الموضوع: زيت المتور ومشكله في الفتيس

اولا عاوز اقول لكل الناس في المنتدي وقسم الدايوا خاصه انكم وحشتوني جدا وليا فتره كبيره مش بدخل المنتدي نظرا لظروفي ووقتي بقي ضيق جدا وانا بجد بحد واحشني المنتدي خالص
عندي بقي كام استفسار كده
عربيه لانوس 1 بتاعت صديق ليا متورها كويس جدا وسحبها زي الفل كان حاتط فيها زيت موبيل1 العربيه فيها مشكله تاني في الفتيس لسه هاسئل عليها في السؤال التاني لاكن الاول انا كنت ببص بالصدقه علي زيت المتور لقيته لونه بني غامق ولزوجته مش عاليه بسئله قالي انه معملش بيه 5000 كيلو طيب هل ده عيب في الزيت ولا في المتور ولا كده طبيعي ولازم يتغير ولا لا
ثانيا عاوز اعرف العربيه بتاخد كميه زيت اد ايه بعد تغير الفلتر عشان انا ناسي والراجل كان بيقول الجركن كله انا فاكر ان كان بيتبقي شويه
ثالثا ازاي اعرف ان الزيت مش مغشوش لاني سمعت ان في ناس بتغش الزيت ايه العلمات ووسائل الامان اللي تؤكدلي ان الزيت ده مش مغشوش
رابعا وده المشكله اللي في الفتيس العربيه ديه لسه متغيرلها طقم اصلاح ماستر دبرياج اللي علي فرش الدبرياج وانا ملاحظ ان قبل الاصلاح وبعده زاد خالص المشكله وهي ان العربيه بتنقل الغيرات كلها حلو خالص وهي دايره وانا دايس دبرياش يعني العربيه مش ماشيه بس وانا ماشي بيها لما بشد مثلا واجي اهدي اجي انزل من الرابع للخامس الغيار باخده بالعافيه واقعد اسايس فيه وفي الدبرياج كذ مره عشان اعرف انزل بالغيار وهكذا من التالت للتاني ومن التاني للاول حتي الاول وانا واقف سعات مش بيرضي يتاخد غير لما بدوس واشيل رجلي كذا مره علي الدبرياج لاكن الخامس للرابع مفهوش مشكله خالص والباقي كله فيه مشاكل ارجو المساعده
اسف علي كل الاسئله ديه بس لما بتزنق مش بلاقي غيركم يفدني
وشكلا للكل مقدما

شكرا علي الرد طيب هل من طريقه للتاكد انه الدسك باظ فعلا وهل يجيب تغيره مع العلم ان سحب العربيه اكثر من رائع