عرض للطباعة
السادة الزملاء, برجاء المساعدة بمكان لضرب بوية بالكمبيوتر بلون السيارة لازالة الخدوش... يعنى انا عايز ربع كيلو بلون السيارة و عايز طريقة بحيث يكون فى صورة اسبراى...
هل فى مكان حد يعرفة يعملى ربع كيلو بلون السيارة فى صورة اسبراى و حد جرب الطريقة دى قبل كدة لازالة الخدوش؟؟ و هل النتيجة مرضية؟؟؟
هو لون عربيتك أيه ... وكمية الخرابيش كتير لأن ممكن تجرب حاجه اسمها كمباوند ده بيشيل الخرابيش الخفيفة ... بس لو كشط في البوية في قلم دوكو بيتباع عند بتوع الكماليات .
ولو خرابيش تقيله وتجاريح تجاريح كتيرة يبقى محتاج ترش .
واي واحد في الحرفيين او جمب اي فرن عربيات اسئلو عن بتاع البوية الي هنا فين هتلاقيه بيضرب البوية على الكمبيوتر برقم الي على القايم .
بس خلي بالك أحياناً بيبقى في أختلاف في الدرجة القديمة والدرجة الجديدة لذلك قولو حطولي سنة اسود عليها . علشان تبقى زي القديمه وتحياتي ...
انت بتاخد البورسة وبتاع الدوكو بيرشها اسبراى
او انت تشترى كمبروسو صغير
او تجيب قلم من المكتبة وتغسله بتنر وتملاه بالبوية اللى جبتها
بس مش هينفع يتعمل فى مكان ظاهر لانه ممكن يبان عن قرب
طيب انا هقول تجربتى كان عندى اجزاء مطقطقه فى دهان السيارة 305 قولت اجرب عندى مسدس رش بالكهرباء كنت جايبة ب 140 جنيه مش بطال قولت اجرب روحت لبتاع البويات وجبت 1\8 كيلو ب 15 جنيه وبصراحة بص على اللون وركبه بالضبط روحت مكسر الحتت المطقطقة وجبت معجون دوكو ومعجنتها بمساعدة اخى وسنفرتها لحد مابقت ناعمة وغطيت حوليها بورق جرايد وزودت الدوكو بتنر سوبر (خد بالك فيه تنر للاكيه وتنر دوكو سوبر )ورشيت النتيجة بالنسبة ليا مرضية جدا لانها اول تجربة واللى يشوفها ميفرقهاش انا بس علشان عارف مكان الرش بميزها وعلى فكره اللون فى الاون بيبقى فارق شوية فى اللمعان بعد كده بيتساوى بس ملحوظة انا جربت فى عربية قديمة ومش هتفرق كتير لو لونها فيه فرق بسيط لكن فى العربيات الحديثة تفرق
متشكر يا باشا على الرد, هى لونها سماوى و فيها كحتات صغيرة فى اماكن متفرقة بتكون مشال منها البوية تماما يعنى مينفعش بولش... كمان الكحت بدون حفر فى الصاج يعنى مش محتاجة سمكرة او معجون, محتاجة تترش بس.اقتباس:
المشاركة الأصلية كتبت بواسطة me_medoo
متشكر يا باشا... تقصد اية بقلم من المكتبة؟؟؟ انت تقصد قلم دوكو من المكتبة صح؟؟ طب القلم ده املاة ازاى بالبويا؟؟اقتباس:
المشاركة الأصلية كتبت بواسطة a.saad
شكرا يا باشا... هو انا لازم ازود البويا بتنر؟؟؟ و فين الاقى مسدس الرش ده؟؟اقتباس:
المشاركة الأصلية كتبت بواسطة aboomar22
ايوه لاوم تزودها تنر علشان تبقى خفيفة وممكن تترش كاسبراى والمسدس ده بيتباع فى محلات العدد والبويات الكبيرة او فى الرويعى او شارع الجمهورية وبيبدا سعره من 60 جنيه وانت طالع وانت بتتحكم فى كمية وقوه الرش من مفتاح معين ومفيد انك ممكن تغسل بية الموتور يعنى تملاه جاز مثلا وتغسل بيه الموتور او ترش بيه جنوط الحديد او اكسدامات وفى البيت ممكن تدهن اى حاجة بس اهم حاجة خلى بالك ان تطلب تنر دوكو لان التنر اللاكيه واسمه تنر عادى بيخلى البويه تمسك وتعمل عجينة كده
قلم دوكو
فضيه من الحبر اللى فيه واغسله بتنر واملاه
الجزء اللى فيه السن بيتفك قلاووظ عادى
متشكر جدا لحضرتكاقتباس:
المشاركة الأصلية كتبت بواسطة aboomar22
متشكر جدا لحضرتكاقتباس:
المشاركة الأصلية كتبت بواسطة a.saad
انت برنس و الله و فاهم جدا و شكلك مجرب حجات كتيييييييييييير اوىاقتباس:
المشاركة الأصلية كتبت بواسطة a.saad
بصراحة أنتا قلبت علي المواجع وفتحت جرحي من جديد ، يأخي اانا عربيتي لونها بترولي ... وكل ما اطلع في حته أو أركن في مكان ألاقي فيها خربوش ...وكل يوم خربوش وكل مكان خربوش بقيت حاسس اني هتشل لدرجة أني متصور انو على أخر السنة هتبقى العربية لونها فضي من كتر الخرابيش الي بشوفها بدل بترولي .