السلام عليكم


اولا احب اشكر الادمن / كريم منير علي ترحيبه بيا لعرض الموضوع

قبل مااحب ادخل في الموضوع الاساسي عندي كذا نقطه احب اتكلم عنها منعا للاسئله في النقط دي او اي اتهام

انا كنت عايش في السعوديه وساكن في الاسكندريه والراجل اللي رشيت عنده العربيه او المركز اللي بتكلم عليه في القاهرة والقاهرة دي مش بنزلها الا لو بروح المطار وبس معرفش فيها اي حاجه فلا يوجد بيني وبين صاحب المركز اي مشاكل سابقه ولا هوا يعرفني ولا انا اعرفه لعرض المشكله والتشهير بما حدث دي اول نقطة


كل الحوار اللي دار بيني وبينو علي الفيس بوك كامل معايا بس طبعا انا عيب اني احطه بس لو تتطلب الامر والادارة طلبت مفيش اي مشكله عندي


سبب نقلي للتجربه لان انا وديت ليه العربيه اسبوعين بالضبط ومكنش فيها شغل كتير والصور هتبين وقعد يقنعني اني ارش كذا وكذا علشان اللون ومش عارف ايه المهم قالي الرش طالما نضيف ميعبش العربيه قلت ماشي وانا واثق فيه ثقه عمياء وقالي علشان لما تحب تبيع تعرف تبيع
المهم تم الاتفاق اني ارش فقط حزامين العربيه رفارف والبيان والاكصدامات وطبعا علي حجات صغيرة والله بس انا مش بحب امشي بحاجه فيها اي خبطه

وتم الاتفاق علي بويه الماني

لما روحت البيت في لاسكندريه كلمته تاني علشان يرش ليا السقف اسود بيلمع

بعدها بيوم اتصل بيا قالي احنا لازم نرش الشنطه علشان اللون يبقي مطابق قلت ماشي وانا عندي ثقه اني هاخد شغل غير عادي وطبعا كل البويات الماني

نبهت عليه كذا مرة اني مش بحب اي شغل ومش عايز الاقي كذا وكذا قالي احنا ناس مش بنطلع غير الفابريكا وقلتله مش عايز اي مسامير تركب في اي اكصدام اقسم بالله انا كلمته قلتله لو العربيه فيها شئ اتكسر قولي وانا اجيبها من السعوديه لان والدي كان علي وصول

(احب اقول ايه اللي انا رشيته قبل كدا قبل مااروح للمركز انا رشيت كابوت وبابين شمال ودا كان في الوكاله في السعوديه والاكصدامات رشتها في مصر 3 مرات وفي حته في الباب اليمين تحت الجرده بس اتعملت زي الزفت)


العيوب:-
1- العربيه اقسم بالله ماليانه تسييل في كل حته ولما جيت اوريهاله قالي اصل العربيه واخده 3 كيلو الا ربع طب وانا مالي!!

2- كل باب او اي رفرف في الاخر او الحروف بها مجري بويه (زي مابتجيبت كبايه ميه وتكبها علي طرابيزه والميه توصل اخر الطربيزة عايزة تطلع بس بتتجمع في الاخر) دا اقرب وصف اقدر اوصف بيه

3- الحته اللي في الباب اليمين تحت الجريده كانت عايزة تتعمل علي السخن لانها اتعملت قبل كدا وزي الزفت وكذالك العتب حط عليها معجون ورش علي كدا ولما جيت اقوله قالي دا انعكاس الارض علي الباب وانت متهيالك

4- معجون كتير في الرفرف اليمين جنب الحته اللي قلتله يعيد عليها رقيتها مليانه معجون لدرجه ان المعجون كان شبه سادد المسافه اللي بين الباب والرفرف جيت اقوله قالي دي مش مننا طب ازاي ؟؟؟؟؟؟ دي الصور كلها اللي بعتها ليا واضح اوي مكان المعجون اللي حطوه

5- الكبوت كان مرشوش في السعوديه زي مازكرت فوق مكان البزابيز اللي بطلع مياه علي الازاز كانت قشرت بس انا اتفقت معاه يشيلهم علشان الشغل يطلع مزبوط بس لم يسنفر البويه القديمه وتم الرش عليها طبعا باينه عندي زي الشمس

6- طبعا الدالايات مفكش غير واحده بس وخلي الباقي في مكانه مع العلم اني دافع ثمن الفك والتركيب كامل طبعا مع الوقت البويه هتبتدي تقشر

7- في الاكصدام الامامي في جنب الشمال في نقرة رش عليها عادي جيب بقوله قالي دي خبطه!!! مش عارف اقوله ايه امال انا جاي ارش الاكصدام ليه؟؟

8- في الاكصدام الامامي المكان اللي بيتحط فيه الكلبس مليان معجون مخلي الاكصدام بارز لبرة

9- الاسبويلر قلتله يرشه وتقريبا بعد الرش وقع منهم تقريبا الليدات سابت من مكانها ولقيته محكوك في الاخر

10- المرايات مليانه بواقي رش لو عيل صغير ميرضاش يسبها

11- كذلك جلد القزاز مليان والصور هتبين

12- اختفاء 2 سوكه من العربيه تماما غير ان المعجون اللي حطه خلي كذا سوكه معووجه

13- في اجزاء قال انه ردها علي السخن ولكن رسمها بالمعجون والصور تحت

14- الفانوس الخلفي اليمين مكنش بينور

15- القزاز اليمين الامامي الفيشه بتاعت القزاز متوصلتش

16- غير ان فرش البيبان مكان المفكات باظت غير كدا لما ركب ركب بطريقه همجيه لدرجه اني لما روحت البيت فكيت البيبان وغسلتهم وركبتهم تاني مضبوط والصور هتلاقوني فاكك البيبان

17- علامه تويوتا كورولا لازقها بأمير!!! وكمان مايله والله العظيم حرام انا مش عارف اصور العربيه صورة حلوه بسببها

18- عندي العلامه لتاعت تويوتا بما ان العربيه خليجي فجايه نيكل في نيكل بالشريط بتاعها لما جه يفكها مفكهاش بالمسامير اللي جوا راح ضارب مفك تني حته فيها جيت اقوله قالي كذا فبريكه!!!!

19- الباركنج سينسور شال البويه اللي عليه وخلاه اسود لو حد مكاني ممكن يعمل ايه؟؟ والله انا جايبه من السعوديه من التوكيل بنفس كود اللون والله حرام

20- مكان السنسور البويه القديمه قشرت مسنفرهاش ورش عليها عادي جدا

21- مكان لزق ورق الجرايد داخل البواب والرش باين اثار رش متسنفرتش نهائي نهائي

22- الجديد واللي محدش هيصدقه الفلر باين !!!

23- العتب اليمين كان فيه حته صغيرة قالي اصل انا مردتش افتح واعمل قولتله امال انا قايلك تعمله ليه ماتفتح وزبطها!!

24- الاكصدام الخلفي مليان تموجات قالي اصل لو حطيت معجون وحد ريح عليك الاكصدام هيطرقع برده هوا ماله لما يطرقع هجيله اكيد يعمله تاني!!!

25- السقف فيه نقرتين متعملوش ورش عليهم عادي جدا

للاسف دا اللي قدرت اتذكرة وانا بحاول اكتب الموضوع واللي هيزيد هكتبه في كومينت وطلعا بالصور لو امكن


حبيت انشر الموضوع دا للاسباب الاتيه:-

1- شتمني في السايت اللي جبت منه رقم تليفونه وقال اني بسرقه ونا مش بفهم حاجه في اي حاجه

2- بيقوول ان التسييل شغل قديم وان يكن حتي لو العربيه ولعت مرتين هوا المفروض يشتغل بصراحه كلامه غريب جدا

3- النقرتين اللي في السقف اللي اصلا محتاجين حته معجون بس مش سمكرة قال انا متفق علي تغير اللون من الابيض الي الاسود متفقناش علي سمكرة

4- الهبو اللي علي المرايات قالي شغل قديم وهوا عنده في الصور لو تركزو هتلاقوه معلقهم وراششهم

5- الاسبويلر قال انه مسلمو ليا سليم

والله انا بحاول اجمع الحوار بس اي جديد هضيفوا في كومينت
الصور لاثبات كلامي وهيا بتترش عنده في الكابينه بس طبعا محدش يقولي الشغل حلو لان مش

هيبان حاجه من الصور:-




































دي بقي العيوب التي سبق ذكرها:-













































دا السينسور لما رشيته في البيت لانهم شالو البويه







السقف والقوايم


















































هيتم اضافه المزيد من الصور ان شاء الله لاني حاليا تعبت من التنظيم :) وفي انتظار اي استفسارات

اخر نقطه انا للاسف غير قادر علي عمل اي معاينه اخري غير في الاسكندريه وفي خلال اليومين اللي جايين لان اجازتي هتخلص يوم الجمعه ولازم اعمل الشغل اللي في العربيه لاني مش عارف امشي بيها كده

انا ليا اعضاء هنا اصحابي شافوا العربيه اول اتعملت واثبتوا صحه كلامي وربنا يعلم انا ماكنت عايز اشهر بالموضوع بس انا في حاله نفسيه سيئه الا الان ..