الديسك والاسطوانه

**misoalex** · 03-02-2012 11:10 PM

ازاى اقدر اعرف ان الديسك والاسطوانه والبليه اللى ادامى حالتهم كويسه مش بايظين مثلا

يعنى لو ادامى طقم جديد وطقم مستعمل ازاى افرق بينهم

لان مره كنت بشترى حجات من عند واحد بتاع قطع غيار وواحد كان بيشترى ديسك واسطوانه لعربيته جنبى
والتاجر جابله طقم الراجل قاله ايه ده دول كانو راكبين قبل كده فى عربيه هما دول استعمال ؟؟؟

راح الراجل اخدهم منه وغيرهم

وامتى نعرف انه متاكل خالص او نص نص زى ما المكانيكيه بيعرفو وهما فاكيين الفتيس يقولك ده بايظ او نص نص

**misoalex** · 05-02-2012 12:30 AM

هل من مجااااااوب ؟؟؟؟

**msafa** · 05-02-2012 02:17 AM

الاسطوانة و الديسك يا اصليين يا بلاش، الاصليين متبرشمين و بيشتغلو زي الفبريقة لكن التجاري حتى لو جديد اخره معاك 18000 كيلو يعني تغيرو كل سنة او اقل

**misoalex** · 05-02-2012 03:54 AM

طب ازاى ابص فيهم اعرف اذا كانو كويسسين ولالا وهما فى الفتيس وهو محلول ؟؟؟؟؟؟

**msafa** · 05-02-2012 09:42 AM

انت لازم تكون عارف قبل ما تفك سواء كان عن طريق ميكانيكي ولا عن طريق الاعراض بتاعة تلف الديبرياج زي:

صوت الموتور عالي والسحب ضعيف
العزم ضعيف لو انت في مطلع
العربيه بتاكل بنزين علشان لفات الموتور زادت بس مافيش سرعه
يمكن حدوث رجرجه خفيفه وانت طالع بالعربيه علي الاول بدون تزويد بنزين زياده
ويمكنك اختبار الديسك والاسطوانه بهذه الطريقه :
تشد الفرامل يد
تطلع بالعربيه علي الغيار الرابع او الخامس بدون تنزيل الفرامل يد
اذا بطلت العربيه فا في هذه الحاله الديسك بأذن الله سليم
واذا لم تبطل يبقي الديسك والاسطوانه في غير حالتهم الطبيعيه
بس الطريقة دي ممكن متكنش فعالة في حالة إن فرامل اليد تكون ضعيفة
العربية عاملة معاك اية فى المطالع لو بتطلع كويس تبقى الاسطوانة كويسة لو بتعانى وهى بتطلع يبقى غير الاسطوانة