جهاز إنذار الأوبترا

**Mohamed Ezz** · 15-06-2007 10:43 AM

عندى سؤال بخصوص جهاز إنذار الأوبترا

يوجد للأوبترا نسختين للمفتاح أحدهما بزراير للغلق و الفتح و هذا يقوم بتشغيل جهاز الإنذار .

و الآخر مفتاح عادى بدون زراير يقوم بالغلق و الفتح فقط.

فهل توجد طريقه لتشغيل جهاز الإنذار بالمفتاح عادى؟

و شكرا

**mina_ramsis** · 15-06-2007 11:16 AM

انا هقولك على حاجة غريبة قوى مش فاهمها لغايه دلوقتى لما اجى اقفل العربية بالريموت و افتحها بالمفتاح العادى التانى تفتح عادى من غير ماجهاز الانذار يشتغل فى نفس الوقت اذا قفلت العربية بالريموت و سبت الزجاج مفتوح و رفعت السقاطة و فتح الباب جهاز الانزار يشتغل
اما بالنسبة انى اشغل الانزار بالمفتاح العادى فديه بايتهيألى صعبة شويه :D

**Mohamed Ezz** · 15-06-2007 12:01 PM

هكذا يصبح المفتاح الإضافى بدون فائده (لذا أعتقد إنه يوجد طريقه لتشغيل الإنذار بالمفتاح العادى)

أما بالنسبه لما ذكرته عن استخدام المفتاح العادى لفتح الباب دون ان يعمل الإنذار فهذا طبيعى حيث ان المفتاحين
لهم شفره خاصه لذا عند الفتح باى منهم فانك تقوم بفصل الإنذار

و لكن إذا تركت الزجاج مفتوح و رفعت السقاطه فهذا لا يفصل الإنذار عن العمل و لذا بمجرد فتح الباب فان الإنذار
يشتغل.

و هذا ما يجعلنى أعتقد انه ممكن تشغيل الإنذار بالمفتاح العادى - و على العموم ياريت أى حد يسأل التوكيل
فى أقرب ميعاد صيانه له.

و شكرا

**mina_ramsis** · 15-06-2007 01:27 PM

من عنية الاتنين اول صيانة ليا هسألهم بس الغريبة انا سألت لما اشتريت العربية هو فيها الكود بتاع المفتاح قالى لا و يمكن عمل نسخة عاديه على المفتاح :?: :?: :?:

**yoga** · 10-12-2012 08:51 AM

يوجد لدى مفتاح بريموت ولكن لا يوجد انزار ....... هل هذا طبيعى

**medo500** · 10-12-2012 12:53 PM

المشاركة الأصلية كتبت بواسطة mohamed ezz

هكذا يصبح المفتاح الإضافى بدون فائده (لذا أعتقد إنه يوجد طريقه لتشغيل الإنذار بالمفتاح العادى)

أما بالنسبه لما ذكرته عن استخدام المفتاح العادى لفتح الباب دون ان يعمل الإنذار فهذا طبيعى حيث ان المفتاحين
لهم شفره خاصه لذا عند الفتح باى منهم فانك تقوم بفصل الإنذار

و لكن إذا تركت الزجاج مفتوح و رفعت السقاطه فهذا لا يفصل الإنذار عن العمل و لذا بمجرد فتح الباب فان الإنذار
يشتغل.

و هذا ما يجعلنى أعتقد انه ممكن تشغيل الإنذار بالمفتاح العادى - و على العموم ياريت أى حد يسأل التوكيل
فى أقرب ميعاد صيانه له.

و شكرا

لا ياباشا للاسف مافيش شفرات خاصة بالمفتاحين ولا حاجة والدليل علي كده اني عملت مفتاح مصطنع عند بتاع مفاتيح ب10 جنية وقفلت بالريموت وفتحت بالمفتاح المصطنع ولا اشتغل الانذار ولا حاجة اعتقد ان السر كله في القفل الشمال بتاع باب السائق اي مفتاح يدخل فيه ويكون نفس الاسنان بيفصل وقتها الانذار وده للاسف لو الكلام ده حقيقي يبقي انذار الاوبتر مالهوش اي تلاتين لزمة