دة مش دوست على طوبه دة انادوست على صخرة على سرعه 160 والمساعد جاب اخرة ولا حصل اى حاجه الا بالونه فى الكاوتش وبعدين مكنه ليجانزا على لانوس بتقفل 250 كيلو وعادى جدااااا انا ماتورى 1500v16 فقط عندنا باسات fsi اخرها 195 ولو اتشقلبت مش بتعدى الرقم ده
عرض للطباعة
صخره ..........160................بلونه فى الكاوتش بس ؟؟؟....طب قول الجنط اتعوج...جابت مقص....باشا معلش...ممكن صوره لعربيتك عشان يمكن متكونش ال لانوس اللى نعرفها
وبالنسبه للباسات الى مش بتعدى ال 195
Passat 1.6 fsi @ 210 km/h - YouTube
فى اكتر من فيديو بيثبت عكس دة
اللانوس 86 حصان تقريبا ومشكوك فى امرهم d: هى طلعتها بطيئة بس بعد كده بتطير
النوبيرا هى اللى 105 حصان
المهم متعملش كده تانى ياعم امشى على مهلك وربنا يستر طريقك
مش عارف ليه حاسس ان فى حاجه مش مظبوطه فى الموضوع دا ....لانوس تجيب 160 وتدوس على صخره والخساير تطلع فى الكاوتش مش فى الارواح.... لا وبتجيب 210 كمان .....دا حتى لو الموتور 1500 اتنين كامه مش هبقى الفرق كدا لان النوبيرا ال 1600 اتنين كامه مبتعملش كدا حتى لو على منزل وفى النهايه احب اوجه كلمه لمنصور بيه بعد ما نزل الشيفورليه لانوس الجديده كليا .........يا فرحه ا.. بيك...يا فااااااااااااااااشل.
على فكرة اللانوس ممكن تجيب 100 فى 11.5 ثانية
Lanos 1.5 0-100 in nearly 11.5 s - YouTube
MMamdouh
الموضوع كله الناس عماله تسخر من الدايو وتقول بترقص ومش ثابته وبطه وبتحطها فى مقارنات مع عربيات 1600 16v ادى الانوس 1500 16v ما فيش عربيه على الطريق قدرت عليها وعربيات حديثه جدا واحصنه اكتر جداااااااااا العربيه الى مجربتش معاها الهوندا والله بتوع السيراتوا بيصعيوا عليا وانا بعدى منهم بعد 190 بكل سهوله على الصحراوى وبمتور 1500 فقط وتكنولوجيها التسعينات والثبات والتحكم ولا كلمه ولا الفيرنا الاسطوريه بتكح تراب جنب الانوس
مع احترامى للجولفات يا جماعه انا برضه مقلع جولف 4 قبل كده اولانى تانى تالت الواد مش عارف يطلع من ظهرى و مش غرز دا شد طوالى
اما بالنسبه للموتور الاتنين كامه ال 1500 فهو موتور غبى جدا و دا ابسط دليل ان الناس اللى فى مصر مش فاهمه الدايو الصح
الفيديو دا انتا الي مسجله يا ممدوح
موتور اللانوس 1500 16v غبي جداً ياجماعه انا عربيتي جابت من 0 إلى 100 في 8 ثواني
وجبت سرعه 200 على طريق السخنه وجبت 210 على طريق الكريمات وكانت تقبل تجيب تاني بس انا خفت ازود تاني لآن منظر العدادا وهوه 210 خضني
طريق الكريمات لو لوحدي في السيارة ممكن اقفل عدادها دا طريق تيتتتتتتتتتتتتتتتتتتتتتتت تتتتتتتتتتتتتتتتتتتتتت
لا تكررها مره تانيه نصيحه من القلب ...وربنا يكفيك شرها
180 فقط الطريق مكنش مساعد بس المهم نشوف تجميع السرعه بعد 140
MOV02518.AVI - YouTube
اصل صعب اوي انك تعملها بعربيتك الراجل كان بينقل علي 6 ار بي ام متهيالي مش هتهون عليك عربيتك تعمل فيها كده
مين ده ممدوح الطبيعي بتاعه بينقل على rpm 18
انا بنقل بعد اما بتفصل
شوفوا الفيديو ده لانوس 1500 سي سي 2 كامه
http://i1166.photobucket.com/albums/...affii/th_1.jpg
[youtube]http://www.youtube.com/watch?v=gB9sWx-vNP8[/youtube]
تمام الله ينور عليك و ربنا يباركلك فى عربيتك و يحميك
على فكره احب اوضحلك حاجه
1- السيراتو حساسه جدا لاقصى درجه للبنزين يعنى لو حطاتلها بنزين سىء هتبقى سلحفة السنين و بنزين نضيف محترم من بنزينه مش بتغش هتلاقيها فايقه جدا جدا و ده عن تجارب كتير جدا بكذا عربيه سيراتو فى المنتدى و غيره .و تجارب معى شخصيا .يعنى مثلا مونت من على الطريق الزراعى و جت لانوس جريت من جنبى سخنت و قلت هشد معاه و الله ما عرفت اجيب ال 140 و العربيه كان اخرها كده و اللانوس اتبخر مش بعد طار و مشفتوش تانى .
و مره عملت الصيانه و طلعت طريق السخنه و مونت من امارات مصر .و ماشى طريق السخنه 120 كم /ساعه و مؤدب و عدت من جنبى مينى كوبر و بتناقش انا و صاحبى هى ماشيه كام .هو قال 220 اقل حاجه و انا قلتله 180 بالكتير و اخدت قرار بعد ما المينى عدت بكيلوا منى او اكتر انى اشد و اعلم عليه هههههههههههه للاسف كانت مينى كوبر اس ههههههههه
و انا طبعا بهزر مع صحبى و جريت فور فن بس و وانا اديت الكيك داون التمام ووصلت ل 180 و المسافه عماله تتوازى يعنى قربت تثبت بس هو لسه بيفرق قلت اكيد هو ماشى اكتر بكتير من 180 و خسرت الرهان و كنت لسه دايس بنزين .و مفيش حاجه بسيطه لقيت صحبى بيقولى انت قفلت عداد و بردوا ملحقتوش ههههههههههههههههههههههههه
و ده اللى حصل فعلا قفلت عداد و انا مش قصدى تقريبا 213/كم/ساعه .
الخلاصه لو محافظ على نضافة الموتور و مهتم بالعربيه و كل حاجه و بوجيهاتك و بواباتك و كده هتلاقيها فايقه جدا و تعلم على اغلب عربيات الطريق اللى بتشوفها فى فئتها .و لكن اى اهمال او اى شىء من بنزين سىء لبوجيهات لغيار زيت و كده مش مظبوط هتلاقيها بطه بلدى بتقول كاك كاك .
و على فكره مش انا لوحدى اللى قفلت عداد .كمان فى زميلنا فى المنتدى ياسر الصياد قفله قبلى من سنه
و على فكره عربيتنا الاتنين اوتوماتيك
عاوزك تجرب تشد مع سيراتو مانيوال فايقه و صدقنى هتزعل منه بجد
لان فى زميل لنا كان مع والده المانيوال و هو الاوتو و بيقولى ان المانيوال وحش مفترس و الاوتو جنبها بطه بلدى .
بس اكتر من 95% من السيراتو فى البلد اوتوماتيك و ناس بتركب و تمشى و خلاص و ممكن يكون اغلبهم مش سويه او مش مهتمين بالنضافه بتاعه الموتور و غيرها .عشان كده ممكن ميعدوش ال 170 او 160 او اخرهم 180 كمان .
انا و الله مره العربيه لقيتها قفله على 160 و حلفت مش هتعديها خالص .رحت للميكانيكى قلتله يبصلى على البوجيهات لقيتها صباح الفل انتهت .
و لما غيرتهم وصلت ل 190 فقط
و بعد كده لما ظبطلى فتحة البوجيه بالمقاس المطلوب و المناسب العربيه قفلت عداد و كان سحبها وهمى و استهلاكها افضل بكتير فى المشى العادى عن الاول .
البوجيه فى السيراتو و البنزين و فلتر الهوا و نضافه الايدل كنترول و بوابى الهوا و فلتر البنزين و حالة الزيت و الفلتر بتاع الزيت .بيفرقوا فرق السما من العما فى العربيه دى
و انا مش بكدب حضرتك لا و الله بس انا عارف انا مفيش حد عارف اصلا ان بوجيه السيراتو لازم يتظبط على 0.8 ملى و هيفرق جامد جدا .و يراعى بقيت الشروط اللى انا قلتها و كمان تبقى العربيه مانيوال و سواق حريف يعرف يطلع العفريت بتاع الموتور بتاعها .هتلاقى كل ال 1600 بيزعلوا جامد منه بجد و بفرق كبير جدا جدا.
انا معاك و مصدقك جدا جدا .بس لو حد معاه سيراتو مانيوال و عمل اللى انا قلته هتلاقى وحش السنين و مش هتعرف تعلم عليه من بابه . و مش هتاكل عيش معاه من اصله على الرغم من ان السيراتو اوتوماتيك اتقاست على الدينو و طلعت 92 حصان فقط يعنى انت عربيتك 107 حصان يعنى اعلى منها و الكفه لصالحك .
هتقولى تعالى انت شد معايا طالما انت شايف نفسك مراعى الشروط و مهتم بالعربيه و كده .هقولك انت مانيوال و انا اوتوماتيك يعنى فى فرق 2 ثانيه لصالحك ده من غير ما نبدا الكلام .و كمان انت ممكن تنقل فى الرد زون و انا مقدرش .هتبقى مواجه غير عادله و غير منصفه لى .لانى اوتو و انت مانيوال .
بس انا قفلت عداد لما براعى المواضيع دى و كل المعلومات دى و تقفيله العداد و كده عرفتهم بالصدفه البحته و الله العظيم من التجارب و الملاحظه .
و ربنا يوفقك و يحميك .
و تسلم ايدك على المواضيع الجميله دى .