تخليط البنزين

**ahmed_halim197** · 03-02-2012 07:44 PM

سلامو عليكو
دلوقت انا جماعة زمايلى معاهم انواع مختلفة من السيارات و لكن كلها حديثة زى جيتا و كيا و هيونداى بيعملوا حركة جديدة عليا و هى انهم لما يجوا يحطوا بنزين بيحطوا نص الكمية 95 و النص التانى 92
الكلام دة كويس ولا غلط على العربية

**Land_Cruiser** · 03-02-2012 08:10 PM

بصراحه مش عارف ايه المحكمه من عمل الكوكتيل ده و مش لاقيله لازمه . هما يعنى كده بيعملوا. اوكتان. ٩٣.٥
بص حضرتك احسن حاجه تلتزم باللى مكتوب فى الكتالوج للحفاظ على الموتور و ده بيبقى حسب نسبه الانضغاط و بيبقى متحدد ايه الحد الادنى اللى ينفع تمشى به فلو كان مثلا الحد الادنى ٩٢ يبقى ممكن تحط ٩٢ و برضه ٩٥ بس ساعتها اختار نوع واحد فقط منهم و استخدمه و احيانا بيكون مكتوب ٩٥ فقط و ساعتها المفروض تحطه و بلاش الكوكتيلات دى ملهاش لزمه و معتقدش حتلاقى اى صانع لاى ماركه بيوصى بيها

**Youssef.Awad** · 04-02-2012 02:08 AM

قمة الاختراع !!!!!!
ماهو احسن يجيب مزود اوكتان ويحطه مع كل تفويلة بدل الخلط ده

**moha4tec** · 04-02-2012 12:47 PM

المشاركة الأصلية كتبت بواسطة y2y1500

قمة الاختراع !!!!!!
ماهو احسن يجيب مزود اوكتان ويحطه مع كل تفويلة بدل الخلط ده

على فكره اى اضافات بتبوظ البوجيهات
فمتحطش اى اضافات على البوجيهات الجديده لانها بتبوظها و بتوسح الايدل كنترول و بوابة الهوا و العربي بتتكتم و السحب بيضيع و استهلاك البنزين بيزيد و مش هتحس بيها فى ساعتها لا هتحسها بعد 3 تفويلات مثلا او اقل

و على فكره انا جربت الكوكتيل ده و جاب نتيجه و قفلت عداد و السحب زاد و الاستهلاك قل
بس انا مثلا بفول 92 وبضيف من 5 الى 10 لتر 95 و النتيجه مرضيه جدا بالنسبالى .

**Formulator** · 04-02-2012 01:51 PM

الصح فـ العربيات الجديدة:
انك تثبت الأوكتان بتاع البنزين, يعنى 92 أو 95.. وتثبت على واحد فيهم, ماتغيروش (الا للضرورة).
ويفضل كمان, من نفس البنزينة أو الماركة..!!
- مثلا: تحط 95 من بنزينات شيل على طول, أو 92 من بنزينات موبيل.. just for ex

ليــــــــــــــــه؟؟!!!
عشان المواتير اللى فيها Electronic injection/ ignition و knock-sensor (تقريبا كل الجديد)..

الـECU بتضبط الـSpark-Timing والـignition-advance تبعا للأوكتان بتاع البنزين المستخدم..؟؟!!!
عشان تطلع أفضل أداء من الوقود, بأقل استهلاك.. دون حدوث detonation..
بس طبعا فيه Limits الـECU تقدر تتحكم فيها, يعنى لو حطيت 80 مثلا, ممكن ماتعرفش تتصرف.. وماتدورش أصلا (عشان الـknock هيبقى جامد.. وكـ حماية للموتور)..
ومحدش يقوللى انه بيضبط نسبة الـ92 للـ95 كل مرة.. يعنى مثبت التركيبة..؟؟!!! مش ممكن تعرف تضبطها..؟؟؟!!

تقوم حضرتك كل مرة تفول فيها الأفتكاسة دى.. تدخل data جديدة للـECU (عشان الأوكتان اتغير), وتخليها متبرجلة معاك..
صعب أوى الأداء واستهلاك البنزين يتضبط, وممكن لو اللخبطة جامدة.. تأثر على العمر الأفتراضى للموتور بتاعك..

**moha4tec** · 04-02-2012 02:07 PM

المشاركة الأصلية كتبت بواسطة formulator

الصح فـ العربيات الجديدة:
انك تثبت الأوكتان بتاع البنزين, يعنى 92 أو 95.. وتثبت على واحد فيهم, ماتغيروش (الا للضرورة).
ويفضل كمان, من نفس البنزينة أو الماركة..!!
- مثلا: تحط 95 من بنزينات شيل على طول, أو 92 من بنزينات موبيل.. Just for ex

ليــــــــــــــــه؟؟!!!
عشان المواتير اللى فيها electronic injection/ ignition و knock-sensor (تقريبا كل الجديد)..

الـecu بتضبط الـspark-timing والـignition-advance تبعا للأوكتان بتاع البنزين المستخدم..؟؟!!!
عشان تطلع أفضل أداء من الوقود, بأقل استهلاك.. دون حدوث detonation..
بس طبعا فيه limits الـecu تقدر تتحكم فيها, يعنى لو حطيت 80 مثلا, ممكن ماتعرفش تتصرف.. وماتدورش أصلا (عشان الـknock هيبقى جامد.. وكـ حماية للموتور)..

ومحدش يقوللى انه بيضبط نسبة الـ92 للـ95 كل مرة.. يعنى مثبت التركيبة..؟؟!!! مش ممكن تعرف تضبطها..؟؟؟!!

تقوم حضرتك كل مرة تفول فيها الأفتكاسة دى.. تدخل data جديدة للـecu (عشان الأوكتان اتغير), وتخليها متبرجلة معاك..
صعب أوى الأداء واستهلاك البنزين يتضبط, وممكن لو اللخبطة جامدة.. تأثر على العمر الأفتراضى للموتور بتاعك..

معاك حق .
انا كنت بعمل زى ما انت بتقول بالظبط و كنت مثبت الاوكتان 92 من نفس البنزينه و كل ده
و لما غيرت للكوكتيل ده العربيه فرقت بصراحه للاحسن .ليه مش عارف .
بس الكوكتيل ده باخد منه احسن اداء بصراحه .