-
الأخت اللى ردت عليا فى خدمة العملاء قالتلى ان عربيات رينو كلها أستحالة تتسرق إلا بونش، فقلتلها انا بركنها فى مكان فيه أطفال كتير و عايز أركب انزار علشان كدة مش علشان السرقة و بس، ردت و قالت طب روح لكهربائى و كلمنى وقتها علشان أحولك للمهندس المختص يتابع مع الكهربائى، فقولتلها طب أجيله و هو اللى يركبها، فقالت ممنوع و إلا الضفيرة هتبقى برة الضمان
يا ريت يا جماعة لو حد عنده حل يقول
-
انا ان شاء الله هركب جهاز انذار فى عربينى الهاف اوبشن 2012 وكمان هركب وحدتين رفع ان شاء الله
وهضرب بكلام التوكيل عرض الحائط
بس انا اتكلمت مع الكهربائى وقالى العربيه اللوجان بيكون فيها حاجت وتصويلات خارجيه علشان اللى يحتاج يركب اى حاجه فيها زى جهاز الانذار والسريينه وخلافه
وقالى هركبلك جهاز الانذار من غير ما نلعب فى ضفيره العربيه خالص
انا مش عارف ازاى بس قالى انا ركبته قبل كده وما تقلقش
التوكيل اهم حاجه عنده الضفيره ما تلعبش فيها ولا تقطع اى سلك فيها
كل الفكره انى انت لو جوه الضمان هتروح التوكيل هيركب جهاز الكمبيوتر مع الكابل اللى فى العربيه اللى فى التابلوه ويفحص العربيه لو وجد خطأ هيعرف انك لعبت فى العربيه وفى الضفيره وهتخرج بره الضمان
لو لم يجد خطأ والاختبار ميه ميه مش هيقولك حاجه حتى لو انت مركب جهاز الانذار
باختصار العمليه عايزه كهربائى محترف
بس انا ان شاء الله هركبه وهقولكم على ايه اللى حصل
وهروح اعمل صيانه العشره الاف كيلو واشوف مهندس التوكيل هيقولى ايه
وربنا يستر بقى ..........
-
-
أنا عايز أفهم إزاي الكهربائي ممكن يركب جهاز الإنذار على البطارية
أنا روحت سألت قاللي مفيش حاجة كدة
-
والله هما في خدمه العملا قالولي ياخدله كهربا من البطارية ما يجيش ناحية الضفيرة
-
هل في حد يا جماعة عمل كدة (ركب إنذار ووصله على البطارية ؟)
-
لا ياجماعه مفيش حاجه يركب جهاز انذار على البطاريه
علشان جهاز الانذار لازم يركب فى ضفيره العربيه .......... بمعنى انى الكهربائى لازم ياخد وصله كهربا من السلك بتاع الانتظار والسلك بتاع السنتر اللى فى العربيه
انا روحت للتوكيل وقلت لهم هركب جهاز انذار قالولى ركب اللى انت عايزه بس اى حاجه فى ضفيره العربيه حصلت احنا مالناش دعوه
قالى الضمان يتقسم نصفين عندنا نصف خاص بالميكانيكا ونصف خاص بالكهرباء
انت هتركب جهاز انذار هيسقط عنك الضمان الخاص بالكهرباء بكل مشتملاتها فى العربيه
بمعنى لو فيه حاجه فى كهرباء الماتور او كهرباء اللمبات او الضفيره او كهرباء التكييف هو مالوش دعوى بيها خالص وعايز تصلحها عنده هتصلحها على حسابك ...........
بس انا عن نفسى هركب جهاز انذار بس للسه ما استقرتش على ايه نوع جهاز الانذار جارى البحث عن نوع كويس لو حد يفيدنى يبقى شكرا
بس انا سمعت عن اجهزه انذار بشاشه لو حد عارف فى الموضوع ده يقولنا ايه الحكايه ؟
والله اعلم
-
انا وصلتة على البطارية بفيوز وشغال الحمد للة
-
اخوك مركب الانذار ولف ع البطارية بسبب الضمان
اللوجان الشكل الجديد
ده رابط بالموضوع
https://www.facebook.com/groups/Rena...0488459656638/
Content Relevant URLs by
vBSEO 3.6.0 PL2