يا من اعتمرتم، أفيدونـــــا

**maka** · 05-02-2012 08:06 PM

المشاركة الأصلية كتبت بواسطة احمد المصرى

ان شاء الله انا رايح خلال اسبوعين ان شاء الله والتكلفه 4500 طيران لمده 15 يوم

عمرة مقبولة باذن الله

ياريت تفاصيل اكتر استاذ احمد

**Khaled Online** · 06-02-2012 10:47 AM

المشاركة الأصلية كتبت بواسطة mhmdsfwt

انا لم اجربها بنفسي
لكن هناك من اقاربي من تعاملو معها واعجبتهم جدا

ألف ألف شكر. ويارب قرايبك تكون عمرتهم اتقبلت

المشاركة الأصلية كتبت بواسطة احمد المصرى

ان شاء الله انا رايح خلال اسبوعين ان شاء الله والتكلفه 4500 طيران لمده 15 يوم

ماشاء الله ولا قوة إلا بالله. بالتوفيق
هي على نفس شركة نايل؟

المشاركة الأصلية كتبت بواسطة shaddadfalcon1

امي كمان بتقولي دي متعتها في رمضان والزحمه وان رمضان اجره بحجه وكده

ربنا يخليلك الست الحاجة وأنا رأيي من رأيها.
إحنا لسة شباب ونستحمل ورايحين على طيارة أو مركب. امال اللي كانوا بيسافروا بالجمال دول يقولوا إيه يا راجل
وناوي على رمضان بس أختي ظروفها إيه في الوقت ده؟ الله أعلم

**احمد المصرى** · 06-02-2012 12:04 PM

ربنا يخليكم يا شباب لا مش شركه نايل دى شركه فى وسط البد تبع واحد صاحبى بس مش عارف اسمها والله المهم التكلفه 4500 طيران بنزل مطار جده وبنركب باص لمده 7 ساعات للمدينه المنوره وهقعد هناك 6 ايام ان شاء الله وبعد كدا اروح احرم من ابيار على واروح مكه علشان اعمل العمره واعقد فى مكه 8 ايام ان شاء الله وبعد كدا اروح جده ومن جده للقاهره ان شاء الله

نسيت اقول ان السعر دا مش شامل الاكل يعنى انتقالات وسكن وبس

**mesaharaty** · 06-02-2012 01:25 PM

أنا إن شاء الله تعالى متوجه غدا إلى المدينة المنورة ثم مكة
وأنتهز هذه المناسبة لأستودعكم الله الذى لا تضيع عنده الودائع
وأسلم عليكم جميعا وبإذن الله عند العودة أحكى لكم تفاصيل الرحلة من طأطأ لسلامو عليكم

ادعولى بالتوفيق والقبول

**mesaharaty** · 06-02-2012 03:17 PM

أشكركم والعاقبة لكم
والحمد لله المناسك محفوظة من سابق خمس عمرات عملتها بفضل الله وكرمه

**Khaled Online** · 06-02-2012 11:53 PM

المشاركة الأصلية كتبت بواسطة mesaharaty

أشكركم والعاقبة لكم
والحمد لله المناسك محفوظة من سابق خمس عمرات عملتها بفضل الله وكرمه

الله أكبر ما شاء الله

المشاركة الأصلية كتبت بواسطة oousaoo

اجسن وقت حضرتك اللي تحدده يعني لو عاوز ثواب مضاعف يبقي شهر رمضان ولكن سوف يكون زحمة جدا مما يستحيل التعبدبالاماكن مثل (حجر اسماعيل - الروضة الخضراء -تقبيل الحجر الاسود)
ولو عايز تروح تتعبد والاماكن المقدسة فاضية ده يكون بعد توقيت الحج بشهر بعد ما يسافر كل المتاخريين في الحج
ارجو ان اكون افادتك

جزاك الله خيرا
أفدتني جدا. ألف شكر
نفسي أطلع في الشتاء عشان ماتحرش هناك لأني في الصيف عرقي غزير
بعد الحج بشهر + وقت الشتاء يعني هستنى ليوم 25 في شهر 11 الجاي
انتظار كتير كدة

رمضان 2012 = 18 يوليو
عيد الأضحى 2012 = 25 أكتوبر