الله يبارك فيك
الفتيس تعبان واللهي مش عارف ماله ادائه مش عجبني بس الماتور فايق والتعديلات الاخيره رفعت من روحه المعنويه فعايش
عرض للطباعة
ربنا يباركلك
يا صديقى والله ما بنق على الفتيس بتاعك
اوعى تفهمنى غلط
كدة ازعل
انتا عارف انا بتمنى الخير للكل
انتا تعرف انى انا اكتر واحد منصاب هنا فى المنتدى بس مابحبش اقول
كل فاكرانى انا عربيتى ضد الاعطال عارف لية
علشان
صاحب العربية
م / احمد سيد
للدرجةالاستاذ صبحى قلى اليوزر بتاعه صقر هنا فى المنتدى قلى خف على نفسك شوية
لانى لوزة قلى هى فلشيتى خلاص بعد التجديدات ومعداش عليها 3 شهور من التجديد
فالناس هنا مفتكرة انى عربيتى طيارة ضد الاعطال ربنا يستر
1- نزلت من البيت لقيت الرفرف اليمين معجون
2- نزلت من البيت دة فى يوم تانى لقيت الفلاشر اليمين مكسور
3- نزلت من البيت دة فى يوم تالت لقيت الفلاشر الشمال مكسور
4- العربية مركونة فى بركنج الشغل بتاعى جيت اركبها لقيت الرفرف الشمال متجرح وخبوط
5- جيت ماشى فى شارع فيصل عيل صغير راكب العجلة جرح العربية بجدون العجلة جرح بتاع 40 سم بقولة اية يبنى قلى معلش يا عمو
6- ترس البندكس بتاع المارش بيفوت
7- ترموستات المروحة بتخرف
8- طلمبة المياة عاوزة تتغير علشان الطنبورة فيها رافة وكلاسبوع تاكل سير وبقةعاملة زى الكركة
دةقلى حصل فى خلال 3 شهور بس
قولى بقى اعمل اية وبقول الحمد لله بتيجى فى حديد
واللهي انا ما اقد حاجه خالص انا واللهي بحسن نيه ان انا عندي مشكله في الفتيس واقصد انها مش فايقه بسبب الفتيس زي ما حضرت مفكر
والي حضرتك قولته ده مش حاجه بالنسبه لغيرك
احنا عربيتنا الترلا اتقلبت مرتين في اقل من سنه
وعربيتي الفليشيا لو شوفتها من بره وشها ضايع الشنب والرفارف والكبوت انا بركنها جوه الجامعه لقيت واحد راسم ليه نجمه بقلم جاف وشايل الدهان والنجمه بحجم الكبوت
قولت بلاش اركن في الباركنج بتاع الجامعه روحت لقيت العلامه بتاعت سكودا متكسره علي الارض والشبكه الي وراها فيها ريشه مسكوره
قولت مش راكن جو الجامعه ركنت بره ووصيت السايس عليها يا ابني انا فلان وخالي بالك من العربيه قالي عيني
طلعت لقيت العربيه وشها مدمر عربيه شاهين رجعه بضهرها عوجة الكبوت وكسرت الفانوس الشمال وفرتكت الوش والصدر خزن وعدلتهم علي البارد
انا عندي بلاوي بسبب الموضوع ده يا باشمهندس ربنا يحفظنا ويحفظك ومش تفتكر ان انا واللهي بقول عليك كده انا عارف ان حضرتك من اكتر الناس احترام في المنتدي وكفايه لما اتصلت بحضرتك علي الموبيل والشبكه فصلت لقيت حضرتك الي بتتصل بعدها ده شئ يدل علي احترامك
وانا اسف لو كنت فكرتني ظنيت بيك كده
ربنا يباركلك فيها ويديك خيرها ويبعد عنك شرها واعطالها
ربنا يخليك يا باشا
هي من ناحية الاعطال مش بتقل اصلها معايا 3 سنين معطلتش فيهم غير مرتين وبكون وصلت البيت ومش تعطل تقف لا تعطل وتمشي بردو
بإذن الله متعطلش معاك أبدا وتشرفك في كل الطرق والكباري والأنفاق، بس مجرد سؤال بسيط، هو حضرتك ليه مفكرتش تشتري موتور استيراد والموضوع يبقى مجرد فك وتركيب؟؟
الف مبروك مشاء الله
باذن الله هي لحد النهارده مكسفتنيش انا لسه داخل البيت وقبل ما ادخل بربع ساعه كان في منافس نص علي الطريق بس بجد خليته يولع في العربيه الربع نقل الي هي الجديد الفنوس الكبير
اخد انا وهو المطب والعربيتين جمب بعض واطلع علي الاول سحب واداء جبااار
موضوع موتور استيراد
انا مش ضامن الي هجيبه حلو وحش كده وكنت هغير ليه جونات وحجات كتير
وجبت واحد 1600 سي سي وخلاص هركب وكنت طاير من الفرحه بس للاسف طلع كان فيه كسر وصاحبه لحمه رجعته وقولت اجيب فارغه انا بقئ واعمل علي ايدي
وكانت الفتره دي عندي اجازه كنت بقوم من النوم بدري اروح للميكانيكي لحد لما يقفل بليل
الله يبارك فيك