لولا إختلاف الأذواق لبارت السلع... أنا بتكلم من وجهة نظري و ظروفي و احتياجاتي و امكانياتي المالية و ربنا يوفق كل انسان للمناسب ليه - مع تحياتي أحمد سامي
عرض للطباعة
لولا إختلاف الأذواق لبارت السلع... أنا بتكلم من وجهة نظري و ظروفي و احتياجاتي و امكانياتي المالية و ربنا يوفق كل انسان للمناسب ليه - مع تحياتي أحمد سامي
ماشي معاك ان لولا اختلاف الاذواق وكله
بس احنا بنتكلم ان بلاش كلام السوق ونمشي بسياسة القطيع اللي موديانا في داهية دي وبينتج منها حاجات غلط كتير
وكمان على كلامك برضه ماهو كده كده حيجيبها مستعمله يعني سعرها نزل خلاص ولو باعها بعد كده مش خيسر كتير زي اي عربيه تانيه
انا بقى من وجهة نظري وهي انه شوف حتدفع كام وحتاخد بيهم ايه وده الاهم
العربيه دي بجد ممتازه جدا جدا وانا واحد من الناس هاموت واركبها بس الخوووووووووووووووف مخليني دايما متردد وكمان سمعت حاجه مش متاكد منها انها لازم تاخد بنزين 95
لو حضرتك ناوى تشتريها زيرو أشتريها و أنت مغمض عينيك لكن متفكرش فى إعادة البيع لأن الخسارة حتكون كبيرة بمعنى أنها حتكون عربية العمر مع شرط الصيانة الدورية فى التوكيل بقطع الغيار الأصلية ، لكن لو النيه على مستعمل لآزم الكشف فى التوكيل لأنها لو فتحة بقها محدش حيقدر على مصاريفها على سبيل المثال الفتيس الأتوماتيك بتعها بيعمل عشر ألف جنية إستيراد ده لو لاقيتة و لو كانت العربية مستعملة نظيفة يبقى ضربت عصفورين بحجر تبقى أشتريت عربية محترمة جداً جداً و بسعر متدنى يعنى حوالى 50 ألف لعربية إمبريزا 2003
و فى كذا واحد بشتغل فيها خارج التوكيل زى
عايد فى الحرفين
مركز صخر
هشام عبد الهادى فى الظاهر
كلهم عندهم قطع غيار إستيراد و صنيعية بشتغلو فيها
ده طبعاً بالأضافة إلى التوكيل فرع فى المعادى و فرع فى جسر السويس و مع خبرتى مع التوكيلات يعد من أحسن التوكيلات فى مصر
و دى بعض الأسعار لسوبارو 2004 مشتريها بنفسى
كوبلن جديد 2200 إستيراد 350
فانوس خلفى 250 إستيراد
فانوس أمامى 300 إستيراد
مراية جنب 200إستيراد
ردياتير جديد 2000
طقم كاتينة كامل كل 70 ألف كيلو 1300
تيل فرامل 450
فلتر هواء 150
فلتر بنزين 250
بوجيهات 60
جلبة المقص 200
طقم دبرياج 1300
مساعدين خلفية و أمامية 2500
ماكنة مارشيدير 110
طنابير أمامية 700
كلها طبعاً قطع غيار سوبارو أصلية
متابع
لو سليمة والكشف بالتوكيل وسعرها لقطة متسبهاش بس صلى استخارة الاول