الموضوع: الخيانة الجسدية أو الفكرية أيهما أقوى برأيك ولماذا ؟

الخيانه الجسديه طبعا لاتغتفر
الخيانه الفكريه تختلف من شخص لاخر

يعني في واحد يتعبر ان لما تبقي مراته بتحب واحد تاني دي خيانه فكريه
واحد يعتبر ان لو مراته جابت سيرة واحد حتي لو بتشتم فيه برده خيانه فكريه
بس الراجل اللي يوصل مراته انها تحب واحد تاني يبقي سوري مش راجل لانه اولا سمحلها بكده او سابها لحد ماتوصل لكده ومطلقهاش
والموضوع برده بيتعمد علي حاجات كتيير
يعني متجيش علي راجل بتاع ستات وكل يوم ميرجعش البيت الا وش الفجر ومش بيدي اهل بيته حقهم لا مادي ولاعاطفي ولا اي حاجه والمعامله بتبقي وحشه وفي الأخر ينتظر ان مراته تبقي بتموت فيه وده مش مبرر انها تحب واحد تاني لكن علي الأقل ممكن تتخيل واحد في دماغها تحبه من القرف اللي هي فيه

اما بقي في ظل الانحلال الأخلاقي الموجود فانا اسمه بلاوي ومن مركز شرطه كمان
واحد صاحبي امين شرطه كان جايله بلاغ من واحد بيتهم واحد تاني انه اغتصب او اقام علاقه غير شرعيه مع مراته وفي الأخر طلع ان مراته هي اللي كانت بتعمل كل حاجه مع الراجل ده بمزاجها علي امل انها تتطلق وتتجوزه ولما رفض انه يتجوزها قامت قايله لجوزها وجوزها عمل فيها دكر وراح يعمل محضر والناس في القسم قالوله لو ماممشتش من هنا هنعمل لمراتك قضية زنا

طبعا ده راجل كوووووووووول اخر 3 او 4 حاجات وفي بلاوي اكتر

موقف حصل في الشارع قدام واحد صاحبي:
واحد راكب عربيه فخمه وشاب روش ووقف قدام بنت كده من اللي بيبقو لابسين هدوم مش كتيير وفضل يعزم عليها انه يوصلها ويفاجا بواحده زي القمر تنزل من عربيه فخمه برده وتيجي لحد عندهم وبعلو حسها وتقوله طيب تعالي هات عيالك من المدرسه بدل مانت بتعزم علي الهانم

المشاركة الأصلية كتبت بواسطة SheNo0o

تعددت كل انواع الخيانه ونتيجتها واحده اعتقد في حاجه بتتكسر مبتتصلحش بالزات ف الخيانه سواء فكريه او جسديه
لان لو فكريه هيكسر جواه الراجل لو عرف بيها انه فيه حاجه ناقصه والحاجه الناقصه دي مراته بتشوفها ف حد تاني ممثل مثلا ده مثل برئ بسيط يوضح مش حاجه فحد تاني مرتبطه بيه ع الفيس او زميل بتروح الشغل علشان خاطره

الخيانه الجسديه اكتر طبعا لانها تعدت كل المراحل الفكريه والعقليه والتردد والضمير والدين وكل حاجه واحنا هنا مش بندور علي مسبب الخيانه لان في كل الاحوال الراااااجل الي بيحصله كده مش شرط يكون واخد باله هو مقصر في ايه وممكن تكون هي الي تافهه او هو عامل الي عليه وهي تفكيرها في حاجه تانيه بتدور عليها وهكذا

الخيانه مجالها كبييير وعلاقات الازواج مجالها اكبر وفعلا الي ف العلاقه غير الي ع البر بس برده في ثوابت وحاجات مينفعش الواحد يتردد فيها او يغير افكارة
خيانه جسديه = فراق
لا تقولي بقا انا ع البر او مش ع البر
وعلي فكرة موضوع الاخت الفاضله الي بتروح الشغل علشان واحد تقابله ومرتبطه بيه حسيا دي انا لو مراتي كده اطلقها
الطلاق اسلم وابسط حل في الحالات دي كلها مدام في شخصيه وسخه واعذروني ف اللفظ مش بتقدر النعم من زوج كويس ده لو كويس واطفال نعمه ربنا والحياه الكريمه نفسها الي مش ناقصها حاجه يبقا تغور ف داهيه متستاهلش الطلاق حلال حتي لو كان بغيض لان الراجل الي يكسر جواه حاجه مينفعش يكمل مع الانسانه دي هتبقا عيشه سواد متبقاش عيشه اصلا يا هيفضل كل يوم بيتنازل وبيرمي رجولته تحت رجلين الاخت الهانم يا هيعيش سواد ويكسر نفسه ورجولته ويعمل فيها عسول ولذيذ ومش شايف


معلش الموضوع ده متواجد في مجتمعنا والسبب فيه مش بس الاغرائات الي برة ولا الحاجات الي الناس بتشوفها برة واحنا مش من كوكب تاني ولا حاجه هو موجود وفحالات كتيييييير جدا
بس الانسان مبيحبش يصدق او يشوف ان الحالات دي موجوده
بس معتقدش ان من الصحي اننا نفتح الموضوع االشااااااائك ده للنقاش هنا النقاش ده ميبقاش كده من وجهه نظري لانه مقفول ومفيهوش كلاااااااام مجرد ان كل واحد هيقول رايه وممكن من الاراء تلاقي ناس بتعمل مفتحه وتتخيل الراي وتحطه ع شخصيه الراجل وممكن ناس تقول اسرار وحاجات مينفعش تتقال اتمني اشوف الموضوع مقفول بعد اذن صاحب الموضوع نفسه قبل الادارة يعذرني

أحييك على مشاركتك الرائعة ....
بس لية عايز الموضوع يتقفل ؟!
حضرتك عارف أنا هدفى من الموضوع دة أية ؟
بمنتهى الأمانة هدفى هو عرض التجارب السلبية على الأخرين حتى لا يقعوا فى نفس الأخطاء التى يقع فيها الملايين من المصريين الأن بسبب الطفرة التكنولوجية فى وسائل الأتصالات من موبايل و Facebook ....

فى كام واحد النهاردة بيبعت رسايل على الموبايل لزميلتة فى الشغل اللى عارف أنها متجوزة ؟؟!!
ولما حد يسئلة يقول:
أية يعنى؟! عادى و فيها أية الرسالة يعنى ؟! رسالة لقيتها لطيفة فبعتها لكل زمايلى فى الشغل ....
هو مش عارف أن أكبر الحرائق تأتى من مستصغر الشرر ....
أنا أبعت رسالة النهاردة و هى تبعت رسالة بكرة و بعدين الرسايل تتحول إلى مكالمات و بعدين أعملها add على ال Facebook و هاتك يارغى طول الليل والنهار و يتعلقوا الأتنين ببعض و بيت الزوجة يتخرب ....

مش دة طبعآ اللى بيحصل دايمآ ....
بس فى بيوت كتير بتتخرب بالطريقة دى ....

عارف حضرتك أنا فى شغلى مفيش زميلة ليا معاها رقم موبايلى ....
معنديش Account على ال Facebook تجنبآ لمشاكل كتيييير أوى ممكن تحصل ....

بس أنا زمان مكنتش كدة لكن الحياة العملية علمتنى أنى لازم أكون كدة ....
صدقونى يا جماعة فى مصايب كتير بتحصل فى الأشغال وبتبقى البداية message ....

بجد أنا مستغرب من اللي طالب الموضوع يتقفل
مش معنى إن فيه موضوع مش على مزاجي إنه يتقفل
مش معنى إن الموضوع بيطرح مشكلة أنا خايف إني أوجهها يبقى الحل إني اهرب عن طريق عدم التفكير فيها
مش معنى إن الموضوع مش مفيد ليا يبقى يتقفل برده

الله أعلم بنية اللي فتح الموضوع إيه

ممكن يكون طالب مشورة أو نصيحة
ممكن يكون متعرض للموضوع شخصيا ومش عارف يعمل إيه
ممكن يكون شايف إن دي مشكلة فعلا وشافها في حد ومحتاج مساعدة

يعني مثلا فيه 2 صحابي ومراته بتكلم واحد غيره على التليفون وأنا عارف كده ومتأكد وسمعت كمان
بس أنا فعلا مش عارف أعمل إيه ومش عارف أقوله إزاي ومش عارف إذا أنا قلتله يبقى كده صح ولا غلط
طب اكلمها هي يمكن أعرف اعقلها أو اخلي مراتي تكلمها
ده موضوع بقاله شهور مجنني ومش لاقي حل أعمله ومش عارف اتصرف فيه صح إزاي,
عشان أنا مش قادر احدد إيه رد فعل الزوج وخصوصا إن فيه أطفال ومصايب تانية كتير
وفنفس الوقت أنا حاسس إني باخون الراجل ده باني ساكت ومبقولش

طب يارييت كل واحد يسأل نفسه السؤال ده
لو مراتك بتكلم حد غيرك هتبقى عايز حد ييجي يقولك لو ماتعرفش ولا لأ
هل هتختار توجه المشكلة
ولا هتبقى عايز تهرب منها بحجة أنا معرفش ده أنا لو كنت عارف كنت عملت

طب لو حد اتعرض للموقف ده هيكون تصرفه إيه
يمكن لما حد يجاوب على السؤال ده دلوقتي يقي نفسه من مصيبة أو مشكلة قدام عشان إنت دلوقتي هيبقى عندك ميزة التفكير العقلاني دلوقتي
إنما ساعة المفاجأة أكتر القرارات بتكون غلط

بجد ياجماعة الموضوع مهم جدا
أنا شايف إن بعد الموضووع مش في الموضوع المطروح نفسه
لأ ده في حاجات تانية كتير قوي معظمنا بنهرب منها ومش بنعرف نتصرف فيها

المشاركة الأصلية كتبت بواسطة ashouhdy

!!!!

روحيلة ياماما خلية يشيل وخدى ورقتك معاكى عشان تبقى free اكتر

دة ردى

بالضبط كده :)