مشكلة تيل فرامل اوكتافيا وحلها وتغيير زيت الفرامل
مشكلة تيل فرامل اوكتافيا وحلها وتغيير زيت الفرامل
كنت عاوز انقل تجربتي في عيب حصلي بسبب تيل الفرامل في البداية انا عربيتي اية فور 2006 كنت من فترة اشتريت تيل فرامل والعربية ماشية كويس مافيش مشاكل وكنت ماشي 30 الف ومنذ فترة كنت لما بدوس فرامل احس برعشة في الدركسيون
وكنت بفكر اني اغير زيت الفرامل لاني قريت في الكتالوج ان زيت الفرامل يجب تغييرة كل سنتين وذلك بسبب تشبعة بالرطوبة مما يساعد علي تأكل الاجزاء الداخلية للفرامل وايضا لان درجة غليان زيت الفرامل تقريبا بتكون 280 درجة وطبعا بتقل درجة غليانة بعد تشبعة بالرطوبة وممكن توصل درجة غليانة الي 160 درجة مما يعني ان الزيت ممكن يغلي بداخل اجزاء الفرامل مما يقلل من كفائة الفرامل وقد يؤدي لاقدر الله الي حوادث ونظرا لاني بصلح عربيتي عند الميكانيكي بتاعي وشرحتة الموضوع المهم فكينا الفرامل الامامية وجدت التيل لسة زي ماهو جديد بعد ما مشيت 30 الف كمان اي ان نسبة برادة الحديد بالتيل كبيرة مما يعمل علي تأكل الطنابير وليس التيل وهومايسبب مايطلق علية ان الطنابير حصل بها ريجة
المهم توكلنا علي الله وقررنا نخرط الطنابير وشراء تيل جديد وزيت فرامل 0.4 كما هو موصي بة بالكاتلوج
المهم اشتريت علبتين نصف لتر زيت ate وهو الماني وطبعا 0.4 ودي صورة العلبة
http://img687.imageshack.us/img687/2...b001bavniq.jpg Uploaded with ImageShack.us
وتكلفة الموضوع اشتريت تيل الفرامل اصلي من مركز بيع الاقصي 400 جم +لتر زيت 70 جم+ 45 مخرطة + 45 ميكانيكي
وفضينا الزيت اللي في علبة زيت الفرامل واضفنا الزيت الجديد وبدأنا بفتح صامولة الزيت بكل عجلة علي حدة لغاية لما الزيت ينقص لعلامة الحد الادني بعلبة الزيت ونقفل ونزود زيت تاني وفتح العجلة التالية لغاية لما خلاصنا الاربع فرد عملنا بعد كدة الدبرياج
وحبيت انقل التجربة دي علشان ماحدش يوقع في غلطتي ويشترى قطع غيار مش اصلية ممكن تبوظ حجات تانية
والسبب الثاني حبيت التأكيدعلي فائدة تغيير زيت الفرامل كل سنتين
والحمد لله العربية بقت تمام والمشكلة اختفت تماما
ويارب اكون افادتكم بحاجة
http://img715.imageshack.us/img715/7071/image087j.jpg
Uploaded with ImageShack.us