محتارة جدا وعاوزة ردكو

**محمد بدر** · 08-02-2012 11:22 AM

المشاركة الأصلية كتبت بواسطة hmatchy

معلش انا ليا رأيى مختلف او مجرد اقتراح
انتى بتقولى خبرتك فى العربيات صفر يعنى ولا هتعرفى تجيبى حاجة مستعمله عدله ولا هتعرفى تقفى على ايد ميكانيكى يصلحهالك
يعنى خساير من كلو
رأى ال 20 الف حطيهم فى ماروتى زيرو و قسطى الباقى اعتقد القسط هيكون فى حدود 400 جنيه اللى اعتقد بردو انك هتصرفيهم فى الشهر على عربية مستعمله مع قلت خبرتك
ولو ناويه على مستعمل هاتى 128 حالتها نضيفة ب 12 او 13 الف و اصرفى عليها 2 او 3 الاف هتظبطيها ظبطة حلوة و ممكن فى ورشة الاستاذ كريم صاحب المنتدى انا معرفش الاسعار ايه بس اكيد حتى لو غالى هيكون مقابل شغل كويس و يراعى ربنا فيكى بدل ما حد يضحك عليكى و اهو بقيت الفلوس خليها احطياتى

الله ينور عليك فعلا من أفضل السيارات للتعليم والبهدلة 128 تخبط فيها وبعد التظبيط تبعها بأقل الخسائر ده لو مكنش فيه مكسب كمان

**AHMED_DINAMO** · 09-02-2012 01:18 AM

راجعى الخاص عند حضرتك

**mennwayttt1989** · 11-02-2012 01:02 AM

المشاركة الأصلية كتبت بواسطة mmbadroo

الله ينور عليك فعلا من أفضل السيارات للتعليم والبهدلة 128 تخبط فيها وبعد التظبيط تبعها بأقل الخسائر ده لو مكنش فيه مكسب كمان

طيب يعنى حضرتك شايف انى اجيب 128 طب لوعطلت منى فى الطريق اعمل اية سورى انا احينا بشوف ناس بتذوق عربية باعت راجل انما بنت اكيد هتتكسف ولا راى حضرتك اية

**samyyousef** · 11-02-2012 01:35 AM

السلام عليكم
موقع contactcars فيه امكانية تحديد الفئة السعرية التي تبحثي فيها...و اتذكر اني شوفت عربية اسمها سبرينت...سوزوكي او شيفروليه حجمها صغير و مكيفة و يوجد منها اوتوملتيك في حدود السعر الذي تبحثي فيه...و ربنا معاكي
بالنسبة للتقسيط سواء اسلامي او غير اسلامي فهو مرهق

**محمد بدر** · 11-02-2012 08:05 AM

المشاركة الأصلية كتبت بواسطة mennwayttt1989

طيب يعنى حضرتك شايف انى اجيب 128 طب لوعطلت منى فى الطريق اعمل اية سورى انا احينا بشوف ناس بتذوق عربية باعت راجل انما بنت اكيد هتتكسف ولا راى حضرتك اية

بطارية _ سيور - اسبراتير - طقم كهرباء - خراطيم ودروه المياه - خراطيم بنزين - وأخيرا" كاوتش لو كل الأشياء دية بحالة جيدة أعتقد نسبة العطل لاتذكر ومن السهل أى مكانيكي عنده ضمير من السهل جدا" يراجع كل ماسبق وتمنياتى بالتوفيق
معلش نسيت حاجة مهمة عمل صيانة للمرش والدينمو عند كهربائى محترم

**AHMED_DINAMO** · 11-02-2012 03:24 PM

حضرتك هى كانت عربيه 128 كان رأيى دى قطع غيارها كتير وتوفره ده بما ان لسه حضرتك بادئه سواقه ق كان قصدى عربيه ممكن تخلص على 10 ولا حاجه تظبطيها ب 4 ولا 5 والباقى ينفعك صيانه وكده وكنت باعتلك صور عربيات 128 متظبطه بس كده ( شرح وافى لكلامى اهه ) :)