فى عرض فى سبينس على ماكينة الحلاقة التاليه
http://www.nileup.com//uploads/image...bd468a991a.jpg
يا ترى رايكم فيها ايه ؟؟
ويا ترى حد اشتراها وجربها ؟؟
لانى بفكر اشتريها - بس قلت اسال الاول
عرض للطباعة
فى عرض فى سبينس على ماكينة الحلاقة التاليه
http://www.nileup.com//uploads/image...bd468a991a.jpg
يا ترى رايكم فيها ايه ؟؟
ويا ترى حد اشتراها وجربها ؟؟
لانى بفكر اشتريها - بس قلت اسال الاول
خليك فى الانواع المعروفة زى الفيلبس او الباناسونيك و دى متجربه و تعيش لفتره طويله و الأهم انك ممكن تلاقيلها قطع الغيار بتاعتها اما الريمنجتون دى ما اعتقدش بصراحه هتلاقيلها قطع غيار فى مصر فلو حصل فيها حاجه حتى لو بسيطه هتضطر ترميها
الكلام منطقي
بس الملاحظه الاولى
الفيلبس اسعاره بتوصل ل 400 و500 جنيه
وزيه الباناسونيك
تانى حاجه
يا ترى لما هيحصل فيهم حاجة هتلاقى قطعه الغيار وهتلاقى اللى يصلحها
اعتقد الحاجات دى لما بتبوظ بتترمى لعدم وجود قطع غيار او لعدم وجود من يصلحها
يبقي الفرق بين كل منتج حاجتين
1= جوده الاداء - يعنى هتحلق كويس زى اللى عند الحلاق -
انا عندى ماكينة صينى بتحلق بس ببطا ومش بتساوى الشعر
وبكمل بماكينة تانى صينى امريكى غالبا سلاحها لون اصفر زى النحاس من فوق
ممتازه فى تسوية الشعر وكمان بحدد الاطراف من غير مشط ومش بتجرحنى
لكن عيبها انها مش بتقص الشعر العالى - الكبير -
2= العمر الافتراضي
فلو الرمنجتون اغنتى عنهم وكانت كويسه هتبقي ممتازه ولو عمرها الافتراضي اقل من الماركات المعروفه
http://www.nileup.com//uploads/image...703ac7a68c.jpg
Alpha HC5150
ومن الموقع عاليه يبقي ليها اسم - مش كده - او على الاقل موجوده مش بير سلم
لاء حضرتك محدش قال انها من تحت السلم و لا حاجه بس الفكرة زى ما قلت لحضرتك فى قطع الغيار و أنا عندى ماكينه باناسونيك و حصلت فيها مشكله و جبتالها قطعه غيار من هنا عادى و كانت قطعه بلاستيك صغيره بس موقفه عمل الماكينه كلها و ده وارد جدا يحصل و هو ده اللى أنا باتكلم عليه و بعدين فى حاجات فيلبس ارخص من ال ٥٠٠ ج و أنا شفت منها فعلا بس مش فاكر كانت فى كارفور و لا سبينس و عامه برضه لو حضرتك نويت تجيب الرينجنتون اسال البائع ضمانها إد ايه و مع مين يمكن يكون بقى ليها وكيل
باشا انا عندي moser الماني و شغاله زي الفل و ب 130
الماكينة الالمانى الحمراء - جات لى من السعوديه - ولم تستمر طويلا
الباناسونيك والفيلبس هنا فى البحر الاحمر ( واعتقد فى الاقاليم كذلك )اسعارهم عايه ومفيش توكيلات ليهم
يبقي ميزتهم بس فى القاهره
هتلاقيها فى أى محل تجهيزات كوافيرات أو بعض محلات بتبيع الكترونيات متفرقة.
أنا بجيبها بقالى حوالى 6 سنين..........و هى نفسها لو واظبت على تنضيفها و تزييتها مش هيحصل لها مشكلة..........أنا جبت حوالى 3 أو 4 منها بسبب أنها كانت بتقع و يتكسر منها جزء مش بسبب عيب فيها.
ال moser اشكال كتير
Moser - Clipper And Trimmer - Nazih Trading
والمنتشر منها
رقم السلعة: 8502630
Moser
ودى اللى كانت معايا ( كان معايا منها 2 واحده من مصر وشكلها كان مضروب كانت ب 50 جنيه او اكتر حاجه بسيطه -- وواحده جت لى من السعوديه واللى من السعوديه كان على السلاح الاستانلس مكتوب صناعه المانى )
والاتنين قعدوا فتره بسيطه معايا ومش مستعد اجيب النوع ده تانى
انا باشترى مكن حلاقة من 2003 او 2004 وجبت انواع كتير
المهم بالنسبة لى حاجتين
1= قدرة المكنه بالوات كل ما زاد الوات بيكون احسن
2= شكل السلاح او الشفرات - يكون استانلس نظيف ولامع ومش بيخربش او يكون نحاس تقريبا
وفى اعلانات عن شفره سيراميك مطليه تيتانيوم بس مجربتهاش
السلام عليكم و رحمة الله و بركاته
لا حول و لا قوة الا بالله العلى العظيم.
بقى الRemington بعد العرض ب199 جنيه و كانت أصلا ب299 جنيه, أما عالم ولاد شحيبر صحيح !!!!!!!!!!!!, انا شاريها هنا فى كندا فى ديسمبر اللى فات ب15 دولار, يعنى بتاع 90 جنيه, هو مكن الحلاقة عليه جمارك 200% زى العربيات ؟؟؟!!!! , لأ و ايه, مكنة زباااااااااااااااااااالة زبالة, لأ صحيح, زبااااااااااالة, أنا أصلا و أنا مسافر كنت واخد المكنة الUster المحترمة الأميركانى بتاعتى معايا و للأسف, لقيتها بتشتغل على 220 فولت و هنا فى كندا, الفولت 110 و قررت أنى أشترى مكنة بدل ماشترى محول و اشتريتها فعلا من Wal-Mart و لقيتها مش كويسة و بتجرح فروة الراس.
هاتلك مكنة نوع معروف مهما كانت غالية أحسن من المقرفة اللى اسمها Remington دى.
أنا لولا الاحراج و أن الشعر بتاعى فى المكنة كنت رجعتها, أنا من حقى أرجعها حتى بعد ماتتفتح و تستخدم, أدام فى خلال شهر من الشرا و الوصل معايا, بس أنا اللى محرج أروح أرجعها و هيا فيه شعر.
اشترى نوع محترم أحسنلك.
ال moser فيه منها مضروب............نفس الشكل و كل حاجة بس صينى.
الماكينة اللى حضرتك بتتكلم عليها دى سعرها الأصلى 140 جم و يمكن دلوقتى أكتر.
و دى معظم الحلاقين اللى أتعاملت معاهم فى مصر بيستعملوها.
أكيد اللى كانت عندك كانت المضروبة.......خصوصاً ان حضرتك بتقول أنها ب 50 جم
رقم السلعة اللى أنا بتكلم عليها هى 8502600 مش 8502630
لو عايزها للدقن هات moser الالماني واشتريها من محلات بيع ادوات الحلاقة اللي الحلاقين بيشتروا منها.....ولو للشعر هات مكنة اسمها wahl امريكي من برة مصر مش هتلاقيها فى مصر ودي عاملة زي الجرار محترمة جداااااااا لو شعر خيش هتحلقه.
الماكنه ال moser منتشره عندنا اوى فى مصر
وتقريبا كل الحلاقين بيستخدموها
اعتقد انها افضل اختيار لانها بستحمل وسعرها كويس
كان فى ماكينة حلاقة باناسونيك
تقريبا كان مكتوب على العلبة - ايزى برايس easy price
حد جربها ؟؟
فيه rowenta الماني بس طبعا صنع الصين (ضمان سنة من الوكيل) انا عندي المكنة دي وشايفها كويسة مع اني استعملتها مرة واحدة بس وعايز ابيعها لأنها اقل درجة قص ليها 3 مللي ومبتنفعش مع الشنب كنت جايبها ب180 جنيه
للاسف فكرة انى اشترى ماكينة حلاقة تم استخدامها ولو مره واحده -- مرفوضه بالنسبه لى --
ربنا يكرمك وتلاقى حاجة كويسه تناسب احتياجك
متابع .......
ايه رأيكوا فى ماكينة براون اللى هى 3 فى واحد
شكرا عالدعوة الحلو ابوكوكو ,الفيصل في رأيي لشراء مكنة الحلاقة هتستخدمها لرأسك وشعر جسمك فقط ام لوجهك فقط ام للاتنين ودي بتعتمد علي درجة القص لأقل درجة في حاجات بتبتدي من 3مللي اقل حاجة وفي حاجات بتبتدي 1ز5 مللي اقل حاجة ودي هي المفضلة لشعر الرأس والجسم والوجه والله اعلم
السلام عليكم و رحمة الله و بركاته
لو أنت بتحلق عالزيرو زى حالالتى, عندى ليك فكرة ناااااااااااااااااار لسه مجربها النهاردة, أنا بحلق شعرى كل أسبوع عالزيرو تقريبا و كنت بحلق بالمكنة الRemington و أمرى لله, و لأنى أنا أصلا المكنة الRemington مش عجبانى, قررت أنى أجرب أحلق شعر راسى بالمكنة الفيليبس بتاع الدقن و كانت النتيجة مذهلة, لأنها نعمت راسى زى دقنى بالظبط.
ماتجيب مكنة فيليبس ذات الثلاثة رؤوس للدقن و الشعر, بس هات الهولندى مش الصينى.
اعتقد ان البراون منتجاتها حريمى اكتر منها رجالى
انا مش بحلق زيرو -
لكن بحلق على درجة ( اصغر مشط - يعنى فوق الزيرو مباشرة )
فى واحد صاحبي من المنصورة قال لى على ماكنة المانى جابها لاخوه وقال لى روح شوفها لو عجبتك اجيب لك زيها - وغالبا الاسوع القادم هبص عليها ولو عجبتنى هقول له اشتريها لى
انا حاطط فى بالى اجيب واحده فى حدود ال 200-300
النهارده لفيت على محلين
وباختصار طلعت بمعلومة جديده
مكن الحلاقة نوعين
1= نوع بشتغل بذبذبات او محول مغناطيسي بالكهرباء بفكرة عمل جرس الكهرباء
2= نوع بيشتغل بمحرك موتور على تروس
والنوع التانى بيبيعوه اغلى
وكان بيتكلموا على ماكينة يابانى بيسموها 808 بس مكانتشي موجوده
وبيقولوا هى دى بتاعة الحلاقين
اللى عنده معلومات واسامى واسعار وصور - ممكن يفيدنا وله الشكر
http://www.nileup.com//uploads/image...0ba5d1926.jpeg
على النت بيتقال عيها احسن مكنه
وبيقولوا عليها مكنه 808
حد جربها اشتراها يقول لنا عنها وعن سعرها
ومالها روينتا الماني وشركة معروفة ياريت تفكر فيها تجيبها
طيب انا بتاعتي خلاص تراجعت عن بيعها لأنك معاك حق,,, بس هي جميلة في رأيي ومتقلش احترافية عن بتاعت الحلاقين والله اعلم لأن مش معني ان صنايعي جاب حاجة لمجرد انها رخيصة وبتأدي انها الافضل
عندى الموسر ممتازة وموتورها قوى، المانى على فكرة
140 جنيه
تلاقيها فى شارع الازهر او محلات ادوات الحلاقة والادوات الكهربائية
انا كتبت - كان عندى 2 موسر
واحده مضروبه
والتانيه اصليه
والاتنين لم يعجبونى
انا مش بحب فكرة الدرجات بالضغط على الذراع الجانبي
وافضل وجود امشاط - وذراع متحرك لاعلى واسفل
لانى بستخدم مكن حلاقة من قبل 2004 واشتريت انواع كتير
عموما شكرا للنصيحة
بس الموسر مش فى بالي ابدا