ياترى المشكلة في ECU ولا في حساس air temperature sensor

**abo_lamar** · 04-02-2012 09:11 PM

السلام عليكم يا شباب

من يومين لقيت لمبة التشيك بتنور بأستمرار , وتطفى شوية و ترجع تنور تاني , الكلام ده في اي وقت سواء ماشي بسرعة او على مهلي , واتكرر الموضوع ده النهاردة تاني , حطيت العربية على اسكانر النهاردة لقيت الجهاز بيقولي :
ATS signal low
الراجل المهندس اللي كشفلي على العربية بالاسكانر قالي يبقى الكمبيوتر ECU عايز يتغير هاتلك واحد استيراد من الحرفيين .
عملت بعد كده سيرش على النت لقيت امعنى الerror ده كالتالي :

ولقيت ان معنى ATS هو air temperature sensor وده شكله :

مش ده يا شباب الحساس اللي لما بنحب نزود زيت فتيس بنفكه وبنزود الزيت بتاعتنا و بعدين بنركبه تاني ؟؟؟
لان فعلا الميكانيكي من يومين غيرلي زيت الفتيس كله وشوفته بيفك الحساس ده وبعد ما خلص ركبه تاني .
سؤالي بعد إذنكوا ..... هو فعلا انا محتاج اغير الكمبيوتر كله ECU ولو فعلا لازم اغيره سعره كام جديد وسعره كام استيراد ؟
ولا المشكلة في الحساس ده ولازم يتغير ؟

وشكرا لحضراتكو جدا .

**abo_lamar** · 05-02-2012 05:54 AM

والنبي يا جماعة ماحدش ينساني عرفوني بس راسي من رجلي .

**tarek_2005** · 05-02-2012 10:44 AM

air temperature sensor
دا موجود في خرطوم العمة مش في الفتيس وبيتغير مع خرطوم العمة

**MMamdouh** · 05-02-2012 03:13 PM

اللى قالك عايز تغير كونترول دة معندوش فكرة

الحساس اللى فيه المشكلة دة حساس العمة اللى قال علية طارق

اللى الميكانيكى بيفكة لما يزود زيت الفتيس دة حساس سرعة العربية و ملوش علاقة بالمشكلة اللى عندك (علما بان حساس السرعة لو فية مشكلة لمبة التشك هتنور)

MMamdouh

**abo_lamar** · 05-02-2012 06:14 PM

فعلا المشكلة طلعت من حساس العمة , انا فكيت الحساس النهاردة لقيت طرف من الطرفين اللي فيه مملح على الاخر رحت منظفه ب wd40 و الحمد لله المشكلة اتحلت .
بس معلش سؤال .... هو الكونترول ecu لو استيراد من الحرفيين يعمل كام تقريبا ؟؟