الموضوع: المتزوجون: بتقضو وقتكم ازاي؟

المشاركة الأصلية كتبت بواسطة mailo

ياباشا يقدر دبل دي اللي عليها شدة والدال دي برده عليهها واحدة

أنا developer أنا كمان وباقولك إن الشغل والتسلية بالنسبالي هم الكمبيوتر
مش كل الناس هتقدر هتفهم الكمبيوتر إيه بالنسبة للناس بتوع ال it وخصوصا el-developers

طيب الحمد لله اصلي كنت قلقان عليك :)

المشاركة الأصلية كتبت بواسطة elhelwany188

السلام عليكم ورحمة الله وبركاته ..
اخى الكريم ..
اولا مش لوحدك بتعانى من المشكلة دى الكل بيعانى من المشكلة دى وبيحاول يحسن مستواه ومستوى اسرته وده كويس طبعا ومطلوب ..
بس فيه حاجة خلى بالك منها اوى متحولش تخلى نفسك خزنة فقط لا غير بالنسبة لاولادك وزوجتك ..
انا مش هاقولك تعمل حسابك كل يوم ساعة او ساعتين للاسرة لان ده صعب عن تجرية ..
بس على الاقل يوم او اثين فى الاسبوع غير يوم الاجازة طبعا ليهم هزار وضحك وخليهم هم اللى يتكلموا عملوا ايه طول اليوم وايه المصايب اللى عملوها وهزار واهم حاجة تاكل معاهم غداء او عشاء وتتفرج معاهم على اى حاجة فى التليفزيون او الكمبيوتر من اللى بيحبوا يتفرجوا عليها ...
يوم الاجازة اعذرنى ياصحبى ده مش ليك ده ليهم هما وبس ...
انا عن نفسى يوم الاجازة فيه حاجات كتييييير ممنوعه فيه زى مش حاجة اسمها غسيل او طبيخ او تنظيف بيت او اى حاجة تشغل حد عن حد ....
يوم الاجازة اجازة للبيت كله عايزينه نقضيه جوه البيت اوكى بره البيت اوكى عند حد من القرايب (صلة رحم) اوكى اهم حاجة منشغلش نفسنا باكل او غسيل او شرب او تنظيف او شغل ...
اى حاجة تتاكل شغال اى حاجة نتفرج عليها شغال اى فسحة نتفسح فيها شغال وده بيبقى الصبح يعنى بنحدد كل حاجة الصبح مش قابليها ونعملها خطة لآلآلآلآلآ احنا بنعمل يوم غير تقليدى علشان نقرب من بعض ونحس ببعض مش كل واحد فى وادى لوحده ....
واسف انى طولت عليك بس انا بصراحة حصلت معايا مشاكل كتييييير وماتحلتش غير بلى حاكيته فوق ده ...

فى البداية أود شكرك على كلامك الهايل
وأتمنى أن كل واحد فينا يحاول على قدر المستطاع أنه يطبق حيث الرسول صلى الله عليه وسلم ( إن لبدنك عليك حق ولأهلك عليك حق ولربك عليك حق فاعط كل ذى حق حقه )
لأن بالفعل كلنا يقع فى ذات المشكلة المطروحة من إهتمام شديد بالشغل وسعى قوى وراء زيادة الرزق وتحسين الدخل ومعيشة الأسرة وبالفعل المشكلة الأكبر أن هذا ممكن جدا يكون على حساب أشياء كتيرة جدا .
وللأسف نندم وقت لا ينفع الندم .