كتبت بواسطة koshary

انا الحمد لله اول حادثه ليا ومكنتش غلطان سواق ميكروباص دخلى فى الشنطه كسر الاكصدام والشنطه اتطبقت وحصل خير بس عمرى ماهقبل العوض الا لو متأكد انو خابطنى عمد وباقى الخبطات حاجات عاديه حكة مرايا حكة اكصدام حاجات لا تزكر

القاعده الفقهيه بتقول من افسد شيئا فعليه اصلاحه وده فيه ارجاع لحق المجني عليه ودرس وعبره للجاني ,فلازم حضرتك تطلب حقك والا هيبقي عنده رعونه واستهتار انه يخبط غيرك ...

-

-

الموضوع: تعمل ايه لما عربيتك تتخبط؟

LinkBack

أدوات الموضوع

عرض

-

-

-

-

المواضيع المتشابهه

تعمل ايه لو لقيت عيش محطوط على عربيتك ؟

أسوأ أحساس فى الوجود...عربيتك تتخبط وهى واقفه

امتى بدات تعمل شغل فى عربيتك

نفسك تعمل ايه فى عربيتك ؟؟؟؟؟

تعمل ايه لو عربيتك

الكلمات الدلالية لهذا الموضوع

المفضلات

المفضلات

ضوابط المشاركة