اقتباس المشاركة الأصلية كتبت بواسطة icehearted girl مشاهدة المشاركة
هو مزودش الخيانة الفكرية ولا حاجة

هو بس سهل اكتشافها اسرع
أزيك يا icehearted عاملة أية؟
معلش أسمحى لى أختلف معاكى المرة دى ....

دلوقتى مفيش زوج ممكن يعرف مراتة بتكلم مين ولا بتبعت رسايل لمين ....
نفس الشىء بالنسبة للزوجة ....

الأتنين بيبقوا عايشين مع بعض فى بيت واحد بالأسم وكل واحد عايش فى ملكوت تانى ....
الراجل قاعد بيلعب games على ال Face و الست قاعدة لوحدها مش لاقية حاجة تعملها ....

من هنا يدخل الشيطان ....
هيقول للزوجة:
ما تكلمى زمايلك أنتى كمان على ال Face بدل القاعدة اللى ملهاش لازمة دى ....

وتبدأ الحوارات واللطافة اللى بتبقى فى الأول على أساس التسلية و بعدين تتحول إلى أدمان ثم إلى كوارث ....
الراجل لما بيبدأ باهمال مراتة بيخليها تحس بالجوع العاطفى فبالتالى لو لاقيت أكل فاسد هتاكلة ....

للأسف دايرة أهتمامات الراجل بتشمل حاجات كتييييير أوى زى شغلة وأهلة و أصحابة اللى بيقعد معاهم على القهوة و أصحابة على ال Face و ماتشات الكورة و والفريق اللى بيشجعة فى الأستاد و مراتة و أولادة ....

فى رجالة أنانية كتير بترفض أنها تستغنى عن أى حاجة فى دايرة أهتمامتهم دى ....
مش عارفين أن المرأة محتاجة حب و حنان متواصل و بتبقى عايزة تحس أنها أهم حاجة فى حياة جوزها و مفيش حاجة فى الدنيا ممكن تشغلة عنها ....

من الأخر الراجل لما يتجوز المفروض أنة يخف من الخروج مع أصحابة و الجلوس على القهوة و لعب ال games وكل العباطة دى ....

أنا عارف أن دة صعب على رجالة كتير ....
بس دة لازم يحصل عشان البيت اللى أتبنى مايتهدش ....