محتاجين نطور مشاركتنا باللغة العربية

**M_HaFeZ** · 31-05-2008 02:02 PM

المشاركة الأصلية كتبت بواسطة piezo

اه و نبي يا رايت يا جماعه علشان تبعت من الحاجات الي الناس بتكتبها مش هنا بره الاقي و احد كاتب علي الميكروباص بتاعه قشطه بس مش كده طبعا كتبها (أشطه ) وحاجات كتير طبعا زي ديه و بتنرفزني
احنا مش مشكله الواحد منا لما بيكتي بيكتب بسرعه و ممكن مايخدش باله
الحل الواحد يراجع علي الكلام الي هو كتبه علشان لو لقي غلط يصلحه

المشاركة الأصلية كتبت بواسطة دموع الثلج

كلنا ممكن نغلط واحنا بنضغط احرف الكمبيوتر دى مش مشكله اللى بيغيظنى جدا الاخطاء الاملائيه

ذى عضو يحب يكتب كلمه استاذ يكتبها كده ( استاز ) بالذمه ده كلام او

طبعا كتابه الكلام بطريقه صحيحه وبالحروف الصحيحه مهم ولكن الاهم هو عدم استخدام الكلمات المحرمه دينيا

مثل والنبى و بالذمه
قال رسول الله صلى الله عليه وسلم "(‏لا تحلفوا بآبائكم ، من كان حالفاً فليحلف بالله أو ليصمت‏"
لانها بتوصل لحد الشرك والعياذ بالله

**محمد المشد** · 31-05-2008 02:06 PM

المشاركة الأصلية كتبت بواسطة دموع الثلج

كلنا ممكن نغلط واحنا بنضغط احرف الكمبيوتر دى مش مشكله اللى بيغيظنى جدا الاخطاء الاملائيه

ذى عضو يحب يكتب كلمه استاذ يكتبها كده ( استاز ) بالذمه ده كلام او

كلمه ذكاء بقدره قادر تكتب كده ( زكاء)
بصراحه عيب اوى نبقى مش عارفين نفرق بين حرف ( ز ) وحرف ( ذ )
طيب لو فرضنا ابنك الصغير شاف حضرتك وانت بتلخبط بين حرفين هتقوله ايه ؟
معلش يا ابنى اصل بابا ساقط فى الامــلاء ...........!

ياريت نراجع المشاركه ونراجع كمان حروف اللغه

نعم كلام سليم 100% 000 وبلاش الناس اللى بتكتب اللغة الانجليزية بطريقة العربية زى MOTSHKER الاخ يقصد متشكر 00 مش عارف اية اللى حصل علشان اللخبطة ديت

**Ahmad Allawy** · 31-05-2008 03:09 PM

هو انا في عندي معلومة لسة عارفها من يومين تلاتة بالصدفة البحته..
ان لما تكتب موضوع او رد او كده..و تبعته..
في خلال 6 دقايق.. هتلاقي في زرار كده تحت جنب Quick - Multi - Quote
ظهر اسمه Edit ممكن تدوس عليه و تعدل اي حاجة انت كتبتها او تشيلها خالص.. براحتك..
و بالتالي بيديك فرصة لو لقيت غلطة املائية و انت بتراجع بعد ما بعت انك تصلحها..
وغير كده في حاجة اسمها معاينة المشاركة ودي اسهل بكتير كمان..

والف شكر علي الموضوع الهام جدا و الاراء المفيدة جدا..

**M_HaFeZ** · 31-05-2008 03:42 PM

والله ياحمد اتمنى موضوع التعديل ده الوقت بتاعه يتفتح شويه
6 دقائق قليل اوى
فى منتديات بيفتحها فترات اطول من كده بكتير واهو كله فى المصلحه
يعنى ممكن تقرا تلاقى خطأ منك كتبته فتصلحه
او مثلا ترد رد تحس انه ناشف شويه فترجع تغيره علشان تقلل من حده الكلام

**Moh.Fahmy** · 31-05-2008 03:57 PM

المشاركة الأصلية كتبت بواسطة haima

لكى نكون عمليين اقترح ان كل من يجد خطأ املائى ( او اى خطأ واضح ) ان يقوم بتصحيحة فى مشاركة تالية
وارجو من الاخوة المشاركين سعة الصدر من الجانبين
انا شخصيا اقوم بذلك احيانا

اقتراح ممتاز جدا و يا ريت ماحدش ياخد موضوع التصحيح ده بحساسية لاني انا حاسس ان احنا مجرد ان نعمل اسبوت علي الموضوع الكل حيراعي الدقة في المشاركة بتاعته و المشكلة دي مع الوقت حتتحل لوحدها ان شاء الله

محمد فهمي