-
محل غسيل سيارات وكار كير
السلام عليكم
بقالى فترة كبيرة جدا معملتش اى مشاركة ... لكن لما اتزنقت فى معلومات اول ما فكرت فكرت فى الجروب العزيز جدا عندى واعضاؤة المحترمين
ارجو الافادة وانا متاكد انى هستفيد منكم
انا بفكر انا وواحد صاحبى نعمل محل غسيل سيارات وكار كير فى المنصورة
اولا : اية رايكم فى المشروع دة ؟ ... نبدأ فية ولا بلاش
ثانيا : اجيب المعدات جديدة ولا مستعملة
ثالثا : اسعار المعدات اية واجيبها منين
رابعا : اية هى عوامل نجاح المشروع دة
ولو فى حد جرب المشروع دة ونجح معاة او فشل ياريت يفيدنى من تجربتة لان الفلوس معانا مش كتير وتقريبا كل واحد هيحط اللى حيلتة وعاوزين نفكر كويس قبل ما نتوكل على الله ونبدأ
الف شكر مقدما على كل اللى هيتكرم عليا باى معلومة
-
متابع نفس الموضوع بفكر فيه انا وواحد صاحبى بردو اننا ننفذه بس خايفين نخسر فيه اللى حيلتنا
-
-
روحو لحد فتح المشروع بس يكون بره المنصوره و افهمو الزتونه و اضمنو العماله فى ايديكو و هتنجحو باذن الله
-
جاري العزيز...
المشروع ماشاء الله مش مكلف ومربح جدا
اهم شيء اختيار المكان المناسب
لازم يكون عنبر واسع وقدامه مساحه لا باس بها علشان العربيات تنتظر
والاهم طبعا يكون علي شارع رئيسي يكثر به الماره والسيارات
يبقي كده لوز الجوز...بعد كده عداد ميه ونور تجاري-2 كمبروسر
كبسوله للصابون-مسدسات ميه......
طبعا اعداد المكان كويس جدا .مجاري ميه فرعيه واخري رئيسيه
وحوض تجميع للرمال والاوساخ-سيراميك للحوائط -اضاءه معزوله ضد الميه
مطلع علشان اللي عاوز يغسل العربيه من تحت ...
طبعا عمال كويسين ويونيفورم لذيذ -دعايه حلوه للمغسله برشورات وملصقات
المعامله الحلوه طبعا للزبون بدون انتظار بقشيش او زياده من العمال ..
ده الموضوع بشكل مبسط طبعا وكل مفرده من السابق ذكرها ممكن تعمل منها موضوع ..
بكده دي مغسله اللي هي الغسله ب10 او 15ج
لو بتتكلم بقي في كار كاير اعلي شويه يبقي مكان للضيافه واخر للاداره ومكتب ولاب واشتغالات
وغسيل موتور بالفوم والمواد الكيماويه وشمع للطلاء وتنظيف الفرش بالبخار ومعطرات واستيكرز ..وكل خاصيه ليها معده او ماكينه خاصه بها .يارب اكون افدتك وربنا يوفقك ..
-
-
-
الف شكر لكل المشاركات والردود
وشكر خاص جدا للاخ هيلل بوى من دمياط .... اكيد استفدت من كلامك كتير
بس استفسار صغير عن حوض التجميع بتاع الرمال والاوساخ ... دة بيبقى نظامة اية لانة كان غايب عن بالى تماما
احنا كل اللى فى بالنا كان ماسورة للصرف فقط
-
العفو يا جميل..
بص ياباشا..بيبقي في مجر فرعيه تجمع ميه الغسيل بتصمم مكانها حسب مساحه المغسله وطبعا البلاط بيتعمل بميل ناحيتهم
.بعد كده المجر دي بتصب في مجرة اوسع شويه بتودي لحوض التجميع اللي عباره عن حجره صرف مربعه وغويطه ,الميه المحمله بالرمل والاوساخ بتصب في حوض معدن كبير وغويط متعلق راسيا علي حجره الصرف
اللي بيحصل ان ميه الغسيل بتملي الحوض وبعدين تنزل علي الصرف تاركه الرمل والمخلفات الثقيله في حوض التجميع المعدني ,تمام..ولما يتملي بالمخلفات بيتفضي ويرجع تاني وبكده بتحافظ علي الصرف انه يتسد او يعطل لانه مهم جدا في منظومه العمل في المغاسل وربنا يوفقك انا باجي المنصوره كتير قوي اول غسله وتلييفه هتبقي ببلاش هاهاهاها.تحياتي
-
جزاك الله خير على المعلومات القيمة والمفيدة دى
وبعدين يا باشا انت بقيت صاحب المغسلة .... تعالى بس واحنا ندلعلك العربية اخر دلع
Content Relevant URLs by
vBSEO 3.6.0 PL2