الموضوع: العربيات الي ملهاش ورق؟

المشاركة الأصلية كتبت بواسطة maserati

السلام عليكم و رحمة الله و بركاته

أنا اللى أعرفه أن:

1 - العربيات اللى مالهاش ورق ممكن تيجى من أى مكان و ليبيا مش أرخصهم و لا حاجة, ممكن تلاقى فى ألمانيا أرخص.
2 - أن العربيات اللى بينضربلها ورق دى ممكن تودى فى داهية بالراااااااااااااااااااحة خالص حتى لو عملت الموضوع ده و ركبت العربية كااااااااااااام سنة, ساعة مالعصابة بتقع, بيدل على كل العربيات اللى ضربها و بيجيبوها و كل اللى اسمه اتربط بالعربية بيتجاب و بيلبس, و بتبقى قضية أمن دولة و كان فيه من كام سنة كده قضية اتاخد فيها لواءات شرطة كانوا ملطوطين فى الموضوع ده.
3 - لو العربية اتسرقت منك, فعلا بيبقى مطلوب منك أن تدفع جماركها على دااااااااااااير مليم و مرة كان واحد معاه مرسيدس معدلة جمرك مو 83 و اتسرقت و كان عامل اعلان 20000 جنيه مكافأة للى يلاقيها.
4 - لو عاوز تشد عربيتك بقطع غيار نظيفة و رخيصة, ممكن تجيب من ألمانيا العربية اللى أنت عاوزها و تقطعها هناك و تدخلها مصر متخردة عشان يبقى موتورها بورق و تعرف تثبته على الرخصة.
5 - اللعب فى العربيات اللى منغير ورق, بيبقى مهروش و بيبقى عامل زى واحد فارش و بيبيع حشيش و بانجو أودام وزارة الداخلية و لو لاقدر الله, اتلطيت, هتبقى مصيبة سودة و من غير لازمة.

بالتوفيق ان شاء الله .

بالنسبة للنقطة رقم 3 أعتقد ان نوادي السيارات التي تقوم باصدار التريبتيك عليها جزء كبير من المسئوليه في حالة سرقة أو تلف السيارة

المشاركة الأصلية كتبت بواسطة MASERATI

السلام عليكم و رحمة الله و بركاته

أنا متهيألى و الله أعلم, أن سرقة العربية الجمرك غير التلف, لأن التلف, بتبقى العربية لسه موجودة و بالكتير أوى هيصادروها منك, لكن السرقة, أصلا العربية مش موجودة, فمبيلقوش أودامهم غير صاحب العربية و يقولوله, ادفع بأه يا حلووووووووووووو, لكن التلف, لو أنت ملدفعتش الجمارك, هيعملوا ايه, هياخدوا العربية, بالسلامة.

ده رأيى الاجتهادى و الله أعلم.

لأن دايما كنت بلاحظ أن المشكلة بتحصل لما العربية الجمرك تتسرق, لكن لو مثلا عملت حادثة و اتكسرت, مفيش مشكلة.

أما عن دور نادى السيارات, أنا مش عارف بصراحة .

انا عندي دفتر تربتك اللي نزلت بيه مصر في شهر اغسطس الماضي
ولما قريت التعليمات وجدت فعلا بند بيقول ان في حالة سرقة أو تلف السيارة لا تعفيك الدولة المضيفة من الرسوم الجمركية
ولكن هما فعلا مش موضحين هل بيتحملوا مسؤليتها أم لا
ولكن لو قرأت المقال التالي مع مدير عام الجمارك في السعودية وتعريفه لدفتر التربتك

ما أهمية دفتر (التربتك)؟ وما المزايا التي يحصل عليها حامله؟ وما هي متطلبات الحصول عليه؟

- يعتبر دفتر (التربتك) مستنداً رسمياً دولياً لتوثيق حركة السيارات عبر المنافذ الحدودية بين الدول دخولاً وخروجاً وضماناً للرسوم الجمركية للدولة التي تدخل إليها المركبة، فهو يسهل سرعة إنهاء اجراءات المركبات عبر الحدود باعتبار أن جهة إصدار الدفتر ضامنة للرسوم الجمركية في حال بيع المركبة التي دخلت على أساس مؤقت.
ويتطلب الحصول على دفتر (التربتك) وجود جواز السفر واستمارة المركبة ورخصة القيادة سارية المفعول والهوية الشخصية ويمكن تلخيص مزاياه في حماية المركبات المسجلة في المملكة من دفع أي رسوم أو ضرائب تستحصل عادة عند دخول المركبات لأراضي دولة أخرى طالما أن دخولها كان بشكل مؤقت وسيتم اخراجها من الدولة.

���� ��� �������.. ������ �� ���� �ܫ���� �������� � ������� �� ��� ����� ���� ���� ������ ������ ��� ��������