كان لسه اخويا بيقولي عليه و عايز يركبه في عربيته
طيب ما تعملولنا عرض اشتري واحد و خد التاني مجانا :)
عرض للطباعة
كان لسه اخويا بيقولي عليه و عايز يركبه في عربيته
طيب ما تعملولنا عرض اشتري واحد و خد التاني مجانا :)
متابع
مبروك يا استاذ كريم جهاز رائع ويستاهل ومنتظرين العروض على المنتدى
ممكن تليفون الشركة يا جماعة انا محتاج اركب الجهاز ده امبارح كان فيه محاولة لسرقت عربيتي و ربنا ستر
ياريت الشركة تعمل عرض على سعره
استاذ نجم المديري التنفيذي هايكون موجود قريب جدا
التاخير عشان محاول الوصول لافضل عرض لاعضاء المنتدى
حضرتك أنا شوفت الفلاشة بتاعت الجهاز دة موجودة مع ميدالية مفاتيح موظف زميلنا والشركة فعلا هيا اللى عاملها وبيتقال عليها بصمة العربية بس زميلنا ما يعرفش طريقة برمجتها مع العربية . بس الميزة الخاطيرة اللى فيها أنها لا تجعل السيارة تدور الا أذا وضعت الفلاشة أو البصمة على الجهاز الخاص بها فى السيارة .... ودة فقط اللى يعرفة الموظف لكن كناحية فنية ما يعرفش .
طبعا أنا مش عايز حضرتك تشرح الناحية الفنية علشان الحرامية ما يعرفوش. لكن بصفة عامة يا ريت لو عند حضرتك تفاصيل أكتر عنها هل ممكن يحصل بدون وجودها أيضا تدوير الماتور للسيارة بأى طريقة ما . ولا هيا بردة بتفصل الكهربا عن موتور العربية خالص
ودية أهم نقطة أنى مش عايز العربية تدور ولا تتحرك من مكانها خالص من الآساس
ألا لو تشالت على ونش ودة مش وارد بأذن الله
لآن ممكن يحصل صعوبة فى الآتصال بالسيارة أما لعدم وجود أرسال أو تشويش أو البطارية بتاعت التليفون بتاعى فصلت و أنا مش عامل حسابى أية العمل فى الحالة دية .
يبقى الجهاز المذكور أعلاة الميزة اللى فية أنة لا يجعل السيارة تدور من الآساس ويبقى أنا كدة ريحت دماغى خالص
وسمعت كمان أن فية جهاز ببصمة الأصبع علشان العربية ما تدورش بردة من الآساس
يا ريت حضرتك تفاصيل عن الآجهزة والبصمات اللى ما تخليش العربية تدور من أصلة ودة أهم حاجة . أنى مش عايز العربية تتحرك من الآساس بدون أرسال رسائل ومسجات ورنات وخلافة لتلاشى الظروف الطارئة التى من الممكن أن تحدث
سؤال أخير ومعلش طولت عليكم لكن أريد الآجابة عنة لاحقا بعد الآجابة عن الآسئلة والآستفسارات التى بالآعلى .
هل هذا الجهاز gps فية هذا الآوبشنز أن لا يجعل السيارة تدور ألا بأستخدام بصمة أو فلاشة أيضا ؟
وجزاكم الله خيرا
أولا سلام عليكم جميعا
ثانيا أنا فى شركة بترول فعلا الجهاز ده راكب فى جميع عربيات الشركة ... وفيه كل اللى اتوصف .... وكمان تقدر تبرمج عليه كمان من يقدر يركب العربية ومين ميقدرش .... بالرغم من ان الاتنين معاهم المفاتيح اللى شبه الفلاشه ( Blue key ) وكمان فيه مفتاح كمان لكل البيانات اللى بتبقى متسجلة على الجهاز ودى تقدر تسحبها أو تضيف أى اوامر جديدة على الجهاز عن طريق المفتاح ده واسمه ( Green key ) .
العربية مش هتدور غير بالمفتاح الخاص بكل شخص علشان هو بيفصل الكهرباء عن الموتور .... يعنى لو شلت الجهاز لازم ترجع الكابلات تانى مع بعض علشان العربية تدور .... وطبعا بيلعب فى الضفيرة وبيقصها كمان علشان يركب الجهاز .
بس الجهاز ده انضرب بردوا وللأسف أقدر أقولك بكل ثقة إنك ممكن تشغل العربية وفيها الجهاز ده وبدون المفتاح الخاص بكل واحد وتدورها بمفتاح العربية بس .
هتقولى ازاى .... هقولك الجهاز ده بيركب ورا مدخل المفتاح اللى شبه الفلاشه ورا الفبرة.... يعنى هتفك فبرة الطابلون ورا المكان هتلاقى الجهاز .... الجهاز جزئين ... جزء بفيشة جاى من مكان المفتاح وجزء تانى راكب على الضفيرة ... هتفصلها عن بعض .... وهتقفل بين نقطتين ( مش هنقول عليهم علشان منضربش الجهاز وأهميته ) .... ودى عبارة عن قفلة الكهربا بتاعت الموتور وهيدور بمفتاح العربية على طووووووووول للأسف ويبقى الجهاز زى قلته .
للعلم من الشركات اللى بتركب الجهاز ده شركة ألكان بتاعت محمد نصير الله يرحمه .
يعنى أنا شايف الجهاز اللى بيتكلم عليه كريم أفضل علشان ممكن تختار المكان والحاجة اللى عاوزها تركب عليه
يا رب أكون أفدت الناس
سلام
الف مبروك ياكريم باشا وعقبال ماتركبه في البي ام 740 2012