الموضوع: مشكلة تيل فرامل اوكتافيا وحلها وتغيير زيت الفرامل

المشاركة الأصلية كتبت بواسطة bmya

موضوع جميل بس معلش ممكن اسألأك بس شويه حاجات
اولا هو انتحطيت الزيت القديم على الزيت الجديد ازاي مش كده هيتلطوا ببعض ؟
تاني حاجه في هواء دخل في الفرامل ولا لاءه؟
تالت حاجه انت فضيت عليه الزيت ازاي من الزيت يعني شفطه ازاي من العلبه
شكرا لحضرتك

بص يا باشا بالترتيب كدة علبة الزيت بتتفك من الماستر وتدلق الزيت اللي فيها وبعدين تتغسل وتتنفخ بالهواء لغاية لما تنشف كويس وطبعا الزيت بيكون علي وش فتحات الماستر وبعدين يتم تركيب العلبة ويتم ملئها بالزيت الجديد ثم تقوم بفتح صامولة زيت اول فردة عجل ووضع خرطوم رفيع بها والطرف الثاني للخرطوم في علبة لتفريغ الزيت القديم الي ان تجد الزيت اللي نازل زيت نظيف
ملحوظة الزيت الجديد شفاف والقديم بينزل لونة رمادي او مسود وبالتالي بتعرف الفرق بين الزيت القديم والجديد
ويجب ملئ علبة الزيت كلما وصلت للمنتصف حتي لا يدخل الدورة هواء
ويتم تكرار ذلك مع كل عجلة
ملحوظة العجل الخلفي يتم تركة مدة اكبر بسبب طول المواسير المؤدية للفرامل الخلفية
موضوع لخبطة الزيت مابيحصلش بتجربة بسيطة حضرتك هات مية ولونها بألوان مية وحطها في خرطوم رفيع وبعدين صب مياة نظيفة داخل الخرطوم هتلاقي اللونين مش بيختلطوا والمية النقية بتزق المية الملونة الي ان تخرج بالكامل وتنزل مياة نقية من الخرطوم
واخيرا بأتخاذ كافة الاجراءات السابقة دورة الفرامل لا يدخلها هواء وتأكيدا علي ذلك ممكن اخذ هواء الفرامل في النهاية