الموضوع: تجربة سيئة مع مركز المصريين لتجديد السيارات

اهم حاجه فالشغل التشطيب النهائي......انا شايف انه وحش ....كفايه المنطقه عند كورولا دي

المشاركة الأصلية كتبت بواسطة lord2012

اولاً نعترف بوقوع العديد من الاخطاء فى (فينش) العربيه بسبب استعجال صاحب العربيه واصراره على استلامها ساعة ادان صلاة الجمعة
وزعلان من ساعتها وواخد الموضوع بشكل شخصى وعايز يضرنا باى شكل وفى كل حته

لكن بعد ذلك رديت عليه فى موقع موقع اننا على استعداد باستكمال الفينش او عمل اى اصلاحات لحين رضائه بالكامل ووافقت على اى شىء تقضى بيه ادارة المنتدى هناك

وموافق اعمل اى شغل يحكم بيه الناس لكن هو مش عايز غير انه يشوه صورتنا فى كل مكان الله اعلم ليه ؟؟؟

ثانياً العضو بيتكلم كان العربيه كانت زيرو وهى كانت مرشوشة اكتر من مرة وهو بنفسة اللى طلب انه يرشها بالكامل ويرش السقف اسود وطبعا مفهوم ان عمر ما العربيه هترجع زى الفابريكا تانى حتى لو اتعملت فى التوكيل

ثالثاً زى ما استاذ كريم عارف وهو زى ما عرفت صاحب ورشة دهان وسمكرة فى الحرفيين برضو ان الشغل بيبقى حسب الاتفاق وحسب الميزانية مينفعش نتحاسب على مرمات وبعدين تطالبنى مستوى شغل يتطلب ان العربيه تتسحق على لاصاج وتتعمل سمكرة ودوكو
اللى اتفقنا عليه كان دوكو بس وبداء بقطع ومرمات بسيطة وقعد يزود طلبات لحد ما وصلنا لرش العربيه والسقف

فيارت يا استاذ كريم تحكم بما يرضى الله وبناء على فهمك وخبرتك فى السمكرة والدوكو وياريت تنصحنى لو ده زبون عندك كنت انت نفسك عملت معاه ايه

معلش اصل الحتة دى مش داخلة دماغى
يعنى حضرتك لما جالك قولتلوا ان الشغل بتاعك هيبقى مش زى الفبريقة
ده مفيش صنايعى فى مصر الا ويقول هعملهالك احسن من الفلبريقة يا باشا, و مش هيبان انها مرشوشة
ولا ايه؟!!!!!!!!

المشاركة الأصلية كتبت بواسطة lord2012

حضرتك مع احترامى الكامل ليك بترد كانك عاينت العربيه وده اعتقد محصلش ولو حصل تصححلى علشان افهم بتتكلم عن ايه بالظبط

لكن عموماً بوضح ان اى تسييل وارد لما عربيه تترش على مرامات وشغل قديم وحلها فى الفينش انها تتسنفر وده بياخد ساعات مش فى ساعتها وكان افضل ان الاستاذ يسيب العربيه تخلص ولو مش عاجبة حاجة ميستلمهاش ده المنطق الطبيعى لكن يستلم العربيه بحجة انه مستعجل ويشكر ويمدح فى الشغل وبعدين يشتكى وميرضاش يجى يصلح العيب وبعدين يشهر بينا فى كل موقع ومكان ده تدرج تصرفات مش طبيعى ولا حضرتك ايه رايك ؟

فى صور فوق واضحة زى الشمس مش محتاجة معاينة .. كفاية اللى موجود فى الصورتين دول

المشاركة الأصلية كتبت بواسطة lord2012

معلش ايه حكاية 3 بويه ديه هو حضرتك وزنت البوية ازاى ؟؟

وحضرتك جبت منين ان الاتفاق كان بالكيلو !!! هو فيه اتفاق بالكيلو

الاتفاق كان على مرمات اجزاء وصلت لرش العربيه بالكامل والسقف اسود وبالبلدى عملنا اللى هو عايزة بعد ما نصحته يخليه مركب استيكر على السقف حفاظاً على العربيه بس ده واحد مش فارقة معاه اصلاً غير السعر والسرعة

وفى المقابل فيه زبون بيحدد هو عايز ايه من الاول وبيحدد انه عايز جودة شغل قبل اى حاجة لكن هو كان طالب بوية اللى بتخلى الشكل زى القزاز منظر مش جودة وسمكرة ودوكو بالاصول وديه برضو غلطة احنا مسئولين عنها وبعد كده مش هنقبل شغل من النوعية ديه تانى وفى نفس الوقت ملتزمين باستكمال الشغل احتراماً لانفسنا ولتاريخنا اللى يشهد على مر سنين برضاء زباينا وعملائنا ومستوى شغلنا

دة كلام الراجل صاحب الموضوع ( العربيه اقسم بالله مليانه تسييل في كل حته ولما جيت اوريهاله قالي اصل العربيه واخده 3 كيلو الا ربع طب وانا مالي )
هو انا جايب كلام من عندى يا لورد .. ومافيش طبعا اتفاق بالكيلو بس دة كلام حضرتك مش كلام حد تانى
بصراحة وماتزعلش منى كلام حضرتك غير منطقى بالمرة زى صاحب المشكلة .. هو فى عميل بيبقى مش طالب جودة .. يعنى هل فى عميل يبقى عايز شغل وحش ؟؟
اومال الراجل جايب بوية المانى ليه ؟؟؟؟ كان جاب بوية مصرى بقى وخلاص
فاضل بقى الجودة على اللى بيرش لان انا كلامى على التسييل على الشنطة + الفيلر اللى ظاهر وماترشش + النقط السودة + الفينش اللى مكملش
.................................................. ....
خلى بالك انا مش متحامل عليك والله .. واضح ان فيه خطأ من صاحب الموضوع وخطأ فى الشغل
بس انا ما قدرش الوم صاحب الموضوع لانه واضح ان خبرته فى الموضوع مش كويسة وهو مش مطلوب منه ان خبرته تكون قوية فى حاجة مش شغلته
وبالتالى انا بلومك انت لانك انت هنا صاحب الخبرة واللى المفروض تقوله
- لو عملنا كذا حتسيل .. لو عملنا كذا مش حتبقى كويسة .. وعشان تكون كويسة لازم نعمل كذا وحتتكلف اد كدة
وبالتالى هو يقرر ويعمل تصور للعربية قبل ما تخلص

المشاركة الأصلية كتبت بواسطة lord2012

يا استاذ يا اللى بتقول الشكل وحش العربيه كانت مرشوشة قبل كده بره قبل ما يجيلنا ومتعملتش سمكرة يادوب مرمات حسب طلبة ورش السقف ولو كانت وحشة للدرجة ديه مكانش استلمها واحنا اصلا مكناش راضيين عن العربيه ولا اللى هو بيعمله فيها بس هو اللى كان مصمم ومستعجل ومش واضح فى طلباتة

يا لورد انت زهقت منى ومش طايقنى ... بس بزمتك انا المفروض اقول ان دة شغل حلو ؟؟؟
..................................................
انت بنفسك قولت انك عندك اخطاء وبتعرض عليه انك تصلحاله ... واوعى تتنازل عن عرضك انك تصلح الاجزاء اللى فيها عيوب
عارف ساعتها ولا يهمك تشهيير ولا دياولو لان الارزاق دى بيد الله هو وحده اللى بيحدد رزقك
وفى نفس الوقت انت سعيت فى اصلاح اخطائك
كون بقى صاحب الموضوع مش عايز يصلح فا دى هو حر لان كل واحد ليه وجه نظر

المشاركة الأصلية كتبت بواسطة lord2012

على فكرة كمان هو خبط العربيه بعد ما اخدها هو ده كمان احنا مسئولين عنه ؟؟؟

انت مراقبه يا لورد ولا ايه ... الموضوع يتحل ببساطة انك تصلح المرمات زى ما انت قولت تتصنفر وتتعمل
والاجزاء اللى فيها فيلر تتسرق كدة وانت ايدك تتلف فى حرير وتعملها بصبعك الصغير
الجزء بتاع الشنطة انت ادرى يتعمل ازاى .. النقط السودة تتلقط بقطنة وتتدارى ويا دار ما دخلك شر
معرفش بقى التسييل دة طريقته ايه انت ادرى لكن دى اخر حاجة يتبصلها
..............................
لو هو مش عايز يبقى هو حر وتاكد انك طالما سعيت للخير ربنا حيردلك الخير بالخير مهما كان فيه تشهيير وكلام من دة
..................................
وانتظر الرد الفيصل من اصحاب الخبرة مثل الاستاذ كريم

يا جماعة لو فى حد اتعامل مع المركز ده يفتينا فى الموضوع ده اذا كان شغل الراجل ده كويس ولا معظم العربيات اللى بتتشطب عنده معكوكه زى الصور ماهى مبينه كده علشان نعرف نحكم على صاحب المركز ولا صاحب العربية...مهو اكيد واحد فيهم غلطان.
كمان الاخ الكريم صاحب العربية يتفضل يشاركنا ويقول هو فعلا كان الاتفاق مرمات ورش بس ولا كل حاجة
كمان الاخ العزيز صاحب المركز ملوش دعوة بإقتناعة بأى شغل فى العربية لازم يكون مقتنع بشىء واحد وهو رؤية ومزاج الزبون وانه ينهى الشغل فيها بالطريقة اللى هو عايزها-الزبون-بالظبط
العربية فيها غلطات واضحة بصراحة زى تسييل و فيلر ولون نقط اسود ومش عارف ازاى هتدارى الحاجات دى فى الفينش
صاحب العربية لازم يروح المركز تانى-ايوه تانى- بناء على دعوة السيد صاحب المركز ويسيب العربية وياخدها متظبطه ان شاء الله

دى وجه نظرى فى الموضوع يا جماعة

قبل اى حاجه الصور موضحه كل حاجه فى العريبه و البويه زى الزفت
اولا هتكلم عن صاحب العربيه
المفروض مكنتش تستلم منه العربيه بلمنظر ده حتى لو كان وراك ايه و مستعجل قد ايه
تانى حاجه على قد لحافك مد رجليك يعنى مثلا مش تدفع 500 جنيه و عايز ترش العريبه كلها فابريكه زى ما كانت
تالت حاجه مفيش حاجه اسمها تسييل ده بيبقى عادى انه يظهر على اى عربيه مرشوشه و كمان لو العربيه كانت مرشوشه قبل كده و المفروض ده كان يتسنفر و ده راجع لاستعجالك .
بلنسبه لصاحب المركز
مع احترامى و تقديرى ليك طبعا
البويه زى الزفت لو معموله تحت السلم هتطلع احسن من كده
تانى حاجه كان ممكن ترفض الشغل ده طالما انت سمعتك و تاريخك معروفين
انا مثلا رحت رشيت العربيه نوعها هوندا بريليود و انت عارف الهوندا شغلها ممل ازاى عند واحد عادى جداااااا و لا مركز ولا بتاع قلتله عايز اعمل كده كده كده
قالى لاء ده اسمه شغل عك قلتله طب العربيه عندك اهى و عيش حياتك قولى على معاد التسليم و انا هاجى
انا هستلم العربيه من وشك يعنى لو فيها رعشه او تسييله هسيبك و امشى قالى و انا موافق
زى ما تقول كده الراجل دخل تحدى مع العربيه قعدت عنده اسبوعين بلعدد و اتصل بيا قالى تعالى استلم قلتله لاء انا هاجى بكره فى النور استلم
رحتله تانى يوم انبهرت بلبويه اللى كانت على العريبه و كان معايا 2 صحابى نجيب العربيه يمين شمال مفيش حاجه
النتيجه السوكه مظبوطه مفيش رعشه مفيش تسييله الفينش مظبوط على الاخر
البويا اهى مرشوشه بعد سنتين لو جيت اتفرجت عليها دلوقتى اكنها مرشوشه الاسبوع اللى فات ماشاء الله
فى تكحيتات فى الباب و مش راضى اعملها علشان حلاوه البويه اللى على العريبه
وللعلم الميزانيه كانت 1500 جنيه
خلاصه الكلام انت المفروض متستلمش شغل زى ده على تاريخك و الفينش يبقى مظبوط
يعنى ياراجل انت شايف ان دى كورولا يعنى لو مطلعتش 10 على 10 يبقى مطلعهاش من عندى
انا بكلمك بكل حياديه و نزاهه
انت غلطان فى الشغل ده
انا لو دى عربيتى انا كنت عملتلك مجنون فى الورشه

المشاركة الأصلية كتبت بواسطة amdd

يا جماعة لو فى حد اتعامل مع المركز ده يفتينا فى الموضوع ده اذا كان شغل الراجل ده كويس ولا معظم العربيات اللى بتتشطب عنده معكوكه زى الصور ماهى مبينه كده علشان نعرف نحكم على صاحب المركز ولا صاحب العربية...مهو اكيد واحد فيهم غلطان.
كمان الاخ الكريم صاحب العربية يتفضل يشاركنا ويقول هو فعلا كان الاتفاق مرمات ورش بس ولا كل حاجة
كمان الاخ العزيز صاحب المركز ملوش دعوة بإقتناعة بأى شغل فى العربية لازم يكون مقتنع بشىء واحد وهو رؤية ومزاج الزبون وانه ينهى الشغل فيها بالطريقة اللى هو عايزها-الزبون-بالظبط
العربية فيها غلطات واضحة بصراحة زى تسييل و فيلر ولون نقط اسود ومش عارف ازاى هتدارى الحاجات دى فى الفينش
صاحب العربية لازم يروح المركز تانى-ايوه تانى- بناء على دعوة السيد صاحب المركز ويسيب العربية وياخدها متظبطه ان شاء الله

دى وجه نظرى فى الموضوع يا جماعة

ده اساسى لازم هيروح تانى

يعنى صاحب الموضوع بندافع عنه والناس كلها جايه على المركز علشان خاطره والراجل صاحب المركز كتر خيره بيحاول يحل الموضوع وبيرد على الناس وبيحاول يثبت حقه-بغض النظر مين الغلطان- وصاحب الموضوع عمل الموضوع وسابه من غير رد ولا حل ...الكلام ده من 10 ايام وسايب الموضوع ...لو معررفش يبرر غيابه عن الرد مكنش عمل الموضوع اصلا
انا اسف للاسلوب ...بس احنا كلنا عايزين نحل ونجيب الحق ومينفعش ندافع عن حد مش عايز يدافع عن نفسه.