السلام عليكم
حبيت اشترى جهاز علشان ازود تغطية الواى فاى لكامل الشقة عندى
وكان الحل يا اما اجيب ويرلس اكسس بوينت واخليها تعمل كاربيتر علشان تكمل تغطية المساحة المطلوبة
او اشترى انتنا بديسبل اعلى علشان تزود رينج التغطية ... وانا بأدور على النت علشان اختار
واقرر لقيت موضوع ظريف كده انك ممكن تقوى مدى الواى فاى اللى عندك بحل رخيص جدا
تقريبا التكلفة صفر لان كل المطلوب موجود فى البيت ...
يالابينا ....
هاتحتاج الاتى ( كتر - مقص - مسطرة - جلوستيك - قطعة ورق مقوى - ورق فويل)
هتطبع الصورة المرفقة على ورقة A4 وتخليها Fit to Page
كمان هنجيب ورق مقوى بنفس الحجم انا استخدمت كفر فولدر ورق
هنقوم بلصق الورقة التى قمنا بطبعتها على قطعة الورق المقوى باستخدام الجلو ستيك وهنسيبها تجف دقائق
بعد كده هنقوم بلصق قطعة من الفويل فى نصف ظهر الورقة الاسفل
بعد ذلك هنقوم بتفريغ الشكلين من الورق باستخدام الكتر او المقص (نتيجة الكتر افضل كثير)
وده شكل ظهر الجزء الاسفل الملصق عليه طبقة من الفويل
بعد ذلك سوف نقوم بقتح كل الخطوط المشار اليها بالاحمر بواسطة الكتر
والاجزاء المشار اليها بالازرق يتم ادخلها داخل الاماكن التى تم فتحها
ويتم ثنى الاطرف من الخلف ولصقها بالسولتيب
بعد الانتهاء من التركيب هيصبح لدينا WI FI Booster هنقوم بتركيبه على الانتينا الخاصة بالراوتر
بعد التركيب مساحة التغطية ذادت بشكل فعال واصبح كامل مساحة الشقة تمت تغطيتها
اشارة الواى فاى قبل تركيب البوستر
اشارة الواى فاى فى ابعد مكان عن الرواتر بعد تركيب البوستر
الفكرة فعالة وتمت الحمد لله بسولة
فيه ناس من اللى جربتها شكرت فيها جدا وفيه البعض قال انه لم يلحظ الفرق
عموما التجربة خير برهان تمنياتى بتجربة فعالة
اى سؤال انا جاهز
الصورة التى يتم طبعتها على ورقة A4
المفضلات