عرض للطباعة
انا عايز اخد رأيكم
أنا ان شاء الله قررت اشترى النيسان صنى (و دة بفضل كلامكم عنها) هادفع مقدم ممكن لحد 50% و اقسط الباقى
و الحمد لله بعت العربية اللى كانت عندى بس مش عارف اتحرك من غير عربية
و محتار هل اشترى دلوقتى ولا استنى لأخر الشهر و اشوف معرض الأهرام فورميلا اللى فى 28/2/2012 ؟؟!!
و هل ممكن تكون فيه عروض تستاهل ولا مالوش لزمة؟؟
يا ريت تقلولى رئيكم و شكرا مقدما
أنا من رأي لحضرتك تستنى لحد formula .. عشان إن شاء الله هيبقى في عروض كتير و عربية احدث لسة ممشيتش في مصر إن شاء الله هتكون موجودة ..
و إن شاء الله ال formula مش بعيد .. و ياريت حضرتك تنورنا و تيجي معانا عشان إن شاء الله كلنا هنروح مع بعض .. في القسم
تحياتي لحضرتك و نورت القسم ...
طبعا دة شرف ليا انى أجى معاكم ، ياريت تعملوا موضوع فى القسم هنا نظبط فيه المواعيداقتباس:
المشاركة الأصلية كتبت بواسطة ahmazong
أكيد يا بيه إن شاء الله كل حاجة هتتعمل و تتظبط ..اقتباس:
المشاركة الأصلية كتبت بواسطة tiger76
بس أهم حاجة حضرتك تتابع معانا و متحرمناش من مشاركاتك ..
يا ترى ايه العربية الجديدة اللى لسه ما مشيتش فى مصر و هل هى نفس فئة الصنى و لا ايه؟
ربنا يخليكاقتباس:
المشاركة الأصلية كتبت بواسطة Ahmazong
انا بس كنت خايف عرض التقسيط اللى عملاه نيسان ابو 6.9% يخلص قبل المعرض
بس انت بتقول ان ممكن يكون فيه عروض
ربنا يسهل بقى و اللى مكتوب على الجبين لازم تشوفه العين :) :ask:
لو ناوى على صنى الشكل الحالى يبقى اتوكل عالله واشترى دلوقت وخلاص
انما لو لسه مش مقتنع 100% الافضل تنتظر للمعرض وتقارن بين كذا عربية
نصيحه من اخوك استحمل الكام يوم ده او الشهر ده بمعني اصح واستني المعرض وشوف ايه الجديد
وايه الي نازل في تقريبا يجي 3 او 4 مفاجئات واختيارات جديده في فئات مختلفه الصبر جمييييل ومجدي باذن الله
انا زيك بعت من فترة ومستحمل مستني اشوف وبصراحه مش لاقي اختيار موفق في الفئه السعريه الي بقيت فيها برده
ياريت ياجماعه تبقوا تقولولنا لو في طريقه نيجي معاكم انا بس من المحافظات
أنا مقتنع بيها 100 % بس انا طمعان انه يكون فيه تخفيض سعر فى المعرض او تقسيط بفايدة أقل او اى حاجة حلوة :)اقتباس:
المشاركة الأصلية كتبت بواسطة y2y1500
الطمع يقل ما جمع ..اقتباس:
المشاركة الأصلية كتبت بواسطة tiger76
وبعدين استحالة يكون فيه تخفيض على التقسيط
وغالبا لو فيه هايكون خصم 2000-3000ج على السعر الكاش خلال فترة المعرض فقط
غير كده ما تحلمش :camera2:
ايه رئيكم يا جماعة فى الكلام دة، انا أصلا ماكنتش متابع معارض قبل كدةاقتباس:
المشاركة الأصلية كتبت بواسطة y2y1500
القرار حسب ظروف حضرتك فلو هينفع تستنى لحد المعرض يبقى استنى و على أسوأ الأحوال هتشتريها بسعر دلوقتى يعنى مش هتخسر حاجه و اهو بالمره تعمل مقارنه اخيره فى مكان واحد قبل ما تشترى فعليا و يمكن تاخد تخفيض و لا هدايا مجانيه مع الشراء بمناسبة المعرض او اى مزايا تانيه مش هتاخدها لو اشتريت دلوقتى. يعنى من الاخر استنى المعرض احسن و مش هتخسر حاجه و كلها كام يوم يعنى
خلاص ربنا يقدم اللى فيه الخيراقتباس:
المشاركة الأصلية كتبت بواسطة land_cruiser
أنا من رأي تستنى .. مش هتخسر حاجةاقتباس:
المشاركة الأصلية كتبت بواسطة tiger76
اتصل بخدمة العملاء واعرف العرض بتاع التقسيط ده حيفضل لامتى .. ولو قالولك انه ممتد .. يبقا استنى
واعتقد انه حيفضل تقريبا ..
اتصلت من شوية و سئلت على انتهاء العرض و كانت الإجابة انه لا توجد معلومات عن موعد الإنتهاءاقتباس:
المشاركة الأصلية كتبت بواسطة Ahmed.TV
و سئلت عن عروض معرض الأهرام و طبعا كانت الإجابة لاتوجد معلومات
انا مخى باظ خلاص :fun_10_9_134[1]:
و بعض اصدقائى بيقلولى اشترى مستعمل او كسر زيرو
و انا بقول انا اضمن منين العربية تكون كويسة و مافيهاش عيب مخفى مايبنش إلا بعد الفأس ما تيجى فى الراس
و بعدين انا مش بتاع لف على الصنايعية و الكلام دة أنا مابفهمش فى الميكنيكا خالص
يا ريت تساعدونى انا عارف انى دوشتوكوا بس انا متعشم فى كرمكم :help1:
يا حبيبي ولا دوشة ولا حاجة .. ده مكانك و بين اخواتك ..اقتباس:
المشاركة الأصلية كتبت بواسطة tiger76
بالنسبة لموضوع المستعمل ده .. اوعى تغلط غلطة عمرك .. الدنيا دلوقتي مش مضمونة و ممكن تاخد عربية شكلها حلو بس فيها بلاوي ..
أنا لما قلت لحضرتك تستنى formula أنا كان قصدي إن حضرتك تشوف عربيات إن شاء الله جديدة من نيسان و ممكن تعجبك بس كده .. و برده إن شاء الله هيكون في عروض كتيرة ..
لكن لو حضرتك عجباك الصني توكل على الله دلوقتي وجبها في العرض بتاعها الحلو ده بتاع التقسيط و خير البر عاجله .. إن شاء الله تركب عربية جميلة قوي ماتندمش إنك جبتها ابدا إن شاء الله ..
تحياتي ..
بس لو نزل حاجة فى المعرض جديدة هتكون بالحجز و الاستلام بعد كذا شهر... هتستنى تانى
إستنى للمعرض علشان متندمش لو شفت حاجه جديده جذبت نظرك ومش هتخسر حاجه
نيسات ميكرا التقرير بتاع موقع fifth gear ما بيشكرش فيها كمان العربية تقفيل هندى كدة البيكانتو تكسب
ياريت حضرتك تقولنا ايه العيوب اللى ذكروها فى الميكرا فى البرنامجاقتباس:
المشاركة الأصلية كتبت بواسطة malta
لأنى دخلت وقريت ولقيت كل الكلام عن اصوات مزعجة من العفشة الامامية فى المطبات وفقر الخامات الداخلية وبس
ومش عيب ابدا انها تقفيل هندى !!!
الهند دى دلوقت وشركة تاتا تمتلك شركات جاكوار ولاندروفر وفولفو العالمية :bump1: والهنود صنعوا عربيات من عقود طويلة
وكل الحكاية بتتجمع هناك عشان رخص ثمنها وتكاليف الايدى العاملة مش موضوع جودة وبس
وعلى فكرة ده الجيل الرابع من ميكرا اللى بدأ انتاجه من 1985 (بيتهيألى قبل ما كيا تصنع البرايد اللى اتطورت لبيكانتو فيما بعد) والجيلين التانى والثالث كانوا بيتصنعوا فى مصنع انجلترا اللى دلوقت شغال قاشقاى بس وفيه غير الميكرا كذا عربية مينى زى الليف leaf والبيكسو pixo
---------------------------------
اخيرا .. ياريت الجميع يلتزم بالنقد الموضوعى والمدعم بالادلة المادية وليس الكلام المرسل
يابرنس ياسيراتو يا النترا ... تقفيل كورى سيارات منتشرة اخر شياكه برة وجوة .. بلاش سيارات تقفيل فى مصراقتباس:
المشاركة الأصلية كتبت بواسطة tiger76
ههههههههههههههههههههههههه ههاقتباس:
المشاركة الأصلية كتبت بواسطة raedegypt
والله قلقنا عليك جامد
بس بمشاركتك دى اطمنا عليك اوى
حمد لله على سلامتك :camera2:
بص يا باشا رأيي الشخصي .. حضرتك لو كدا كدا هتشتري تقسيط يبقي مفيش حل غير انك تجيب العربية من دلوقتي انما لو كانت كاش كده اقول لك تستني و نص لأن فترة المعرض ممكن يبقي فيه خصومات حلوة
و برده لو انا مكانك هصبر للمعرض برده لما اشوف ايه الاخبار الجديدة و نشوف اسعار العربية الجديدة ايه و شكلها يمكن تخليك تغير رأيك
خلاص انا هاتوكل على الله و اشترى دلوقتىاقتباس:
المشاركة الأصلية كتبت بواسطة Ahmazong
بس ياريت لو تساعدونى يعنى لو حد من أعضاء المنتدى بيتعامل مع معرض معين و يعرف يجب خصم و هدايا والذى منه يساعدنى :satelite:
اصل انا قريت موضوع هنا قبل كدة على حاجة زى كدة
أيه يا جماعة ماحدش ناوى يساعدنى فى موضوع إختيار المعرض ولا إيه؟؟
احسن موزع دلوقتي معتمد هو أوتوا اجيبت ..اقتباس:
المشاركة الأصلية كتبت بواسطة tiger76