الانترنت مع شركة تى داتا( استشارة )

السلام عليكم إخوانى الكرام والصلاة والسلام على نبى الرحمة
كلنا نعلم أن الانترنت لا غنى عنه وأنا من فترة طويلة مشترك فى سايبر أعداد المشتركين تزداد فيه كل يوم غير البطء والقطع يعنى معاناه فقررت الاشتراك فى شركة تى داتا 512 غير محدد الكمية ومعايا 3 هيشتركوا سرعة التحميل عندى الآن 66 ك ب أعلى حاجة المهم قبل التعاقد مع الشركة هل الوضع بالنسبة لى هيكون أفضل ولا أفضل على اشتراكى فى السايبر ؟
ما خاب من استشار

دى قياس السرعة عندى
سرعة تحميل البيانات: 535 كيلوبت/ثانية (66.9 كيلوبايت/ثانية معدل التنقل)
سرعة رفع البيانات: 145 كيلوبت/ثانية (18.1 كيلوبايت/ثانية معدل التنقل)

هيكون افضل طبعا ولو اشتركت فى 1 ميجا يكون افضل تقريبا ب 140 جنيه وتتفسم عليكم انتم الاربعه

تى اى داتا شركه كان ليا معاها ذكريات اليمه جداا

اقتباس:

---

المشاركة الأصلية كتبت بواسطة smsm_hamada

تى اى داتا شركه كان ليا معاها ذكريات اليمه جداا

---

طيب حضرتك دلوقت تبع شركة أيه وأخبار السرعة أيه ؟

سرعتك الحاليه اللى انت كاتبها معناها انك كانك لوحدك على خط 512 ك ب
طب ازاى هتقلل و تبقى 4 على 512 بردو
هوا الميزة الوحيدة مش هيقطع معاك بس ممكن يكون تقيل معاك اوى لو اى حد فيكو بيشوف فيديو او بينزل حاجة
انتو بتقولو انكو 4 يعنى لو كل واحد 60 جنيه هتشتركوا فى سرعة 2 ميجا وكدة هتبقو زى الفل
تانى حاجة بلاش تى اى داتا
خليك فى فودافون خدمة كويسة بس اسئل عندهم بورتات فاضية فى السنترال اللى انت تابع ليه ولا لأ

اقتباس:

---

المشاركة الأصلية كتبت بواسطة tahaderaz

طيب حضرتك دلوقت تبع شركة أيه وأخبار السرعة أيه ؟

---

مش عارف لو قولت اسم الشركه دى هتبقى دعايه ولا لا
المهم شركه link dsl محترمه جدااااااا والسرعه 1 ميجا
وخدمه العملاء والدعم الفنى اكتر من ممتازة دة لو احتجتهم اساسا
لان النت مابيقعش ولا تقيل وبيعرفو يتعاملو ازاى مع العملاء
تى اى داتا تابعه ( المــــصريــــه للاتصالات )

اقتباس:

---

المشاركة الأصلية كتبت بواسطة Hmatchy

سرعتك الحاليه اللى انت كاتبها معناها انك كانك لوحدك على خط 512 ك ب
طب ازاى هتقلل و تبقى 4 على 512 بردو

---

هو ده اللى مخوفنى إنى أقل عن السرعة اللى أنا عليها ويبقى مخدش غير وجع الدماغ أنا كنت عملت اشتراك على النت فى te data بس لم أتعاقد معهم عملت الاشتراك واتصلوا بى وخدوا رقم البطاقة

اقتباس:

---

المشاركة الأصلية كتبت بواسطة hmatchy

سرعتك الحاليه اللى انت كاتبها معناها انك كانك لوحدك على خط 512 ك ب
طب ازاى هتقلل و تبقى 4 على 512 بردو
هوا الميزة الوحيدة مش هيقطع معاك بس ممكن يكون تقيل معاك اوى لو اى حد فيكو بيشوف فيديو او بينزل حاجة
انتو بتقولو انكو 4 يعنى لو كل واحد 60 جنيه هتشتركوا فى سرعة 2 ميجا وكدة هتبقو زى الفل
تانى حاجة بلاش تى اى داتا
خليك فى فودافون خدمة كويسة بس اسئل عندهم بورتات فاضية فى السنترال اللى انت تابع ليه ولا لأ

---

1+

بالعافية دخل معاك واحد كمان لو علي 512
اما لو هتزود ل 4 يبقي بالميت 1m

وفعلا فودا برقبتهم
او لينك (بس احتمال 99% ماتلقيش للينك بورتات في السنترال)

مع كامل احترامي لتي اي داتا وكل مقدمي الخدمة

والله المستعان
،
،

اقتباس:

---

المشاركة الأصلية كتبت بواسطة tahaderaz

هو ده اللى مخوفنى إنى أقل عن السرعة اللى أنا عليها ويبقى مخدش غير وجع الدماغ أنا كنت عملت اشتراك على النت فى te data بس لم أتعاقد معهم عملت الاشتراك واتصلوا بى وخدوا رقم البطاقة

---

طب اتصل و الغى على طول و خلى السرعة 1 ميجا ب 140 جنيه فودافون او لينك

اوعى تروح tedata انا جربتهم وكانوا سيئين بجد وخدمه عملاء سيئه
عايز نت بجد اتصالات بلا منازع وخدمه عملاء فوق الممتازة وكنت معاهم قبل ما انقل delink لعرض اشتراك سنه تاخد سنه تانيه مجانا
و delink ممتازين وانا معاهم ناو ومرتاح جدا فى سرعه 512 بس عايز اقولك انها يادوبك تكفى الجهازين بتوعى بالعافيه ..انا تبع سنترال شبرا
بس للامانه اتصالات كان اسرع وخدمه عملاء افضل

انا بقالي 3سنين علي تي اي داتا زي الفل اما زي الزميل اللي بيقول فودافون لا ياباشا فودافون محدود خدمة محدودة يعني السرعة الميجا الميتيد داونلود 25 جيجا وبعد كده يخفض السرعة الي 128 كيلو بايت يعني فلوسك راحة في الهوا خليك مع تي اي داتا

اقتباس:

---

المشاركة الأصلية كتبت بواسطة beshomilan

اوعى تروح tedata انا جربتهم وكانوا سيئين بجد وخدمه عملاء سيئه
عايز نت بجد اتصالات بلا منازع وخدمه عملاء فوق الممتازة وكنت معاهم قبل ما انقل delink لعرض اشتراك سنه تاخد سنه تانيه مجانا
و delink ممتازين وانا معاهم ناو ومرتاح جدا فى سرعه 512 بس عايز اقولك انها يادوبك تكفى الجهازين بتوعى بالعافيه ..انا تبع سنترال شبرا
بس للامانه اتصالات كان اسرع وخدمه عملاء افضل

---

بص يا استاذي الراجل قالك \سرعة تي اي داتا علي ال512 في الداونلود بتبقي 66 كيلو بايت ادخل عندك في تي بي لنك هتلاقي نفس السرعة علي الميجا اللي عندك للاسف تي بي لنك بتنصب علي الناس والله تي اي داتا ممتازة بصراحة وبعدين بالنسبة لاتصالات وفودافون بيدوك تحميل الميتيد يعني هنتتوصل حد معين ويخفض السرعة وفودافون عملوا عرض للمشتركين المميزين وعرضوا علي راوتر هدية ةومجموعة برامج وتخفيض 50% لمدة سنة بصراحة وما اخبيش عليك لقيتها فرصة وافقت علطول بس لما الموظفة بتاع خدمة العمكلاء قالتلي الميتيد 25 جيجا ده السرعة 1ميجا قلت لا شكرا مش عاوز

اقتباس:

---

المشاركة الأصلية كتبت بواسطة smsm_hamada

مش عارف لو قولت اسم الشركه دى هتبقى دعايه ولا لا
المهم شركه link dsl محترمه جدااااااا والسرعه 1 ميجا
وخدمه العملاء والدعم الفنى اكتر من ممتازة دة لو احتجتهم اساسا
لان النت مابيقعش ولا تقيل وبيعرفو يتعاملو ازاى مع العملاء
تى اى داتا تابعه ( المــــصريــــه للاتصالات )

---

اكيد بتهزر لينك من اسوا الشركات التى يتعامل معها اى شخص وخدمه العملاء ايضا سيئه جدا
جربتهم فى سنترالين الهرم والمهندسين

1- فودافون 25 GB على 512 و 40 GB على ال 1 ميجا
2- 512 هيبقى el max دونلود بتاعها 64
3- عايز خدمة عملا من tedata اختار اللغة الإنجليزية
4- اللي أعرفه إن ال limit بيبقى على كل الشركات مش فودافون واتصالات بس
5- لما ال limit بتاعك بيعدي في فودافون بينزلوا السرعة ل 128 بس بتترفع تاني كل شوية معرفش بيئة على حسب الضغط ولا إيه بس أنا لما بعدي el-limit ساعات بلاقي السرعة كاملة

يافندم اللى انت بتتكلم عليه ليمتد ده ليه اشتراك تانى على سرعة 512 يعنى تاخد ليمتد 2 جيجا وتشترى الباقى
انما اى سرعة فى اى شركة ليها سياسه استخدام عادل وهى على السرعة 512 بيديك حد اقصى 25 جيجا وينزلك لسرعة اقل وهكذا فكل السرعات على كل الشركات
يعنى ده موجود فى تى اى داتا مش على راسهم ريشه يعنى
ده موجود فى كل الشركات
وزى ما استاذ mailo قال بالظبط
وانا لينك بالنسبالى كويسه حتى الان
بس اتصالات افضل بكتير
وتى اى داتا دى كان النصب بجد وقمه الكدب فى خدمة العملاء وكل واحد يقول كلام غير التانى وبعد الخناق عرفت اخد حقى منهم وعرفتهم انهم كدابين

انا عايز بس اوضح نقطه يا جماعه وبدون انحياز لاي شركه
انا مع تي اي داتا بقالي 5 او 6 سنين النت مفصلش ولا مرة ولا تقل حتي غير ف قطع الكابلات والمشاكل البسيطه الي بتبقا عامه من الشركه علي مصر كلها
الموضوع نسبي جدا بين الشركات كلها لان مثلا ممكن تي اي داتا تبقا حلوة عندي ف مكاني او ف سنترال الي انا فيه
في منطقه تانيه او مكان تاني يبقا الترافيك كله متاخد وفي حمل علي السنترال وهكذا او السنترال مش مجهز انه يتحمل الضغط ده او الكابلات تفصل او تتسرق وهكذا الموضوع مش من الشركه
واعكس الموضوع ممكن يكون في لينك هكذا وكده بالظبط
لينك بصراحه في السنترال الي هنا جمبي الي جربت عليه لينك او الي معليهوش غير لينك الصراحه نت زي الزفت وترافيك زفت برده والسرعه مبتجيش كامله ومتقدرش تحمل عليه ناس كتير بينجه عمرة ما ظبط وهكذا
وبرده احب اوضح انه ممكن يبقا لينك زي الفل وعشرة علي عشرة في منطقه تانيه او بلد تانيه وتي اي داتا العكس وهكذا

انت قبل ما تشترك تحاول تعرف منطقتك وسنترالك وتسال ناس مشتركه الافضل ايه دي ولا دي والوحشه ابعد عنها وهكذا