بالله عليكم حد طلب حاجة من برا مصر قبل كده

**khaled_yassin** · 04-03-2012 01:41 AM

المشاركة الأصلية كتبت بواسطة opelawy

أنا سجلت امبارح علي الموقع ده
borderlinx.com
و عملت كذا معاملة من برة بشوية حاجات كده و عندهم حاجة كويسة اوي
يعني انت اشتريت هارد مثلا و شرابين و حلة مطبخ ( مثلا يعني ) من 3 مواقع مختلفة , انا كنت خايف يحاسبوني علي كل واحدة انها طرد لوحدها
بس كلمتهم و شألت قالولي لا , ليك شهر مجانا نسيبلك الحاجة عندنا عشان لو هتشتري كذا حاجة و تشوف الباسكت بتاعتك فيها ايه و لما تقرر تشحن هنشحنهالك

المصاريف بتاعتهم شاملة كلو من مجاميعو
يعني مثلا هيحاسيبني علي الشحن و الجمارك و التوصيلات و كلو و قالي بتتحدد بعد ما نشوف اللي هيتبعتلك و تمنه كام ( عشان هما هيحاسبوا الجمارك )
و مش هتدفع و لا جنيه في دي اتش ال هنا
انا مش فاهم النقطة دى؟؟؟ وهدفع الفلوس الشحن والجمارك فين ؟؟

والله انا بعت اجب كام حاجة كده و ا ن شاء الله هجرب و اقولكو
بس اعتقد هتكون التكلفة عالية ( بس للي غاوي )

اللي عايز يجيب حاجة معايا ممكن يقولي و نشوف نحسبها ازاي

**khaled_yassin** · 04-03-2012 01:50 AM

المشاركة الأصلية كتبت بواسطة مواطن مصرى

انا طلبت قبل كده من موقع امازون ذات نفسه قبل كده حاجات للابتوب القديم بتاعى (شاحن و رامات) و جاتلى بعد شهرين كاملين (54 يوم بالضبط) و استلمتهم من شركة شحن اسمها aramex

و طلبت حاجات عن طريق موقع مصرى اسمه ادفعلى و هى شركه مصريه تقدم خدمه الشراء من اى حته على النت (انت تقولهم عايز كذا اللى على موقع كذا على النت و هما يقولولك الحاجه دى هتوصلك لغايه البيت بعد فتره كذا بمقايل كذا مع اضافه هامش ربح بسيط جدا) هما بياخدوا الفلوس مقدم (ممكن تروحلهم او هما بيبعتوا حد لغايه البيت ياخد الفلوس مقابل 10 او 20 جنيه زياده حسب انت ساكن فين) و طبعا بيبعتوا حد لغايه البيت يوصلك الحاجه لما توصل بالسلامه

اطمئن مفيش خوف الفكره كلها فى الوقت و فى تكلفه الشحن لان الشحن بالوزن (لو طالب حاجه وزنها ثقيل من امريكا مثلا هتدفع على كل كيلو 45 جنيه )

ايه يا عم الكروتة دى ما تشرح بالتفصيل الممل اوى اوى اوى
شهرين للشحن كتيييييييييير اوى دة انا اكون نسيت الحاجت الى طلبتها اصلا واتاخرت شهرين ليه؟؟ عيب شركة شحن ولا ايه بالظلط؟
وشركة ارامكس اسعارها كانت عامة ايه , يعنى اتكتبلك اية فى الفتورة علشان نقدر نعرف احنا هندفع ايه
مش لازم اسعار لان اكيد الاسعار بتختلف تبعا للحاجة الى اشتريتها لكن هنكون عارفين بندفع لايه؟
يعنى توصيل للبي بكذا , تخليص جمركى بكذا
نفهم بس الحاجات الى هيدفعلها فلوس