كل الشكر للقائمين على هذا المنتدى الرائع الذى افادنى كثيرا ارجو من الاخوة الكرام يخبرونى كيف اذهب للحرفيين من طريق السويس ويا ريت يكون الوصف بالتفصسل عشان دى اول مرة اروح الحرفيين وعايز اروح بالعربية بتاعتى وشكرا مقدما
عرض للطباعة
كل الشكر للقائمين على هذا المنتدى الرائع الذى افادنى كثيرا ارجو من الاخوة الكرام يخبرونى كيف اذهب للحرفيين من طريق السويس ويا ريت يكون الوصف بالتفصسل عشان دى اول مرة اروح الحرفيين وعايز اروح بالعربية بتاعتى وشكرا مقدما
بص هى وصفها كدا صعب شوية بس الحرفيين على اول طريق الاسماعيلية ففى طريقين من السويس يودوك الصراحة واحد اقصر شوية بس يتوه و التانى اطول شوية بس سهل وصفه و دا اللى هوصفه لحضرتك.
بص لما توصل لاول طريق السويس (من ناحية القاهرة ) هتلاقى حتة زحمة كدا و الطريق بينحدر قليلا و على الطريق محطتين بنزين قصاد بعض واحدة الناحية الشمال اللى مسافر السويس و واحدة يمين اللى راجع من السويس , نفترض ان حضرتك جى من السويس للقاهرة , حضرتك وصلت القاهرة تقريبا قبل مدخل القاهرة مباشرة شفت المحطتين البنزين (الاتنين shell) تخوش يمين بعد محطة البنزين مباشرة , على الناصية هتلاقى مستشفى الكهرباء تخش الفتحة اللى بعد محطة شل للبنزين اللى على ناصيتها المستشفى و بعدين تمشى علطول للاخر فى شارع مكسر شوية حتلاقى نفسك على الطريق الدائرى بين مدينة نصر و مصر الجديدة اللى بيودى للمطار و هتلاقى شيراتون فى وشك , تخش يمين (اجبارى) فى الطريق دا مع بقية العربيات و تمشى فيه للاخر. فى اخره هتخش يمين اجبارى برده مع العربيات هتلاقى كوبرى فى وشك و مطلعه فى النص و على اليمين فتحة بتودى للمطار خليك على الشمال متطلعش الكوبرى ولا تخوش يمين يعنى تخليك على الشمال, امشى علطوووووول هتلاقى نفسك وصلت للسندباد(ملاهى معروفة اوى) كمل علطووووول برده لحد متوصل لكوبرى انزل من تحت الكوبرى (يعنى متطلعش الكوبرى و خش شمال), كدا انت تقريبا وصلت (انت كدا الحرفيين فى وشك بس ركز معايا علشان تدخل جواها) , اول ما تخش شمال اللى قولتلك عليه و تبقى تحت الكوبرى كمل لقدام حطة صغيرة (اجبارى) و هتلاقى الشارع بيحود يمين (اجبارى) حود معاه كدا انت تحت الكوبرى و على اول طريق الاسماعيلية , حتلاقى لفه بعد حوالى 10 متر فخلى بالك اول ماتدخل اليمين الاجبارى حاول تخليك على الشمال علطول بسرعة و بعديها (تعمل u-turn) تلف و ترجع يعنى و يبقى طريق الاسماعيلية فى ظهرك. بعدين تخش اول يمين بعدين 20 متر كدا, و بعدين اول يمين تانى بعد حوالى 10 متر برده و بعدين تمشى شوية لحد ما الشارع يخلص و تخش شمال مع العربيات (الشارع دا رايح جاى يعنى هتلاقى عربيات فى وشك) تمشى شوية صغيريين هتلاقى نفسك جوه الحرفيين)
الف شكر لسرعة الرد والشرح الوافى بس فيه ناس قالولى ان اخذ الطريق الدائرى اللى هو طريق محطة المرج الجديدة لحد ما اوصل لحد داخلة مدينة السلام يمين واول ما اخد الداخلة دى الاقى طريق رايح جاى هى دى الحرفيين كل ده قبل ما اوصل محطة المرج الجديدة بتاعة البيجو والميكروباص الخاصة بالمحافظات فهل الكلام ده صحيح ام لا وشكرا
الصراحة انا معرفش فين محطة المرج دى (او يمكن اعرفها بس معرفش اسمها فمش عارف هى فين ) عموما الطريق التانى تاخد الدائرى لحد متوصل لطريق الاسماعيلية و من هناك تمشى لغاية كوبرى الهايكستب و تخش يمين فى الشارع الرايح جاى هناك الحرفيين بس مش عارف حضرتك تعرف تروح من كريق السويس لطريق الاسماعيلية و لا لأ , لو تعرف يبقى الطريق دا اسهل كتير اوى زى ملقلت فى الاولاقتباس:
الف شكر لسرعة الرد والشرح الوافى بس فيه ناس قالولى ان اخذ الطريق الدائرى اللى هو طريق محطة المرج الجديدة لحد ما اوصل لحد داخلة مدينة السلام يمين واول ما اخد الداخلة دى الاقى طريق رايح جاى هى دى الحرفيين كل ده قبل ما اوصل محطة المرج الجديدة بتاعة البيجو والميكروباص الخاصة بالمحافظات فهل الكلام ده صحيح ام لا وشكرا
واانت فى طريق السويس و وصلت لحد الطريق الدائرى:
اطلع من اول مطلع على يمينك الى الطريق الدائرى
افضل ماشى لحد ما تعدى النفق اللى تحت طريق مصر اسماعيلية الصحراوى
انزل من اول نزلة على اليمين
امشى لحد اول تقاطع بالعرض... انزل شمال
اهلا و مرحبا بك فى الحرفيين
MMamdouh
الف الف شكر لكل من ساهم بالرد فعلا انه منتدى العمالقة