يعنى ايه وضح كلامك؟؟؟
عرض للطباعة
انا السقف الاصلي بتاعي ابيض وركبت استيكر اسود مطفي بس لما رشيت العربيه قلت ارشه اسود افضل من النوع اللي بيلمع
يعني هوا لانصحني ولا قالي حاجه!!
وبعدين السقف اصلا مفيهوش سمكرة دا تقريبا زي ماتقول نقرة صغيرة جدا مش بتبان الا في الشمس وطبعا كان مليان تسيل (تم اثباته في المعاينه)
ولما استلمت العربيه منهم قالي فين فين ياباشا اصل مفيش حاجه ...ازاي بقي بتقولي مكنتش استلم العربيه وهوا اصلا بيستعميني!!!
واسف علي الاطاله
باشا من غير لف و دوران كتير
الراجل قال انه هيتكلف بكل حاججه حصلت فى العربيه
اكتر من كده مش هيوصلك
يعنى مش هتاخد فلوسك
خلاصه الكلام
انك تروح توديله العريبه يعملها ولو عايز حد يروح معاك انا هروح معاك و انا اللى هستلمهالك
و انا جاد فى كلامى
اكتر من كده كلام مش عايزين
انت كده بتشوه صورته زى ما هو بيقول
وفر على نفسك الكتابه دى كلها
و اكتبله انت مستعد ترجعلى العربيه زى ما انا طلبتها لو قالك اه موافق يبقى الراجل عداه العيب
و الناس كلها هتيجى تستلم منه العربيه
ولو قال لاء يبقى انت كلامك مظبوط و محدش يتعامل معاه
ده خلاصه الكلام و من غير لف و دوران
بعد ازن حضرتك انا عندي كذا نقطه
انا مش بتاع لف ودوران
العربيه فضلت مشوهة لمده شهرين وربنا يعمل انا مكنتش بخرج بيها الا للضرورة
وصعب اوي اديله عربيه تاني وهوا اصلا كان مقتنع ان الشغل اللي فيها مضبوط 100% يبقي صعب الاقي جوده افضل من كدا
اما بخصوص اني من الاول المفروض ارجع له تاني الكلام دا مفيهوش مشكله اصلا لو كان من الاول مش يقعد ينكر وينكر ويشتم وبعد لما عملت المعاينات وكان هيتم ايقافه قال انا مرحب باي حل؟؟
انا اصلا كمان دلوقتي بعمل العربيه في الاسكندريه وباشراف عضو معانا هنا في المنتدي وشاف الموضوع من الالف الي الياء وربنا يعلم انا كنت بقوله ايه لما بشوفه علي العربيه لان انا مش كداب والله
وعمري ماهعمل مشكله من مافيش وانا اصلا مش فاضي انا طالب جامعي بس صدقني
انا والله مش منشف راسي بس تخيل اني سبته شهرين وهوا ولا في دماغه حاجه ولما تتم المعاينه يقول انا هصلح..
وبعدين هل ترضاه لعربيتك او ترضي الاسلوب دا في الحوار علي مدار شهريين؟؟
وشكراً
بلنسبه لفلوسك مش هطولها علشان اتعمل بيها شغل فى العريبه ده لو انا مكانه هعمل معاك كده
انا ياما اتمرمط فى حوار العريبات ده ولما بدفع فلوس يبقى انا استلم شغل
لكن انت معرفتش تستلم دى حاجه بتاعتك انت و كمان لما شفت شكل العريبه كده مكنتش اخدتها و كمان العربيه اتعمل فيها شغل و انت رضيت بيه و مشيت
ميجيش بقا واحد صاحبك يقولك ايه القرف ده تعمل الحوار ده و تقول للراجل لاء انا عايز فلوسى
انت بتتعامل مع ناس كتير بصراحه انا لو مكان الراجل ده انا هعمل حاجه من اتنين يا اما مش هعملك حاجه و اقرب حيطه جانبك يا اما اقولك تعالى و اعملهالك تانى من الاول على حسابى
و اسف على طريقه الرد دى بس انا عايز احط حد للموضوع ده علشان عاملى خرم فى دماغى
دول الحالين اللى قصادك
شوف انت عايز تعمل ايه و صاحب المركز هيعملهولك
No comment
السلام عليكم
يا جماعة انا على اتم استعداد تفنش العربية
تحياتى لكم جميعا
مش عارف كنت هعمل ايه من غيرك
عموما انا بدأت شغل في العربيه بعد المعاينه الاخيرة مباشرة
ودي مش غلتطي حضرتك سبق ورديت انك مش هتعملي حاجه وانا غير محترم وبسرقك ومش بفهم حاجه في اي حاجه
اتمني الادارة والاعضاء مينخدعوش بالاسلوب الجذاب بتاعه..
انا اديتك فرصه بدل اليوم شهرين ولكن انت مش في نيتك الاصلاح الا علشان تفضل موجود في السايت مش اكتر بس انت لا تخاف الله ولا خايف اصلا علي سمعه المركز
نصيحه مني الانكار ملوش لازمه وراعي ربنا في شغلك كدا كدا الشغل بيكون منسوب ليك مش ليا
وشكراً
شكرا
بس ازاي وبعد ايه لما يتحط امام الامر الواقع؟؟
حضرتك مش عارف يعني ايه شهرين بحاول معاه واثبت مصداقيه كلامي
الفكرة مش في الفلوس الفكرة في الشغل والاسلوب المتبع
بالله عليك ترضاها لنفسك اسلوب الانكار دا من الالف الي الياء
والله انا شخصيا كنت هصدقه اسلوبه مقنع بطريقه ماشاء الله
هوا حضرتك بتتكلم بجد ولا ايه؟؟
انا من الاسكندريه علي فكرة مش من القاهرة
سبت عنده العربيه اسبوعين
لما جيت له من الاسكندريه علشان استلم العربيه ازاي كنت اسيبها
انا اللي اتحطيت امام الامر الواقع انا مليش حد في القاهرة يقف معايا
واقف مع والده واسلام وبينكرو الشغل امامي ازاي اقوله خليها عندك اصلها مش حلوة
وبعدين انا كانت امتحانتي قربت مش هقدر اسيب العربيه اروح اقول لاهل بيتي ايه؟؟
واضح ان الرؤيا اختلف وصدقني انا عارف اني مش هاخد حقي كدا كدا
بس واضح ان حضرتك مقرتش الموضوع كويس
انا من رأيي كنت تبات فى العريبه بدل ما تروح بيها
يا اما كنت تقوله ان العريبه مش عجبانى و انى مش هستلمها
و تسيبه و تمشى و ساعتها ليك كل الحق فى ده
و بعدين مشوار الاسكندريه مش كبير دول ساعتين زمن مواصلات
يعنى لو رايح مصر الجديده من جوه القاهره هتروح فى ساعتين و اكتر
انا بكده قلت كل اللى عندى
و الراجل كمان قال كل اللى عنده
ملحوظه صغيره علشان تبقى عارف
انت عمال تلف و تدور على فلوسك
و انت مش ينفع تاخد فلوسك علشان دول اتعمل بيهم شغل
حط نفسك انك انت صاحب محل بقاله
وواحد جه اشترى من عندك جبنه و بعديها بيوم قالك لاء انا مش عايزها
يا ترى هترجعهاله ولا هتديله فلوسه
اكيد لا ده ولا ده
و الراجل عداه العيب و قالك رجعلى العريبه اعملهالك
بس ملحوظه يا كريم
معنى ايه كلامك انك هتفنش العربيه
ماهو لو العربيه مرعشه كلها و مش متسمكره يبقى ملوش لزمه الفينيش يا ترى توضح كلامك فى ده
احنا مش واجعين دماغنا على شويه فينيش انا ممكن اعمله فى عريبتى
ارجو الرد علشان نحط حد للموضوع ده
حضرتك انا مطبتش فلوس اصلا انا الحمد لله بصرف علي عربتي كويس والكل عارف الحمد لله
انا مش بجيب حاجه من مصر ولا بعمل شغل في مصر
لاني ببساطه مش هعرف اسافر بالعربيه في دوله تانيه علشان اعمل الشغل (انا بتكلم بجد ومش بهزر)
علشان كدا مش بحب اروح لاي حد ولما سمعت ان مركز المصريين انه كويس سافرت ليه مخصوص
العربيه للاسف فيها شغل مش مجرد فينش زي مازكر اسلام مسؤول المركز (اسمه مش كريم)
انا صورت العربيه العربيه بتاعتي وهيا بتتعمل من اول وجديد والاجزاء الاكثر وضوحا وهعرضها علشان انا مش بتبلي علي حد
انا علي فكرة قبل ماعرض الموضوع دا اصلا اتكلمت مع المهندس كريم منير كذا مرة مش مرة واحده وعرضت كل حاجه وقالي اتكل علي الله اعمل الموضوع
انا مش عايز فلوس سيادتك علشان حضرتك بتتكلم فيها اكتر من مرة
انا بعرض حاجه وحشه واظن زي مافيه مكان حلو الناس بتقول المكان دا كويس روحوا اعمله عنده دا ممتاز كذلك الوضع لازم نعرض الوحش
اتمني تقرا الموضوع بالتفصيل وركز اوي اصل خرب ليا حجات غير الرش
سيادتك المشكله مشكله ضمير في الاساس
اكيد مسأله ضمير
بس اكيد كان فى سبب خلاه العريبه تطلع بلمنظر ده
و استحاله لو كل العريبات كده مكنش اخد الشهره دى
عمتا انا اول مره اسمع عن المركز ده
بس الناس قالت عليه كويس و مشهور
فا اكيد مش بيطله حاجه وحشه و اكيد فى سبب ان الشغل يطلع كده
اكيد الصنايعى كان شارب اى حاجه علشان يطلع العربيه بلمنظر ده
فا اللى هيتحاسب عليها صاحب المركز
طب انت طالما لا عايز فلوسك ولا عايزه يعملك عربيتك انت عايز ايييييييييه ؟؟؟؟
أظن اني انا واحد من الناس استفدت من الموضوع ده
مش حكاية هو عايز ايه
الراجل بيعرض تجربته
و صاحب المركز اقر بيها ان في فعلاً مشكلة
يبقى خلاص المركز ده اتعلم عليه بالنسبالي انا شخصياً
و لما يلاقي الزباين بتروح منه يبقى يجيب صناعية نضاف و يخلص الشغل صح
يعني ايه العرض الي هو عمله ان العربية تروحله تاني تتفنش
امال هو كان بيعمل ايه ؟؟؟؟؟؟؟؟؟؟؟؟؟؟؟؟؟؟؟؟؟؟
الشهرة مش حيث ايه دا متشهرش الا من الاعلانات بس دا شئ طبيعي
وبعدين صنايعني ازاي شارب حاجه علي فكرة كلهم ملتزمين دينيا
اللي حصل استهتار واضح جدا وكيد هوا مش قصده ممكن كان فيه ضغط شغل
وبعدين بالنسبه للمعاد انا سلمتها ليه يوم السبت وقالي هتاخدها الاحد اللي بعده بس انا قلتله خليها الجمعه لظروف الدراسه يعني انا غير مقصر صدقني انا عندي حجات كتير والله بس انا مش بتكلم الا لما بيكون عندي دليل كتابي منه (الحوار اللي دار بيني وبينه)
واخر سؤال اتمني ترد عليه..
فرضا ان سيادتك رحت شركه بي ام المحترمه وقلتله انا عايز الفئه السابعه لو سمحتهم بس عايز فيها طلبان خاصه زي وزي وزي علشان هولع فيها في الشارع
هل تعتقد ان بي ام هتسلمه العربيه فيها عيوب تقفيل مثلا؟؟
هتيهاله ناقصه باعتبار انه هيولع فيها؟؟
هتديهاله علي الصاج علشان حرام تترش وتتحرق؟؟
الخ الخ
دا مثال بسيط واتمني حضرتك تكون فهمتني
اما بخصوص انا عايز ايه بالضبط انا كنت عايز اصلحها عندهم في بدايه الامر ولكن ميكدبش ولا يطلعني كداب بس اسلوبه منعني اني اروح عندهم تاني
واخيرا احب افكرك بحاجه حضرتك عندك جينز كار لفرش السيارات في عضو اشتكي بخصوص ان فيه عامل اقنعه انه يعمل حاجه وطلعت وحشه
هل حضرتك شفت جينز كار قال لا انت اللي اقتنعت واخدت القرار وانا غير مسؤول ولا رحبوا بيه ومحدش انكر اي حاجه
اتمني تكون عرفت الفرق؟
انا مجرد شخص هاوي للسيارات حبيت انقل تجربتي مش اكتر
حضرتك هوا اقر بالمشاكل دي بعد 3 معاينات
مش من اول مرة بالدليل حضرتك لو قريت او كام بوست برده مصمم علي الانكار
والله لو اعترف اول مرة بالمشاكل دي كانت هتكون نقطه لصالحه مش لصالحي وهتكون دعايه كويسه انه مركز محترم ويعالج اخطائه
مش كل مااقول كلمه يقولي شغل قديم واحنا بنعمل عربيات بقالنا 40 سنه
في حقوق بتبقي ماديه وفي حقوق بتبقي معنويه (انا لا اخدت دا ولا دا)
بس انا بستعوض ربنا ممكن تكون حاجه خير ليا وانا مش عارف
ومتشكر جدا لحضرتك
طالما حبيت تنقل تجربك مش اكتر يبقى انت مشكور يا سيدى على ده و انا الموضوع ده خلاص اتقفل من ناحيتى علشان دماغى فيها حاجات كتير جداااا
انا لما لقيت الموضوع انا وقفت معاك لو كنت قريت الموضوع من الاول
بس لما صاحب المركز قال انه كان مستعد لاصلاح كل ما تلف فى العريبه انا وقفت معاه
لان الراجل كده عداه العيب
طالما انت حبيت تنقل تجربتك يبقى مشكور يا معلم على ده
و بكده انا الموضوع اتقفل من ناحيتى
السلام عليكم ،، أنا عضو هنا زميلكم في المنتدى ،، و كمان محمد يبقى زميلي في الكلية !!!
أنا مش عارف أقولكم ،، قد أيه العربية كانت تحرق الدم !!!
أنا معرفتش أقراء كل الكومنتات و الردود على الموضوع !!
أنا شفت العربية بنفسي !!!!!! و حاجة تحرق الدم فعلاً !! لكن لكي لا أطيل عليكم ،، حرد في أيجاز في النقاط التالية
1-رداً على حكاية ان محمد كان مستعجل !!!!
الواد كان عنده امتحانات ،،وسااافر من الأسكندرية للقاهرة مخصوص للمركز ده !! و الراجل قاله "8 أيام و تكون جاهزة" !! رد محمد قاله مش حقدر أنزل قبل أسبوعينلظروف الأمتحانات !! ...
بالتالي..العربية قعدت أسبوعين !!!
ممكن حد يقولي ،، أستعجال أيه الي في أسبوعين ؟؟؟؟ يعني عربية قاعدة بتتدهن بسسس أسبوعين يا جدعااان !! أيه الأستعجال في الموضوع بقااااا ؟؟؟؟
لأما أنت مخلصتش قبل أسبوعين .. يبقى بررلي أزاي كنا مستعجلين ؟؟
2-فينيش رديء رديييء رديييييء !!
زي منتو شايفين كده !!! الفيلر باين !!
ده غير الكبود لو أتفتح !! حتلاقو هبو البوية داخل على المكنة و على حوض الموتور !!!!!
و هبو البوية باين على الجلد بتاع الزجاج الي بيحاوط الزجاج !!!
"ده ايه الفينيش العجيب ده ؟؟؟؟؟؟ و ده دخله أيه بالأستعجال ؟؟؟؟" !!!
3-العربية فيها عالي وواطي ؟؟؟ مش فاهم أزاي ؟؟ يعني تحس أنها محشية معجون من حتت اه و حتت لا !!!!
و معرجة كده ،، مش كلها مياه واحدة ولا سطح واحد !!
4-علامة التويوتا كرولا في شنطة العربية ملزوقة بأمير !!! و الأمير نازل من تحتها كده و منظرها بشعععععععععععععععععع ... ولا كأنها مركبها لتوكتوك !! و مايلة كده و مش محطوطة صح !!!!! حاجة كرب بصراحة !!!
يعني بمعنى أصح ،، فينيشات عجيبة !! معرفش بقا ،، هوا أستقل بيه علشان مش من القاهرة ،،ولا علشان شاب و راحله و سابلة العربية و سافر ؟؟؟ معرش ،، بس بأمانة ،، الشغل لا يرضي الله !! و مش معمول بامانة !!
وللعلم ،، الموقع الثاني عمل مقايسة ،، و ودانا لراجل معين نعمل عنده المقايسة و طلع بلاوي في الشغل و كله تم أثباته في المقايسة الي اتعملت !! و بجد أكثر من صنايعي يشوف العربية يطلعلنا منها عيوب لوحده ،، غير العيوب الي ممكن يطلعها اي حد عادي بيركب عربيات و بس !!
رداً بردوا على كام رد قريتهم عن اان محمد مكنش المفروض يستلم العربية كده !!
"يا أخي في الله !! شوف أنت و أحكم !! لما أكون واحد جاي من الأسكندرية من سكة سفر طويلة و جاي مهدوووود و مش شايف قدامه !!و شاف العربية !! و شاف فيها شويت حاجات لما يكلم الراجل فيها ،، يترد عليه بأسلوب وحش و يتقاله لالا دي عادي و دي مش عارف أيه !!
الراجل أخد عربيته و قال الحمد لله وروح بالعافية الأسكندرية تاني ،، و هناك لما أستريح و هكذا بانت العيوب !! ده السبب الي خلاه مخدش باله من أي حاجة في العربية !!
صاحب المركز يستاهل اكتر من كدا
اولا حضرتك كان بيقولك انت في كذا تقول لا دا لما كان بيستلم العربيه
يعني حضرتك شايف ان الشغل زباله وبتقول لا في البدايه
وصاحب الموضوع راجل محترم انه اخد عربيته ومشي وهو ساكت
لو حضرتك بتتكلم وبتقول هو بيستعجلني ساعت لما كان بيستلم العربيه كنت قولت حضرتك استعجلتني
وبعدين حضرتك بتعترف بالخطأ بعدها بشهرين اعملك الي انت عايزه وبتحسسني انك بتجبي عليه ..........
وبعدين الراجل مشكور انه خلاص هيعمل عربيته بس نصيحه من اخ صغير ليك مفيش صنيعي هيخاف علي عربيتك قدك
انا صحبي ساب عربيته للسروجي يعمل الكراسي جلد وكانت العربيه لسه جديده
اخد العربيه يلف بيها خبط واحده نزله من سرفيس والعربيه اتبهدلت اعلي بهدله
ده حضرتك متعرفش كمان ما وراء الكواليس ؟؟
صاحب الورشة مكنش معترف بخطأه أطلاقاً في البداية !! و بيقول ان العربية جايلاه عاملة حوادث قبل كده !! و هكذا !!و لولا المعاينة و المقايسة ،، مكنش أعترف بخطأه خالص
على العموم ،، أحنا بنعامل ربنا !! و مش عايزين حاجة غير نشر الحقيقة للناس !! بس بامانة ،، انا مش ححكم على عربية الراجل ده على أساس أنه صاحبي و زميلي ،، و على فكرة هوا مش صاحبي أوي ،، هو في قسم و أنا في قسم اتني أصلاً !!! بس نعرف بعض من الكلية أكيد ،، و هوا عارف من زمان أني في نايل موتورز !!
و أنا كنت شفت عربيته قبل كده كتير زمان !!
و بحكم بامانة من منطلق أني واحد من برا لا أعرفه ولا حاجة !! انا لما شفت الشغل ،، أستقرته أوي ،، و بجد كان حكمي على الراجل ده ،، ان اياً كان الي عمله ،، معملهوش بضمير !!!
و فعلاً الغريب في الأمر أنه بيتعامل كانه بيتجبى عليه !! مع أن العيب منه في الشغل !!!!!!!!
السلام عليكم ورحمه الله
استاذ محمد عبد السلام صاحب السيارة استاذني فعلا قبل ماينزل الموضوع
واستاذ اسلام صاحب المركز كلمني لانه شايف ان وقع عليه ضرر من عرض الموضوع
وبخبرتي كرئيس لمجلس الادارة وورد علينا موايه مشابهة كثيرة
وخاصة لملكتي لنشاط تجاري مشابه
شايف ان الطرفين مخطئين وان كان خطأ الطرف الثاني كمركز للدهان اكبر
خاصة مع عامل الخبرة المتوفر
صاحب السيارة غير مقيم بالقاهرة واكيد شرح ده لصاحب المركز
وطلب المركز وقت 8 ايام واخذ اسبوعين وده ضعف الوقت تقريبا يبقي مفيش مجال للاستعجال
كون ان يتم الاتفاق على سعر وشغل معين ويتم تعديله اكيد تم اعادة الاتفاق في السعر
ما يهمنا جميعا جودة الشغل لاني انا شخصيا ماشي بمدء التكلفة تنسي سريعا والجودة تبقي بالذاكرة
ولو جالي عميل عايز يعمل شغل سوقي برفض لان في النهاية هايتقال ان ده مستوي شغل ورشة فلان
ومحدش هايسئل اتدفع فيه كام
ومن المعروف ان لو انت عايز جودة لازم تدفع
المشكلة الرئيسية زي مانا شايف ان في خطائين من صاحب المركز الاول عيوب في الرش ودي واضحة في الصور وعيوب في التفنيش وده خطأ اعذرني غير مبرر لاني لازم ادي نفسي يوم كامل تنفنيش وتنظيف وتلميع للسيارة قبل التسليم
والخطأ على صاحب السيارة قبوله استلام السيارة ولو بعيوب بسيطة دون توضيحها للمركز وابسطها العلامة
وكونه من سفر لمحافظة تانية منعه الرجوع
وكمان شهاد العضو سمسم نبوي بوجود عيوب بالسيارة فعلا
الوضع حاليا لا بد من مراضاة صاحب السيارة يا استاذ اسلام
ولا بد من قبول التراضي يا استاذ محمد
فالخطأ وارد مننا كبشر فلسنا ملائكة
والاهم ان استاذ اسلام يعرف ان فيه خطأ من طرفه ويجب رده
طيب حسب ما فهمت من كلام محمد انه بدء يعمل العربية برة في مركز تاني في اسكندرية
وطبعا من المعروف ان اي خطأ في صنعة تتاعد تاني
وكمان عرفت ان محمد ودي العربية اكتر من مركز وطلع في اخطاء مهنية فعلا
وعرفت ان العربية اتعملت ب 2500 جنيه
يبقي استاذ اسلام يرد لمحمد نصف المبلغ وهو 1250
والباقي يتحمله محمد
وان اصبت فمن الله ومن اخطأت فمن نفسي ومن الشيطان
تحياتي
كريم منير
عاش يا أستاذ كريم ،، والله "المختصر المفيد"
بصراحه شايف ان حكم استاذ كريم كويس جدا
وان شاء الله يكون خير للطرفين كل واحد يتعلم منه
ودي اخر فرصه عشان حضرتك تصلح بيها صورة المركز بتاعك
استاذ كريم بجد .. جزاك الله كل خير انك قدرت تقطع من وقتك وتتابع المشكلة
فى وقت انت ربنا العالم بيك الحقيقة ... وربنا يطمنك على والدك ووالدتك
.......................
وحلك للمشكلة من وجه نظرى منصف جدا لكلا الطرفين
تحياتى
انا مش متابع الموضوع كله بس الخلاصه ان المركز المفروض يحافظ علي سمعته
يعني لما الزبون يطلب شغل سوقي يقوله انا اسف هنا مكان محتروم وليه سمعته (ده لوهو كان كده انما لوعاوز يعمل سبوبه وخلاص ومابمشيش اي زبون ده بيقي ماحدش يلوم ه المركز لان ده زي ميكانيكي الطريق السريع بيظبط لغايه ماتوصل للراجل بتاعك)
وكون صاحب المركز (اللي كده انا عرفته ومستحيل اروحله انا او اي حد من صحابي) بعرض الاصلاح يبقي غلطان اكيد
مافيش صتايعي يدفع من حيبه الا اذا كان غلطان غلط فظيع
مافتكرش ان بقى فيه مجال لتصليح صورة المركز ! ! انا واحد من الناس "واعتقد اي واحد قرا الموضوع هيبقى " المركز ده اتعلم عليه بالنسبة ليه
اذا كان صاحب المركز نفسه مش خايف على صورة مركزه وسمعته يبقى هتتصلح ازاي ؟ ؟ يا سيدي الفاضل صاحب المركز لو كان خايف على صورته وسمعته ماكنش هيقبل ان عربية تطلع من عنده بالشكل ده ابدا ! صاحب الموضوع بيقول ان صاحب المركز ماكنش معترف بالاخطاء من الاساس وكان بيقول العربية كدة كويسة
وكلمة احب اقولها لصاحب المركز
مش حلو ابدا انك تبرر الاخطاء الواردة في الشغل وتعلقها على شماعة ان العميل مستعجل ! !
يا سيدي الفاضل مافيش حاجة اسمها العميل مستعجل عشان كدة انا كروت الشغل بالله عليك ده كلام ؟ ؟ اتقي الله في شغلك وراعي ربنا في الشغل اللى بيخرج من تحت ايدك عشان ربنا مش عشان اي حاجة تانية
يا سيدي الفاضل المفروض انت يكون ليك مدة معينة هتخلص فيها شغلك لو العميل طالب يستلم قبلها انت بترفض وبتقوله ماينفعش ! مش تكروتله الشغل وترجع تقول هو اللى مستعجل ! !
وبالنسبة لخطأ العميل في انه استلم العربية بالشكل ده
الراجل بيقول انه مش من القاهرة + ان صاحب المركز ماكنش معترف بالاخطاء الموجودة يبقى العميل هيعمل ايه ؟ ؟ هيستلم وامره لله ماهو مش معقول هيروح مواصلات ويرجعله تاني بعد يومين عشان يكون صلح اخطاء هو مش معترف بيها ! !
انقل تجربتي اليكم المشابهه حيث حدث معى مثل ما تم من انني كنت اتعامل مع واحد بتاع دوكو كمخلصاتي (ياخد العربية ان فيها شغل ميكانيكا او كهربا و يعمل الشغل بمعرفته و يرجعها لي واحاسبه) فلما جيت عاوز اعمل دوكو للعربية قولت ده اكيد هتطلع من تحت ايده ولا احسن ف خد العربية سمكرة بمعرفته والدوكو بتاعه ورجعت بايظه عالي وواطي و تسييل و ظهر عيب خلا البويه تكرمش ومش تتشاف الا فى النور وانا استلمتها بليل منه فلما حصل الى حصل وعملت معاه مشكله خدها وقال انه هيرشها تاني و اللى حصل انه خدها سحقها و رشها على كده من غير ما يزود فى البويه فتشوف اللون دلوقت واللون من قبل نتيجه طبعا لا ترضي
فمن ساعتها وانا الصنايعي اللى يبوظ لي حاجه مش ياخد فرصه تانيه
فمن كده اتعلمت الدرس صح وكان ب 2500 برضه
كل اللي اقدر اقوله جزاكم الله خيراً
والله انا مكنتش متوقع حد يكون في صفي نهائي بس سبحان الله
بس عندي كذا نقطه احب اوضحها:
انا كهاوي سيارات وبحب السيارات جدا وبحب شغلي يكون مزبوط
يعني ببساطه انا ممكن قبل ماروحله كنت سألت عمي او خالي او والدي عن بوهيجي او سمكري كويس بس علشان انا بدور علي جوده وشغل نضيف وهروبا من لف ودوران الصنايعيه قلت اروح المركز واريح دماغي
انا وربي متابع المركز من سنه وحطه عندي في المفضله وكل شويه والدي يقولي روح اعمل العربيه اقوله حاضر هعملها بس في القاهرة والله كان بيتريق عليا
لما بعت ليه لينك الاعلان بتاعه انبسط جدا قالي روح اتكل علي الله (انا والدي في السعوديه)
اكيد صعب جدا جدا اني اقوله كروت الله يخليك مش معقوله اني استعجله
مش معقوله يقولي دي هتحتاج سمكرة واقوله لا رش بس طب ازاي ارش من غير سمكرة طب هرش ليه؟؟
وبعدين انا مش بفهم في الشغل بتاعهم بيقولي هتكلف كذا بقول ماشي مش معنا كدا ابقي مغفل ويضحك عليا
انا براعي ربنا والله وعارف اوي ان قطع الاعناق ولا قطع الارزاق
واقسم بالله انا وقت المعانيه تم فحص السيارة بالكامل ولما لقينا هبو بويه في الريداتير قالي بص دا عامل ايه قلتله دي مش منه دي غلطة واحد قبله انا لو نيتي وحشه او بتبلي علي حد كنت لبسته كل حاجه
وبعدين اللي بيقولي مكنتش تستلم العربيه اذا كان اي حاجه غير مريحة للعين يعني طالع ونازل اقسم بربي كان بيقولي كومباوند!!!
للاسف انا مش هحكي كتير في تفاصيل استلام العربيه لاني مخنوق منها بجد
وبعدين فرضا اني فعلا بتبلي عليه المفروض اي مركز محترم في الدنيا يقولي فعلا وارد ان يكون في خطأ واتفضل شرفنا فورا ولا انا غلطان حتي لو كان اللي يرضيني انه يكسر العربيه!!
وبعدين حضراتكم اكيد شفتوا اسلوبه في الكلام عامل ازاي؟؟ حد يقدر يروح يعمل شغل عنده؟؟
اي تعويض هيدفعه دا حقي اصلا بس مش انا اللي احكم بيه ولو مش عايز يدفع هوا حر بس دين في الاول وفي الاخر
انا علي فكرة لسا داخل البيت واستلمت العربيه وعملت الحجات اللي باينه اوي فقط وان شاء الله في اخر السنه هكمل لظروف الدراسه وهحط الصور وانا برش من الاول وجديد مش برقع!!
انا لسا سائل البوهيجي يعني ايه مرمات بويه لاني مكنتش عارف وانكسفت اسئل هنا بس مش هقول غير حسبي الله ونعم والوكيل
واقسم بالله انا معايا كل الحوار اللي دار بيني وبينه علي الفيس بوك ومصور من الشاشه عندي وانا كنت بقوله انا راشش ايه قبل كدا ؟؟
ومتشكر جدا علي كل الناس اللي ردوا في غيابي ودافعوا عن الحق رغم انهم لا علاقه لهم بالموضوع
تصدق فعلا تاريخك بيشهد 40 سنه خبرة فعلا (فيلر زي الفل)
فعلا ليك سمعه زي الفل لا دي فعلا
والغريبه انه بيقول انه مكنش راضي عن العربيه ولا اللي انا بعمله؟؟؟ انت اسطورة
واللي يضحكني انه بيقول اني كنت مبسوط لا فعلا كنت مبسوط شغل زباله ومبسوط؟؟
احب اقول ان لما اخدت العربيه وكلمتك وقلت القزار مش شغال ابوك قفل السكه في وشي؟؟
للاسف انا مضطر محكيش كتير في تفاصيل مش هقدر اثبتها
بس الراجل دا بصرف النظر عن الرش دا خربلي الحساسات والعلامات والشفه النيكل بتاعت العربيه والفرش من جوا مكان المسامير
وفعلا تصدقو غريبه اوي ان الواحد عايز يكون حاجه شكلها حلو بس مش جوده؟؟؟ يعني مثلا اقولك بص ياسلام انا عايز شكل زي الفل بس وربنا اياك تهتم بالجوده
هيا الجوده دي بتتقاس ولا بتبقي من اساسيات الشغل؟؟
لا فكرة بجد وحاجه جديده شكرا اسلام دي معلومه مكنتش اعرفها؟؟!!!!
شغل من النوعيه دي؟؟ رايت توضح لو سمحت ؟؟ تقصد ايه ؟؟
عموما انت شغلك ابسط مايقال عنه انه زبالة اعملك ايه دي اقصي جوده ممكن تقدمها!!
عموما الحمد لله الناس هنا فاهمه اوي وبتفهم في الرش ياريت تتعلم سيادتك تبطل افلام :guitarplay1:
يابني أهدى حيجيلك السكر و الضغط !! خلاص ،، بامانة يا محمد !! لو حد شاف العربية بعد مخلصت !! و الفينيشات !!
أستحالة يصدق كلمة من كلامه !!
لأن الفينيش التمام ملهوش دعوة بأي حاجة
تقبل رأيي تستعوض ربنا وبما انك شغال فى انك بتصلح الشغل اللى حصل من المركز عند حد تاني وعلي حسابك برضه لان مفيش حد او صنايعي بيرجع فلوس لزبون
و احتسب عند ربنا انك كنت السبب فى ان كل واحد هيخلي باله لما يجي يشتغل مع اي صنايعي او مع المركز ده
و الاخطاء اللى وقعت فيها بقت معروفه للاعضاء و اعتقد انها هتكون مرجع لكل واحد حابب يجدد عربيته
عارف انا هحكيلك موقف صغير كده حصلي
واحدة زميلتي في الجامعة عربيتها الرفرف اتخبط
روحت سمكرتة وبقي تمام مع العلم العربيه كانت زيرو بقالها اسبوعين بس :)
وجينا بقي لمرحلة الرش وكان كل همي بويه خامة نضيفة واللون مايفرقش
طبعا معروف ان الرفرف بياخد مصنعية من 150 الي 250 بالكتير (الكلام ده من 4 سنين)
المهم انا اخترت صنايعي نضيف جدا جدا جدا جدا جدا (بالتجربة في البيجو بتاعتنا)
بس كان ليا اتفاق معاه اللون لو طلع مش مظبوط بمجرد النظر مش هديلة بقيت فلوسة
قالي امين
هتاخد كام قالي 350 قولتلة موافق بس علي شرطنا
المهم وصله من الفلوس 150 لحد ما كان رايح الفرن كلمني قالي عايز فلوس
قولتلة أسف خلص شغلك وخد فلوسك قالي مش عارف ايه والفرن عايز فلوس
قولتلة روح الفرن رش وانا هاجي استلم وادفعلك الباقي
قالي ماشي
كان يوم سبت وكلمني الساعة 12 بليل تعالي استلم
من اول نظرة واللون فارق بس اللي يدقق يعني اللي بيفهم هيشوف الفرق
قولتلة اللون فارق قالي لأ دا علشان الدنيا ليل قولتلة خلاص استلمها منك الصبح
قالي بكرة الحد وانا اجازة قولتلة ولا يهمك استلم بعد بكرة
المهم صمم اني استلم قولتلة ماشي بس مش هتاخد بقيت الفلوس
المهم يوم الاتنين الصبح فضل يقاوح ان اللون مش فارق قولتلة طيب تعالي معايا هنروح لأي صنايعي حوالينا ولو قال اللون فارق يبقي هو الفيصل
قالي خلاص ولو قالط فارق انا هعملها علي حسابي تاني
قولتلة نشوف الحوار ده بعد مانشوف القرار
روحنا ل 3 صنايعيه وكلهم قالوا فارق
راح قايلي خلاص هعملهولك تاني
قولتلة أسف انت لو صنايعي صح كنت عملت شغلك مظبوط من الأول
ومشيت من غير ما اديلة بقي فلوسة
وروحت انا اشتريت الدوكو وروحت فرن خليت الصنايعي سحق ورش اللون اللي جبتة وطلع اللون مافيش فرق نهااااااااائي
يعني من الأخر متديش صنايعي حقة كامل
والصنايعي لما يغلط غلطة استحالة يطلع شغل مظبوط تاني :) (إلا لا تكون غلطات مالوش ذنب فيها)
والله مش هقدر اقول غير ماشاء الله عليك
بص صدقني انا نفسي اعمل زيك بس انا من النوع اللي بحرج اوي مش هعرف اتعامل معاهم علشان كدا قلت اروح للمركز يبقي كله طقم كويس في بعضه بس اخدت مقلب تمام
وبعدين اقولك علي نكته والد اسلام مسئول المركز لما الشفه النيكل اللي عليها علامه تويوتا لما جم يفكوها بوظوها من الاحرف مكان المفكات تخيل لما قلتلهم قالو ايه..
قالولي لا ياباشا دي فابريكه لو جبت اي تويوتا كرولا هتلاقيها كدا !!!؟؟؟؟ بالله عليك تعمل ايه والله العظيم انا كنت حاسس اني بحلم
بس اقولك علي حاجه الواحد يقول في الاخر الحمد لله
ونورت والله