الموضوع: عربيتك بتصرف كام ؟؟؟

ده كده ممتاز جدا

أنا عربيتى الكيا برايد صارف عليها صيانات وتصليحات بحوالى 2500 جنيه فى سنتين

المشاركة الأصلية كتبت بواسطة SYD

حضرتك كل عربية وليها مصاريفها وانت شخصيا الي بتحدد مصاريفها بناء علي طريقة قيادتك

يعني هنضرب مثال لواحد عنيف في سواقته وراكب عربية الماني سي سي كبير وموديلها قديم نوعا ما وليكن منتصف التسعينيات

هتلاقيه مش ملاحق عليها مصاريف وقطع غيار وبنزين
عنفه بيخلي العربية تاكل بنزين
سرعته بتخليه لما يقف ياكل التيل
موديل العربية بيخليه يغير فيها قطع الغيار الي عمرها انتهي

بعكس واحد هادي راكب مثلا ياباني موديل جديد وسي سي قليل
هتلاقيه مش بيسرف عليها كتير وبيقولك اعتمادية جدا
هدوءه في القيادة مخلي العربية مش بتاكل بنزين
لما بيفرمل مش بياكل تيل
موديل العربية مش بيخليه يصرف كتير قطع غيار

العملية ميزان وانت الي تقدر تخليه يطب في انهي كفة

Best Practice

اعمل الصيانات البسيطة هتحمي نفسك من الصيانات الكبيرة
امشي بهدوء وبدون عنف هتوفر علي نفسك كتير اوووي
اختار العربية الي تناسب مقدرتك علي الصرف

بسم الله الرحمن الرحيم
لِيُنفِقْ ذُو سَعَةٍ مِّن سَعَتِهِ ۖ وَمَن قُدِرَ عَلَيْهِ رِزْقُهُ فَلْيُنفِقْ مِمَّا آتَاهُ اللَّـهُ ۚ لَا يُكَلِّفُ اللَّـهُ نَفْسًا إِلَّا مَا آتَاهَا ۚ سَيَجْعَلُ اللَّـهُ بَعْدَ عُسْرٍ يُسْرًا ﴿٧﴾

والله المستعان
،
،

بالنسبه للمستعمل لو شريها مستعمله وموديل قديم لازم هتشدها مش اقل من 8 الاف ج فاكثر
( ربنا يكفيكم غش التجار والصنايعيه واللى بيبعلكم ) وحسبنا الله ونعم الوكيل
الا لو واخدها من اهالى وكانت بتاعة اسره مش شاب هاريها خمسات وامريكانى وسرعات وكده
وكل شئ نصيب
بوية وسمكره بس 2500 ج
نص عمره 2000 ج
بطارية جافة جديده 450 ج
دينامو 250 ج
عفشه خلفيه 800 ج
4 فرد كاوتش جداد 1200 ج
تظبيط تكييف 300 ج
فتيس 800 ج
وتظبيط كهربا فوانيس واسبويلر وكماليات وسماعات بايونير ممكن تقول 1000ج
وشغل بقا عفشه على مكنه كل شهر مثلا مره او مرتين حسب الموقف اللى بيحصل
مع انى سواقتى هاديه
والعربيه بقالها معايا سنه مش اكثر ( اكسيل مو 95 )
ويارب تهتدى وتسكت عليا من المصاريف
وربنا يكفينا شر الطريق جميعا يارب